Isa. 65:8 - Ebaibul

⁸ Alimu Ekapolon ŋakiro nu, “Ikwaŋina eryamunere ŋaraito a epiini eya lonene, ido temasi ŋituŋa, ‘Nyimunaasi, eriŋa ikes ejokak;’ Ikwaŋinapei aŋuna a ŋiketiyak kaŋ etiyae ayoŋ ŋun, nyamunyari ayoŋ ikes daadaŋ.

Isa. 65:8 Iomraidhean Croise

Akisy. 18:26

Tema Ekapolon, “Ani karyamu ayoŋ alotaun a Sodoma ŋituŋa ŋatomonikan ŋulu iyookino, esyoni ayoŋ akibois ŋin daadaŋ aŋuna kec.”

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 10:21

Eboŋunete ŋipiya, eboŋunete ŋipiya a ŋiletok a Yakob neni ka Akuj a ŋina etiron.

Isa. 10:22

Tari ŋina sek alalaata ŋituŋa a Isirael atyaakatar elalak asinyon alokipetot a anam, ŋituŋa ŋulu erae ŋipiya bon eboŋunete. Alimun ŋuna ka amunyaro, ido acamut ŋituŋa akisicanio anakiyookino;

Isa. 48:9

“Aŋuna a ekiro kaŋ, nyaŋoi ayoŋ atipei, aŋuna ka akipuro ayoŋ, nyayauni ayoŋ anyunyura kaŋ neni kus, ikotere nyakamunya ayoŋ iyes.

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Yer. 30:11

Ikirukit ayoŋ ka iyes ikotere akaiuni iyes. Amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yoel 2:14

Ŋae eyeni? Acepaki epedori Ekapolon Akuj kus akilocokin ŋatameta keŋ, ikiterereŋ iyes nooi ikiinak ŋikinyom ka ŋimaten; topedosi nai iyes ainakin iŋes ŋikinyom ka ŋimaten.

Mat. 24:22

Nai etuuruwuan Akuj ŋirwa ŋul. Kerae nyituuruwuanit, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Mar. 13:20

Kerae nyituuruwuanit Akuj ŋirwa ŋul, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.