Isa. 65:15 - Ebaibul

¹⁵ Imyekinete iyes ŋirorwa kus aneni a ŋuluseuna kaŋ erae ŋulu ilamare; ido ikimunyari Ekapolon Akuj iyes; nai einakini iŋes ŋiketiyak keŋ ekiro ŋolo egelaana.

Isa. 65:15 Iomraidhean Croise

Ŋikiru. 102:8

Apaaran jwii, ekecenete ayoŋ ŋimoe kaŋ; isitiyaete ŋulu akyenatar ayoŋ ekiro kaŋ akilamar.

Ŋakit. 10:7

Atamunit ŋituŋa ŋulu iyookino, erae arereŋu, nai epuripuryaar ŋirorwa a ŋulu aronok.

Isa. 62:2

Iŋolikinete ŋituŋa a ŋakwapin akiyookino kus ka iŋolikinete ŋirwosi daadaŋ apolou kus, ido ikinyarao iyes a ekiro a ŋolokitete a ŋolo elimuni Ekapolon.

Isa. 65:12

ekemyekini ayoŋ iyes ikiari alojie ka iryedikete iyes daadaŋ alokiŋaren ŋikaarak kus; anerae ipotu iyes nyikiboŋokis ayoŋ apaki ŋina akanyaritor ayoŋ iyes, ipotu iyes nyipupokis ŋakiro kaŋ apaki ŋina erworor ayoŋ neni kus, nai ipotu iyes kitiyata ŋuna aronok alokiŋaren kaŋ, ipotu iyes toseut akitiya ŋuna pa eketalakarito ayoŋ.”

Isa. 65:22

Nyedukete ikes ŋakais, ido bu ituŋanan ice akiboi a nen, nyedupete ikes ŋikito bu ituŋanan ice akinyam ŋaraito kec, Iriyanikin ŋirwa a akiyar a ŋituŋa kaŋ ka ŋulu a ekitoe, imujete ŋituŋa kaŋ ŋuluseuna alotooma alelyanu apaki ŋina aoyan ŋinyomen ŋulu itaunete a ŋakan kec.

Isa. 65:9

Ayauni ayoŋ ŋiletok aneni a Yakob ka ayauni aneni a Yuda ŋulu einakinio emoru kaŋ toruwor ŋolo kec, eruwor nen neni a ŋituŋa kaŋ a ŋuluseuna ka iboikinosi ŋiketiyak kaŋ nen.

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 25:18

Ŋituŋa ŋulu apotu tomata epiini ikes lu: Ŋituŋa a Yerusalem ka ŋituŋa a ŋitaunio a Yudaya, ŋirwosi keŋ ka ŋikapolok. Apotu ŋitaunio ŋul toruworos ŋireŋoroto, ŋicaryo ŋulu ejamuwanaryo ka ŋulu icenio, lopite ŋolo eyakatar nakoloŋit na.

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 29:22

Tosodi aŋuna kec, elimunete ŋituŋa ŋulu aponi torikoroe alo Yerusalem tari Babilon ŋilam lu ebe, ‘Elipi ikisican Ekapolon iyes lopite ŋolo esicania Sedekia ka Aab ŋulu abu erwosit a Babilon tope anakim eyarete,’

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 44:12

Amunyari ayoŋ ŋipiya a Yudaya daadaŋ ŋulu imukekinito alosit nakwap a Ijipit, akiboi a ina, etwakete ikes daadaŋ anakwap a Ijipit a ekileŋ ka akoro, ameun a ŋulucaryo tari ŋulu itopolooritae etwakete ikes a ekileŋ ka a akoro, ejamuwarete ŋituŋa ikes ka iyanyio ŋituŋa isitiyao ekiro kec, ituruworyo ekiro kec ŋolo icenere ŋuluce ka ŋolo inyasere ŋuluce.

Esek. 14:8

Etoroniyari ayoŋ ituŋanan ŋini itiyae ŋun. Eturuwori ayoŋ ituŋanan ŋini itiyae ŋun akitoodikinet, ibore ŋinicaryoit ka alemari ayoŋ iŋes alotuŋa kaŋ; ido iyenunete iyes atemar arae ayoŋ Ekapolon.

Sakar 8:13

Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

Mat. 21:41

Toboŋokis ikes temasi, “Ebuni iŋes akiar ŋituŋa ŋulu aronok ŋul, kijokok emanikor neni a ŋiketeok a ŋice a ŋulu einakinete iŋes ŋaraito.”

Mat. 22:7

Toŋo erwosit nooi, kiyakiya ŋajorei keŋ, tomunyasi ŋikaarak ŋul ka kicunya etaun kec.

Ŋitic. 11:26

Ani eryamuni, yau iŋes Antiokio. Yaasi ikes ekaru daadaŋ iryamiryameneneete ka ŋikanupak, kitatama daŋ ŋituŋa ŋulu alalak. Arae Antiokio esyakinere anyarare ŋikasyomak atemar Ŋikristo.

Ŋirom. 9:26

Anakibois a ŋinapei alimokinere ikes atemar ‘Meere iyes ŋituŋa kaŋ’; enyarao ikes ŋidwe ŋulu ka Akuj a ŋina eyari.”

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.

Akis. 2:17

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini Manna adio ŋina iwuaitae. Ainakini nabo ayoŋ iŋes amoru ŋina akwaŋan ŋina igiritae ekiro ŋolokitete, ŋolo emam ituŋanan eyeni, mati ŋini einakinio amoru ŋin.