Isa. 65:25 - Ebaibul

²⁵ Eryamunete epeot ka ikale akimuj anakibois kaapei, enyami eŋatuny ŋinya ikwa emoŋ, nai eruwor akimuj a emun apuwa. Nyewanio ikes, kori nyemunyaryo ikes alomoru kaŋ a ŋolo asegan.”

Isa. 65:25 Iomraidhean Croise

Yob 5:23

Emamukaun ŋamoru alomanikorin a ŋulu itae, iboiyete emam ŋace ka ŋityaŋ ŋulu ka ariet.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 35:9

Mam eŋatuny eyakaun nen, kori mam etyaŋ edio ŋolo adedeŋan emekini erot ŋol; nyeryamunio ikes a nen, nai ŋulu elakunitae elosete alorot a ŋol.

Isa. 56:7

ayaari ayoŋ ikes lomoru kaŋ ŋolo asegan, oinak ikes alakara alokai kaŋ a ŋinakilipet. Ecamunio ŋainakineta kec ŋuna epeyo ka ŋamuronisya kec anamuroet kaŋ, anerae enyarao Akai kaŋ Akai ŋina ilipyata ŋituŋa daadaŋ.”

Isa. 65:11

Nai ani eruwor iyes ŋulu iŋerito Ekapolon, ŋulu ikimuryak emoru kaŋ ŋolo asegan iyes ŋulu ilipete neni a ŋakujo ŋuna a ŋabaatyo ka ŋuna a ŋakiro a ŋuna etakanunete,

Isa. 66:20

Eyaunete ikes ŋiyeneta kus daadaŋ anakwapin a daadaŋ erae ainakinet neni ke Ekapolon iwuokito a ŋaŋolei ka a ŋagaari a ŋuna iritae a ŋaŋolei, a ŋitak a ŋaŋolei, a ŋaŋolei-sigirya ka a ŋikaala, eyaunete ikes ŋituŋa ŋul lomukura kaŋ ŋolo asegan Yerusalem, lopite ŋolopei eyaununiata Ŋisirael ŋainakineta a ŋikinyom, a ŋiboro a ŋulu asegak Kai a Ekapolon.

Esek. 43:11

Ekaku kiruma ikes ŋileec anakiro a daadaŋ a ŋuna etiyata ikes, emaikina iyoŋ kiteyenik ikes epite ŋolo itamitere Akai ka Akuj, ibore ŋini emaikina todukokinae nen, ŋirotin ŋulu emaikina eya nen, ŋipukei ŋulu emaikina eya nen ka ibore daadaŋ ŋini emaikina eyai enen; kiteyenik ikes ŋakiro daadaŋ ŋuna adau Akuj atubun aŋuna a Akai a ŋin kaapei ka ŋikisila ŋulu iwuapitae a nen. Kigir ŋakiro ŋun daadaŋ alokiŋaren kec, ikotere ikes eruwor ŋulu iwuapete epite ŋolo itamitere Akai ŋin ka ŋulu iwuapete ŋakiro daadaŋ ŋuna adau Akuj atubun aŋuna a Akai a ŋin.

Dan. 11:45

Edukokini iŋes ŋiemae keŋ ŋulu ka apukan kidiŋ anam ka emukura ŋolo ebusan ka ŋolo asegan. Nai etwani iŋes, emam ituŋanan ebuni akiŋarakin iŋes.

Mika 4:3

Etubi Akuj ŋiburasinei a ŋakwapin, etubi iŋes ŋiburasinei a ŋakwapin a ŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Mika 7:17

Elyaete ikes alokwap ikwa ŋimuno, elomunete ikes anaduketa kec a ŋunajiet emaranete ka ekuryaka. Epote ikes ikitopoloorito iyoŋ Ekapolon Akuj kosi.

Sakar 8:3

Aboŋuni ayoŋ Yerusalem lotaun kaŋ ŋolo asegan eboikin nen. Eyenunio iŋes erae etaun ŋolo eyai akikinyoma ka enyarao emukura ŋolo ke Ekapolon a ŋolo Etiron, emukura ŋolo asegan.

Ŋitic. 9:1

Nai ariŋa Saulo emunikinit akitukuryan ka akiar ŋikasyomak ŋulu ke Ekapolon Yesu. Abu iŋes tolot neni ke Esacaradoti a ŋolo Apolon nooi

Ŋirom. 16:20

Ido eapi Akuj ŋina erae alope ekisil, ainakin iyes apedor akipicar Satan a ŋakejen kus. Toyai neni kus ajokis ŋina ke Ekapolon yok Yesu Kristo.

2 Pet. 3:13

Nai idaritae iwon ibore ŋini ikiik Akuj iwon, nakuj ŋina kitete ka akwap ŋina kitete, ere ŋolo ka akiyookino.

Akis. 14:1

Abu eŋolik oanyuwa Imesek ewuoi alomoru a ŋolo enyaritae Sion; arukito ka ŋituŋa ŋalipyo amiat ka ŋatomoniomwon ka ŋiomwon, ŋulu egiritae ekiro a Imesek ka ŋolo a Papa keŋ loreetin kec.