Isa. 65:3 - Ebaibul

³ a ŋituŋa a ŋulu erubakinito itiyaete aronis alokiŋaren kaŋ, a ŋulu earete ŋamuronisya alomanikorin ka einanakinete ekinyate namatapali;

Isa. 65:3 Iomraidhean Croise

2 Ŋirw. 22:17

Aŋuna akaŋerioto ikes ayoŋ ka aŋuna ainanakiniata ŋainakineta neni a ŋakujo a ŋunace. adaut ikes akitoŋo ayoŋ nooi aloticisyo a daadaŋ a ŋulu itiyaete ikes. Aŋun, eyatakin aŋoit kaŋ nooi aŋuna a ŋituŋa a akibois a na, ido nyedaun aŋoit kaŋ jik.’

Yob 1:11

Tolema ceni iyoŋ ŋiboro ŋulu eyakar iŋes, ikiceni iŋes iyoŋ.”

Yob 2:5

Nai kisican ceni iyoŋ ŋakoyo ka akuwan keŋ, ikiceni iŋes iyoŋ.”

Ŋikiru. 78:40

Apotu ikes toŋero Akuj ŋapakio ŋuna alalak analoŋisat, apotu kitoŋoa Akuj ŋapakio ŋuna alalak analoŋisat.

Ŋikiru. 78:58

Apotu ikes kitoŋoa Akuj aŋuna a ŋakiboisyo kec aŋuna elipyata neni a ŋakujo, apotu ikes kitoŋoa Akuj aŋuna a ŋitorubei a ŋakujo kec.

Isa. 1:29

Eroketa aneni kus ŋakiriketa ŋuna sek ilipyata iyes ka erokeata aneni kus ŋimanikorin ŋulu sek iseunito iyes.

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Isa. 66:17

Ŋituŋa ŋulu italeosi ka itesegasi aŋuna ka alosit akilip neni a ŋakujo alomanikorin, ŋulu elosete erae ŋikewuapak a ŋolo isilipi ikes neni a ŋakujo, ŋulu enyamete akiriŋ a ŋiguruyei ka ŋamuja ŋuna itoroniyaritae ta ŋisolimae, emunyaryo daadaŋ kaapei.

Isa. 66:3

“Ituŋanan daadaŋ ŋini akaaranakini ayoŋ emoŋ erae amuronot, ikwaan ituŋanan ŋin ka ŋini eari ituŋanan; ituŋanan daadaŋ ŋini akaaranakini ayoŋ ikale ŋinimesek erae amuronot, ikwaan ituŋanan ŋin ka ŋini emojiri emosiriŋ a iigok tobil; ituŋanan daadaŋ ŋini akainakini ayoŋ ainakinet ŋina a ŋikinyom ikwaan ituŋanan ŋin ka ŋini akainakini ayoŋ ŋaokot a eguruye; ituŋanan daadaŋ ŋini icunyi ekinyate aŋuna ka atamunitor ayoŋ, ikwaan ituŋanan ŋin ka ŋini ilipi neni ka etorube a ŋolo itiyaunitae. Adaut ŋituŋa ŋulu ikote ŋul akiwuap ŋuna kec a ŋikulepek, ido elakara ikes anakitiya asiilyo kec;

Yer. 3:6

Abu Ekapolon kirwor neni kaŋ alorwa a ŋulu epukator erwosit Yosia tema, “Iŋolik iyoŋ ŋuna adaut ŋituŋa a Isirael ŋulu emam anupit ŋul akitiya, epite ŋolo alosyoto ikes akilip lokamukumukui daadaŋ ka lokito daadaŋ ŋulu alibak akitiya ŋuna ka amalao a nen a?

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Ŋilep. 17:5

Erae ŋun ikotere Ŋisirael eyaunete neni ke Ekapolon ŋamuronisya kec ŋuna earete ikes anariet. Emaikina ikes yaut neni ke esacaradoti lopuke ke eema a ŋolo ilipere, inakis Ekapolon erae ŋainakineta ŋuna ke ekisil.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.