Isa. 66:2 - Ebaibul

² Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Isa. 66:2 Iomraidhean Croise

1 Ŋirw. 21:29

“Idau ba iyoŋ aanyun epite ŋolo etiditeunor Aab alokiŋaren kaŋ? Aŋuna etiyaa iŋes ŋun, nyacamakini ayoŋ ŋican potu neni keŋ alorwa a ŋulu ka akiyar keŋ, nai epote ŋican ŋul lotuŋa ka Aab edoli ŋirwa ŋulu ka akiyar a lokoku keŋ.”

2 Ŋirw. 22:10

Tolimok nai Sapan ekegirigiran erwosit tema, “Akainaki ayoŋ esacaradoti Ilikia ŋolo apolon ekitaabo.” Tosyom nai Sapan ekitaabo ŋol alokiŋaren erwosit.

2 Ŋirw. 22:11

Ani iirari erwosit Yosia ŋakiro ŋuna egiritae lokitaabo ŋolo a Ŋikisila, abu tocilicili ŋilowi keŋ.

Esir 10:3

Aŋun tokona, ocamunos iwon alokiŋaren Akuj yok, eritasi ŋaberu ŋun daadaŋ ka ŋidwe kec lopite ŋolo adauniata ekapolon yok ka ŋulu itopoloorito ŋakiciketa ŋuna ka Akuj yok alimokin iwon, emaikina kitiyae ŋun ikwaŋina elimunitor ekisil.

Esir 9:4

Apotu nai daadaŋ ŋulu ayakatar akitopoolorit ŋakiro ŋuna ka Akuj a Ŋisirael tocununos ekerimokis ayoŋ kidiŋ, eboi ayoŋ alokwap akabulit akitodol apaki ŋina ka amuronot a ŋina ke eboŋ; etiyaete ikes ŋun aŋuna amamukar akikinyomit ayakatar ŋulu aboŋunete anakwap a ŋina sek arikoritae.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 119:161

Ekemanito ayoŋ ŋikepukak koŋin, nai etopoloorit ayoŋ ŋakiro kon.

Ŋikiru. 138:6

Tari daŋ keyai Ekapolon kidiama, iŋarakinit iŋes ŋulu epapanunito, nai ite iŋes aneni alwanan nooi ŋiketurok itiyaete ŋuna aronok.

Ŋikiru. 34:18

Eapi ekapolon aneni a ŋulu amamukaun amukeo alotai, ido eiununui ŋulu amamukaun akigeno alotai.

Ŋikiru. 51:17

Ŋamuronisya ŋuna ecamit Akuj, ikes ŋuna a ŋituŋa a ŋulu itiditeuna alotai kec. Okoe Akuj, nyiŋeri iyoŋ ŋituŋa ŋulu itiditeuna ka ekiito alotai kec.

Ŋikiru. 51:19

Ikiponi nai isua ainakin iyoŋ ŋamuronisya ŋuna iyookino ŋuna ikitalakarete iyoŋ ka ŋainakineta ŋuna epeyo ŋuna ikitalakarete iyoŋ; ido earyo isua ŋimoŋin namuroet kon erae amuronot.

Ŋakit. 28:14

Elakara a ŋinapaki ituŋanan ŋini itopoloorit Ekapolon, nai ituŋanan ŋini itogogoŋit akou keŋ, elomari locan.

Ŋakit. 29:23

Epedori akituro a ituŋanan aun ŋileec neni keŋ ekaku, nai iŋes ŋini itiditeuna alotau keŋ, eryamuni akitopolooro.

Isa. 40:26

Kireosi kidiama kiŋolikis neni ikoni. Ŋae asubuni ŋiboorei daadaŋ ŋulu eya kidiama? Erae Akuj ŋina iwuakinit ikes esibit ŋajoresyo ka eyeni ekimar kec, enyarit ikes daadaŋ a ŋirorwa kec; anerae egogoŋ iŋes nooi, eyakar apedor ŋina etiron, mam ibore ipei daŋ ŋini icana iŋes.

Isa. 41:20

ikotere iŋolikinete daadaŋ ka toyenut; ikotere etamatamaete ŋituŋa daadaŋ ka toyenut atemar Ekapolon etiya ŋun a apedor keŋ ka eyenunete atemar, Akuj ŋina asegan ŋina a Isirael iŋes emyek ŋun itiyakin.”

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Osea 11:10

Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Mat. 12:6

Akalimokini ayoŋ iyes atemar, eyai nege ŋini epol akilo Akai ka Akuj.

Ŋitic. 7:50

Meere mono ŋakan kaŋ etiyaunete ŋiboro lu daadaŋ a?’

Ŋitic. 9:6

Nai tokona, tonyou toloma lotaun itolimokin ŋuna itemokino iyoŋ kitiya.”

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Ŋikol. 1:17

Ayai Kristo eriŋa nyesubuna ŋiboro daadaŋ ka anakimorikina ka iŋes, eyai ŋinibore neni itemokino toyai.