Isa. 66:18 - Ebaibul

¹⁸ Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Isa. 66:18 Iomraidhean Croise

Yob 42:2

“Ekapolon ayeni ayoŋ atemar ipedori iyoŋ akitiya ŋiboro daadaŋ ka emam ibore ikitukuruwori iyoŋ akitiyakin.

Ŋikiru. 139:2

Iyeni iyoŋ ŋuna etiyae ayoŋ daadaŋ iyeni iyoŋ ŋatameta kaŋ tari daŋ kilwana iyoŋ.

Ŋikiru. 67:2

ikotere eyenunio acamit kon anakwap, toyenut ŋituŋa daadaŋ apedor ŋina iunitor iyoŋ ikes.

Ŋikiru. 72:11

Emaikina kilounae ŋirwosi daadaŋ alokiŋaren keŋ, emaikina kitiyata ŋituŋa a ŋakwapin a daadaŋ neni keŋ.

Ŋikiru. 72:17

Elipi nyimuryakin ekiro ke erwosit ŋikaru ka ŋikaru, elipi torubakis erwosit ka ŋiletok keŋ ipukatoŋikaru ka ŋikaru. Eryamunete ŋakwapin daadaŋ arereŋu aŋuna keŋ, ido enyaraete ikes iŋes ŋolo erereŋ.

Ŋikiru. 82:8

Tonyou, okoe Akuj, totubok akwap, anerae erae ŋituŋa daadaŋ ŋulu kon.

Ŋikiru. 86:9

Ibu iyoŋ tosub ŋituŋa daadaŋ, aŋun epote ikes akilip neni kon, okoe Ekapolon; epote ikes akitopoloor ekiro kon;

Ŋikiru. 94:11

Eyeni Ekapolon ŋatameta a ituŋanan; eyeni iŋes atemar erae ŋacaryo.

Ŋikiru. 97:6

Iseraete ŋimalaikan ŋuna ka akiyookino keŋ; iteete ŋituŋa daadaŋ apolou keŋ.

Isa. 11:9

Alomoru kaŋ a ŋolo asegan, mam nyearasi kori nyewanasi ikes, anerae ilelebikin lotuŋa daadaŋ aosou ŋina ke Ekapolon, lopite ŋolo ilelebakatar ŋakipi nanam.

Isa. 2:2

Alorwa a ŋulu eponito, ituruworyo ekamukumukut ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui. Ilelebikinosi ŋituŋa a ŋakwapin neni keŋ.

Isa. 37:28

Ayeni ayoŋ apaki ŋina inyounio iyoŋ ka apaki ŋina iboikinor iyoŋ, ayeni ayoŋ apaki ŋina ilomarya iyoŋ kiŋa ka ŋina ilomunia iyoŋ tooma, ayeni ayoŋ epite ŋolo ikidedeŋikinitor iyoŋ ayoŋ.

Isa. 40:5

Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Isa. 45:22

Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 55:8

Ebala Ekapolon, “Nyeriyan ŋatameta kaŋ ka ŋuna kus, kori nyewuapit ayoŋ ŋuna iwuapito iyes.

Isa. 56:8

Alimu Ekapolon Akuj ŋina ecununi Ŋisirael ŋulu erikoritae nakwapin ebe, “Acununi ayoŋ ŋuluce daŋ neni eya ŋulu sek adaun acunun.”

Isa. 57:12

Esileereuni ayoŋ akiyookino kus ka ŋiticisyo kus, ido emam ajokis iryamunete iyes anakiro a ŋun.

Isa. 59:7

Nyeayeneneete ikes apaki ŋina aoyan akitiya aronis, iburiburete ikes atipei akiar ituŋanan ŋini nyesecit; erae ŋatameta kec ŋatameta ŋuna ka asecit, imyenakinete ikes ŋinyas ka amunyaro aneni daadaŋ itorete ikes.

Isa. 65:2

Ŋapakio daadaŋ, abu ayoŋ ebaki ŋakan kaŋ neni a ŋituŋa a ŋulu akaŋerito ayoŋ; a ŋulu nyiwuapito ŋipitesyo ŋulu ajokak; a ŋulu iwuapito ŋuna kec a ŋilopeyek,

Isa. 66:10

Tolelyana ka Yerusalem ka tolakaros aŋuna keŋ, iyes daadaŋ ŋulu iminasi iŋes, Tolelyana ka iŋes analelyanu keŋ iyes daadaŋ ŋulu iyaloloŋete aŋuna keŋ,

Yer. 16:17

anerae ete ayoŋ daadaŋ ŋuna iwuapito ikes; nyeŋopito ikes aneni ayai ayoŋ, ŋiticisyo kec daŋ ŋulu aronok nyililiŋiyaritae, ayeni ayoŋ.

Yer. 3:17

Apaki ŋin, enyarao Yerusalem etaun ŋolo ipukator Ekapolon, ido ecununosi ŋituŋa a ŋakwapin Yerusalem, ecununosi ikes Yerusalem kiŋaren Ekapolon, nyerubakinete nabo ikes iwuapito akisyanu kec ŋina aronon.

Esek. 38:10

“Alimu Ekapolon Akuj atemar, akoloŋit ŋina ilosyoto iyes, epote ŋatameta nakyes kus, ido igeunete iyes akituk akitiya ŋuna aronok.

Esek. 39:21

Abu Ekapolon tema, “Esiŋolikini ayoŋ ŋituŋa a ŋakwapin apolou kaŋ ka epite ŋolo atubokinia ayoŋ ŋituŋa ta epite ŋolo esicania ayoŋ ikes a apedori kaŋ.

Yoel 3:2

acunakini ayoŋ ŋakwapin daadaŋ, oyau ikes otiyaunor nakadipaalat ŋina Yeosapat (iŋes atemar erae Ekapolon ekatubon), esyaki atubonokin ikes a nen a ŋakiro a Ŋisirael a ŋituŋa kaŋ ke elope, anerae apotu ŋituŋa a ŋakwapin kielasi ŋituŋa kaŋ nakwapin, ido tokora akwap kaŋ Isirael.

Amos 5:12

Kire, ayeni ayoŋ alalau a ŋasecisya kus ka epite ŋolo iseceneneata iyes a ŋinapaki; isicanete iyes ŋituŋa ŋulu iyookino, ijaanarete ŋakaluŋuluŋui, nyetubonokinio iyes ŋikulyak anakiyookino aloikiikoi kus.

Sakar 14:16

Epote nai ŋituŋa anakwapin a daadaŋ a ŋuna itijiete Yerusalem akitipeiyor a ŋolokaru Yerusalem akilip neni a Erwosit, Ekapolon ŋolo Etiron, ido kinumunuma ŋasuban ŋuna a ŋisakaitei.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Mat. 12:25

Ikwaŋina ayenia Yesu ŋuna atamete ikes, tolimok ikes tema, “Apukan ŋina nyimorikina ŋituŋa keŋ, nyerubakini; etaun kori ekal ŋolo etyakatyakatar ŋituŋa, nyicasi.

Mat. 9:4

Nai ikwapei ayenia Yesu ŋuna atamete ikes, tolimok ikes tema, “Kaanukiro itamyata iyes ŋuna aronok alotai kus?

Luk. 5:22

Ikwaŋina ayenia Yesu ŋuna atamete ikes, tolimok ikes tema, “Nyo itamyata iyes ŋakiro ŋuna ikote ŋun alotai kus?

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

Yoa. 5:42

nai akayeni ayoŋ iyes--nyiminasi iyes Akuj.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

1 Ŋikor. 3:20

ka ebasi Ŋakigireta aiwace, “Eyeni Ekapolon Akuj atemar erae ŋatameta a ŋikaosok ŋakoŋinae.”

Ŋikis. 31:21

Ani etakanunete neni kec ŋican ŋulu alalak ŋulu apipilak, isitakinete ŋakiro a eete a lo ikes, anerae nyimuryakini ŋiletok kec eete lo. Ayeni ayoŋ tari ŋuna ecamito ikes akitiya tari tokona eriŋa ayoŋ nyeyauna ikes nakwap ŋina abu ayoŋ eik ikes anakikoŋ.”

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 2:13

Ayeni ayoŋ neni iboiyo iyoŋ; erae neni ipukat Satan. Nai irubakinit iyoŋ ikinupit ayoŋ, ibu iyoŋ nyiŋer anupit ayoŋ tari alorwa a ŋulu aarere Antipa, esuuda kaŋ ŋolo anupit nooi aina, anakwap a ŋina iboiyo Satan.

Akis. 2:2

Ayeni ayoŋ ŋuna idau iyoŋ akitiya, ayeni ayoŋ epite ŋolo imukekinitor iyoŋ etic ka epite ŋolo ititinyikinitor iyoŋ. Ayeni ayoŋ atemar nyipedori iyoŋ acamakin ŋikaronok, idau iyoŋ akirot ŋulu ebasi ikirae ikes ŋikiyakia, nai nyerae ka iryamu ikes erae ŋikalyokonok.

Akis. 2:9

Ayeni ayoŋ ŋatyokisyo kon ka ayeni ayoŋ atemar ikulyakana iyoŋ, nai kire ibarit! Ayeni ayoŋ tari ŋuna aronok ŋuna ikirworotor iyoŋ ŋituŋa ŋulu ebasi ebe ikirae ikes Ŋiyudayan, nai nyerae; eraakasi ikes atukot ŋina a Satan!