Isa. 65:7 - Ebaibul

⁷ esicani ayoŋ ikes kaapei aŋuna a ŋasecisya kec ka aŋuna a ŋasecisya atapapaa kec, anerae apotu ikes inakis ekinyate alokidiama ŋimoru ka ekeyanya ayoŋ alokidiama ŋikamukumukui. Esicani ayoŋ ikes lotyae ŋolo itemokino aŋuna a ŋiticisyo kec.”

Isa. 65:7 Iomraidhean Croise

1 Ŋirw. 22:43

Abu iŋes kiwuap ŋuna etiyae papa keŋ Asa; pa abu iŋes kimyek akiwuapit akitiya ŋuna iyookino alokiŋaren Ekapolon. Nai pa abu iŋes tolema ŋakiboisyo ŋunakilipet ŋakujo, ŋakiboisyo ŋuna adukitoe neni amukur, ido arubakinito ŋituŋa emuroete a nen ka eayeneneete ekinyate akicunyakin anakiboisyo a ŋunamukur a ŋun.

1 Ŋirw. 22:44

Abu Yeosapat torubak isilito ka erwosit ŋolo a Isirael.

2 Ŋirw. 12:3

Tari kikote nen daŋ, aponi nyelemar neni elipeneneere ŋakujo; apotu ŋituŋa torubakis emuroete ka einanakinete ŋainakineta a nen.

2 Ŋirw. 14:4

Nai pa aponi toukonoroe neni elipeneneere ŋakujo, aŋun, torubakis ŋituŋa emuroete ka einanakinete ŋainakineta nakujo.

2 Ŋirw. 15:35

Tari kikote nen daŋ, aponi nyeukonor neni elipeneneere ŋakujo. Apotu ŋituŋa torubakis emuroete ka einanakinete ŋainakineta neni a ŋakujo a nen. Arae Yosam iŋes adukokini ekek ŋolo ekyara ŋolo ka Akai ka Akuj.

2 Ŋirw. 16:4

Abu iŋes tomuro ka inanak ŋainakineta aneni elipeneneere ŋakujo ka alokamukumukui ta alokwap ŋikito ca daadaŋ ŋulu alibito.

2 Ŋakiro a ŋirwa 21:11

Abu Yeoram toduk ŋaduketa ŋunakilipet ŋakujo nakiboisyo ŋunamukur alo Yudaya. Abu kibata ŋituŋa a Yerusalem kituruwo ŋulu pa ekinyomito Akuj, apotu ŋituŋa a Yudaya toŋero Akuj.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 22:14

Adau Ekapolon ŋolo a ŋajoresyo akisiirar ayoŋ ŋakiro nu, “Kire jik, nyikisyonio iyes aŋuna ka aronis a ŋin tari ŋina itwakyata iyes.”

Isa. 26:21

Ebuni Ekapolon anakibois keŋ, akisican aŋuna a ŋasecisya kec ŋituŋa ŋulu iboiyete anakwap. Isileereuni akwap ŋituŋa daadaŋ ŋulu aponi toarae; nyiwuai nabo akwap ŋituŋa ŋulu aponi toarae.

Isa. 28:21

Eji Ekapolon lopite ŋolo abunio tojiyo alomoru Perasim, eŋoi iŋes lopite ŋolo abunio toŋoya anakadipaalat a Gibeon. Ebuni iŋes akitiya etic, egelaana epite ŋolo itiya iŋes, ebuni iŋes akitiya etic keŋ, ekujuwuana epite ŋolo itiya iŋes.

Isa. 29:14

Aŋun, etiyae ayoŋ nabo ŋakiro ŋuna ka aumokin lotuŋa lu, ŋakiro ŋuna eteryaŋakinak ka ŋuna ka aumokin. Eŋopiyari aosou a ŋikaosok kec, epuripuryaar aneni a ŋipiiryanotin apiiryanut ŋina ka ayenut ŋakiro.”

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Isa. 30:13

aŋun, ikokini asecit ŋin aneni kus akabaat ŋina eyai narwatata ŋina aoyan, akabaat ŋina enya, ŋina eapi aritaar arwatata, toritakin atipei alotooma apaki ŋina euruwuana.

Isa. 30:14

Ikwaanikin abwaŋabwaŋar a arwatata a ŋin ka neni ebwaŋar amot ŋina ebwaŋio ka anyunyura, ŋina nyepedoryo aryamun tari itabok ŋini ekurorere akim, kori aokunio ŋakipi alokare.”

Isa. 57:12

Esileereuni ayoŋ akiyookino kus ka ŋiticisyo kus, ido emam ajokis iryamunete iyes anakiro a ŋun.

Isa. 57:7

Aruwor ŋakiboisyo ŋuna aoyak ka lokamukumukui ŋulu aoyak ilosenenete iyes; ilot iyes nen ainanakin ŋakujo ŋamuronisya.

Isa. 59:18

Isicani iŋes ŋimoe keŋ lopite ŋolo eyakatar ŋiticisyo ŋulu itiyato ikes; enyunyurikin iŋes ŋimoe keŋ, isicani iŋes ŋimoe keŋ, isicani iŋes ŋulu iboiyete alodiyete anam.

Isa. 65:6

Kiirasi, etakanete ŋakiro nu alokiŋaren kaŋ igiritae ebe, “Nyeliliŋi ayoŋ, nai enyaŋari ayoŋ, esicani ayoŋ ikes jik;

Isa. 66:4

ayoŋ daŋ, aseuni ajamuwar ikes, ainakini ikes ibore ŋini ekerito ikes, anerae ani anyarae ayoŋ ikes, mam ŋini abu okoboŋok ayoŋ ŋakiro, ani esirworikini ayoŋ ikes, apotu ikes nyepupokis ŋakiro kaŋ, nai apotu ikes kitiyata ŋuna aronok alokiŋaren kaŋ, toseut akitiya ŋuna pa eketalakarito ayoŋ.”

Yer. 13:25

Erae ŋun ŋakiro ŋuna itiyakin neni kus anerae ekemuryak ayoŋ iyes, ido igyenokinosi amodiyo.

Yer. 13:27

Adau ayoŋ akiŋolikin ŋiticisyo kus ŋulu aronok, epite ŋolo iloseneneoto iyes akilip neni a ŋitorubei aŋakujo alomoru ka anakadipaalae ikerete isibito ekile ŋolo imunit aberu a ekidunyet keŋ kori ikwa

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 5:29

Emaikina mono ayoŋ nyesican ikes aŋuna a ŋakiro a ŋun a? Nyemaikina mono ayoŋ enyaŋa ŋakiro a ŋituŋa a akwap a ŋina ikoni na a?

Yer. 5:9

Emaikina mono ayoŋ nyesican ikes aŋuna a ŋakiro a ŋun a? Nyemaikina mono ayoŋ enyaŋa ŋakiro a ŋituŋa ka akwap a ŋina ikoŋina a?

Esek. 18:6

ani pa kenyami iŋes ŋamuja anamuroeta a ŋuna edukitoe lomoru, kori pa kemitakinit ŋakujo ŋuna a Ŋisirael, ani pa kitiyae iŋes ŋace ŋuna aronok naberu a ekidunyet keŋ, kori kiryamanakin ka aberu apaki ŋina eyakar lolap,

Dan. 9:8

Okoe Ekapolon, eleereut ŋileec aneni kosi, aneni a ŋirwosi kosi, aneni a ŋikapolok kosi ka aneni atapapaa kosi, anerae ikisec isua aneni kon.

Osea 11:2

Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Ŋilep. 26:39

Iyes ŋulu idoŋete anakwapin a ŋimoe kus ŋun, itwanikinete nakwapin ŋun, aŋuna a ŋasecisya kus; ka daŋ aŋuna a ŋasecisya atapapaa kus, itwanikinete iyes nen.

Ekim. 32:14

Iyes tokona lu, iyes ŋulu irae atukot a ŋikasecak, ilunyokinosi neni atapapa kus akiyatakin anyunyura a Ekapolon neni a Ŋisirael.

Luk. 6:38

Kipotonorete neni a ŋuluce, ikiinakini Akuj iyes etyae ŋolo ajokan idicakinitae, ŋolo iyaŋiyaŋakinitae ka ŋolo ilapanar; iŋes iwuakini Akuj locwee kon. Etyae ŋolo iinakinete iyes, iŋes ikiinakinio iyes daŋ.”

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.