Isa. 65:19 - Ebaibul

¹⁹ Abuni ayoŋ alelyan alo Yerusalem ka alakar aŋuna a ŋituŋa kaŋ; nyiiraryo nabo akigworo alotooma keŋ, kori nyiiraryo nabo akigworo aŋuna a ŋican.

Isa. 65:19 Iomraidhean Croise

Ŋikiru. 144:14

agasi touryata ŋaatuk kosi nooi. Agasi nyikiremo isua ŋimoe ka nyikirikor nakwapin ka nyeyakaun ecelet ŋolo ka akiyaloloŋ lorotin ŋulu a ŋirerya kosi.

Eete a Ŋie. 3:11

Ŋaberu ŋuna a Sion, tolomutu kiŋa, kiŋolikisi erwosit Solomon; enapit iŋes ebokot ŋolo etanapikini iŋes toto keŋ nakou akoloŋit ŋina a ŋasuban a ekiitanu keŋ, akoloŋit ŋina ka alakara ka alelyanu keŋ.

Isa. 25:8

Emyetari nai Ekapolon Akuj ŋakiyo anakonyen a ŋituŋa a daadaŋ, elemari iŋes akadakinit aneni a ŋituŋa keŋ anakwap a daadaŋ. Ekapolon elope alimu ŋun.

Isa. 30:19

Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 51:11

Aŋun, eboŋunete ŋituŋa ŋulu elakakinit Ekapolon, epote Sion eosi, eyakaunotor ikes alelyanu ŋina nyedaun, eryamunete ikes alelyanu ka alakara, emamukaun aneni kec akiyaloloŋ ka akisuta.

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Isa. 60:20

Nyedoiyori nabo akoloŋ aneni kus, kori nyedoiyori nabo elap aneni kus, anerae Ekapolon iŋes eruwor akica kus ŋina a ŋikaru ka ŋikaru, ido edaunosi ŋirwa ŋulu ka akiyaloloŋ kus.

Yer. 31:12

Epote ikes toeikis ecelasi alokidiama Sion, elelyanete ikes aŋuna a ŋarereŋisyo aŋuna iterereŋio Ekapolon ikes, elelyanete ikes aŋuna a ŋainakineta aŋuna a ŋikinyom, a epiini ka akimyet ŋina a ŋikito a Olipa, eryamunete ikes ŋainakineta ŋuna a ŋikaalei a ŋamesekin ka ŋitak a ŋaatuk. Ikwaanikinosi ikes ka emanikor ŋolo elelekinito ŋakipi nyepalagageta ikes nabo jik.

Yer. 32:41

Alelyani ayoŋ aŋuna ka akitiya ajokis neni kec ka etogogoŋi ayoŋ ikes anakwap a na anakikinyoma, etiyae ayoŋ ŋun a etau kaŋ a daadaŋ ka a akiyar kaŋ a daadaŋ.

Esek. 36:15

Nyiirarete nabo iyes ŋiyany ŋulu ikiyanyata iyes ŋituŋa a ŋakwapin ka nyiryamunete nabo iyes ŋican ŋulu ikijamuwaritotor iyes ŋituŋa a ŋakwapin, kori nyimyekinete iyes akwap kus emunaaryo.’ ”

Sepan. 3:15

Emyek Ekapolon akisican iyes, erita iŋes ŋimoe kus. Irukito iyes ke Ekapolon erwosit a Ŋisirael; aŋun, tojoŋoto akuryanu.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Sakar 2:10

Ebala Ekapolon, “Iyes ŋituŋa a Sion, toeoto ka tolelyana, anerae abunit ayoŋ, ido eboiyoto kaapei ka iyes.”

Luk. 15:3

Tolimok Yesu ikes akitadapet na tema,

Luk. 15:5

Ani eryamuni, elelyani iŋes nooi, toryoŋak amesek ŋin loseket keŋ.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”