Isa. 65:9 - Ebaibul

⁹ Ayauni ayoŋ ŋiletok aneni a Yakob ka ayauni aneni a Yuda ŋulu einakinio emoru kaŋ toruwor ŋolo kec, eruwor nen neni a ŋituŋa kaŋ a ŋuluseuna ka iboikinosi ŋiketiyak kaŋ nen.

Isa. 65:9 Iomraidhean Croise

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Isa. 30:19

Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Isa. 32:18

Erubakinete ŋituŋa kaŋ eyakasi nakibois ŋina eyai ekisil, iboiyete ikes anakiboisyo a ŋuna eiunotor ka neni epedoryata ikes akieŋunia emam ŋace.

Isa. 45:19

Nyirworo ayoŋ anakimunono, nyirworo ayoŋ anakwap a ŋina ka akiryonut; nyelimokina ayoŋ ŋiletok a Yakob ebe, “Kiwarae ayoŋ aneni nyaryamunor.” Ayoŋ Ekapolon, erworo ŋuna a kire, alimuni ayoŋ ŋakiro ŋuna iyookino.

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Isa. 49:8

Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Isa. 57:13

Ani ikalounete iyes icamito akiŋarakino, emaikina ŋakujo ŋuna irirato iyes ikilakut iyes. Iwokori ekuwuam ikes neni alwanan, ekutari ekieŋanu ikes nariet. Nai ŋini ekekinyomi ayoŋ, ebuni neni kaŋ aiuno, eryamuni akibois anakwap, eruwor emoru kaŋ ŋolo asegan akibois keŋ.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 65:15

Imyekinete iyes ŋirorwa kus aneni a ŋuluseuna kaŋ erae ŋulu ilamare; ido ikimunyari Ekapolon Akuj iyes; nai einakini iŋes ŋiketiyak keŋ ekiro ŋolo egelaana.

Isa. 65:22

Nyedukete ikes ŋakais, ido bu ituŋanan ice akiboi a nen, nyedupete ikes ŋikito bu ituŋanan ice akinyam ŋaraito kec, Iriyanikin ŋirwa a akiyar a ŋituŋa kaŋ ka ŋulu a ekitoe, imujete ŋituŋa kaŋ ŋuluseuna alotooma alelyanu apaki ŋina aoyan ŋinyomen ŋulu itaunete a ŋakan kec.

Esek. 36:24

Akayauni ayoŋ iyes anakwapin ka akacununi ayoŋ iyes anakiboisyo a daadaŋ, okoyau iyes nakwap kus.

Sepan. 3:20

Apaki ŋin, akayauni ayoŋ iyes lore, akacunakini ayoŋ iyes kaapei; eketuruwori ayoŋ iyes ŋulu ikiyenio ka ikipuroi alotuŋa a daadaŋ a ŋulu ka akwap; ekenyakakinia ayoŋ iyes ŋarereŋisyo kus iteete iyes.” Ayoŋ Ekapolon alimu ŋun.

Mat. 24:22

Nai etuuruwuan Akuj ŋirwa ŋul. Kerae nyituuruwuanit, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Ŋirom. 11:28

Aŋuna eŋeritotor Ŋiyudayan Ŋakiro ŋuna Ajokak, eraakasi ikes ŋimoi ŋulu ka Akuj ikotere iyes ŋulu nyirae Ŋiyudayan. Nai aŋuna aseunia Akuj ikes, eraakasi ikes ŋikonei keŋ aŋuna atapapaa kec.