Isa. 65:24 - Ebaibul

²⁴ Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Isa. 65:24 Iomraidhean Croise

Akisy. 24:15

Ani eriŋa iŋes ilipi, bu Rebeka nakoku a Besuel a ŋolo arae lokoku a Milika a ŋina arae aberu a Naor alokaato ka Aburaam. Bu iŋes eryoŋit amot ŋinaokyet ŋakipi.

2 Ŋirw. 19:20

Tosodi nai Isaya lokoku ka Amos kiyakiya akirot neni ke Esekia tema, “Ebala Ekapolon ŋolo erae Akuj a Ŋisirael ebe: Adau ayoŋ akiirar akilip ŋina ilip iyoŋ neni keŋ aŋuna a Senakerib a erwosit ka Asiriya

Ŋikiru. 32:5

Abu nai ayoŋ ocamu asecit kaŋ aneni kon, abu nyemunon aronis kaŋ. Abu otema “Alimori ayoŋ aronis kaŋ neni ke Ekapolon,” ido ibu iyoŋ ikisyoni ayoŋ akiilit a ŋina ka asecit kaŋ.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Isa. 30:19

Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Isa. 41:17

“Ani epote ŋikulyak ka ŋituŋa ŋulu eyakatar akiitanit iwarito ŋakipi, ido nyeryamut ŋadi, tooko ŋaŋajepa kec aŋuna ka akure, ayoŋ Ekapolon aboŋokini ikes, ayoŋ Akuj a Isirael nyemyekini ikes.

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Isa. 58:9

Ipote nai iyes anyarare Ekapolon, ido ikiboŋok iŋes iyes; igworete iyes iŋitasi akiŋarakino, ido eboŋokini iŋes tema, “Ayoŋ lo.” Ani kilemasi iyes epite ŋolo iteryamunitotor ŋuluce ŋican, epite ŋolo idoditotor iyes ŋuluce ka irworotor,

Isa. 59:1

Kiirasi, nyitamete atemar nyepedori Ekapolon alakun, kori nyepedori akiirar akigworo kus.

Dan. 10:12

Tema iŋes neni kaŋ, “Daniel nyikuryaniar, anerae ameun akoloŋit ŋina esyaunan ŋina icamunia iyoŋ akitiditeun bon alokiŋaren Akuj ikotere iryamuni ayenut ŋakiro, eirar ŋakiro kon, ido abunit ayoŋ aŋuna a ŋakiro kon.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Mar. 11:24

Aŋun, akalimokini ayoŋ iyes atemar, ŋinibore iŋitasi iyes ilipete ka tonupito atemar idaut aryamun, iryamunete iyes.

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.