Isa. 65:1 - Ebaibul

¹ Abu ayoŋ etoodiun neni a ŋulu pa ekeitanito ayoŋ; apotu ŋulu pa ekewarito ayoŋ okoryamut ayoŋ. Abu ayoŋ otema neni kec, “Ayai ayoŋ ne, ayai ayoŋ ne.”

Isa. 65:1 Iomraidhean Croise

2 Sam. 1:7

Ani iŋoliuni Saul kaku, ekeŋolik ayoŋ, ido okonyar ayoŋ. Abu ayoŋ ei otema, ‘Ayai ekapolon.’

Ŋikiru. 22:27

Etamunete ŋituŋa daadaŋ Ekapolon toboŋut neni keŋ; eryedikete alokiŋaren Ekapolon, ŋituŋa a ŋikabilae a daadaŋ;

Isa. 11:10

Ebunit akoloŋit ŋina eyakaunor eletonit a Yese, eruwor iŋes akitoodikinet neni a ŋituŋa a ŋakwapin, epote ŋituŋa a ŋakwapin akiŋitanar iŋes ka eruwor akibois keŋ ŋina ecai nooi.

Isa. 40:9

Okoe ŋituŋa a Sion, toloto lomoru ŋulu aoyak, kiserata a nen ŋakiro ŋuna ajokak, tocelutu a ŋitoilon a ŋulu apolok, okoe ŋituŋa a Yerusalem, kiserata ŋakiro ŋuna ajokak, tolimosi ŋakiro ŋun, nyikuryaketa. Tolimokisi ŋituŋa ŋulu iboiyete alotaunio a Yudaya ebe, “Eyai Akuj kus ne.”

Isa. 41:27

Ayoŋ abu ekiŋaren olimo ŋakiro ŋun neni a ŋituŋa a Sion ka abu oinak ŋituŋa a Yerusalem ekalimoron ŋakiro ŋuna ajokak.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 45:22

Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.

Isa. 55:5

Kiirasi, inyaraete iyes ŋituŋa a ŋakwapin a ŋuna nyiyenete iyes, ido epote neni kus ekerete ŋituŋa a ŋakwapin a ŋuna nyiyenete iyes, aŋuna a Ekapolon Akuj kus ŋina asegan a Isirael, anerae ikitopoloyo iŋes iyes.

Isa. 63:19

Ikikwaanikin isua apaki ŋina aoyan ka ŋituŋa ŋulu nyipukat iyoŋ, ikikwaanikin ka ŋituŋa ŋulu nyeriŋa enyaritae a ekiro kon.

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Luk. 13:12

Ani iŋolikini Yesu iŋes, bu tonyara iŋes tema, “Aberu, ikilacakin iyoŋ anadyak kon!”

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Ŋirom. 10:20

Nyekuryana Isaya elimunit atemar, “Apotu ŋulu pa ekewarito ayoŋ okoryamut, abu ayoŋ otakanu neni a ŋulu pa ekeŋitasi ayoŋ.”

Ŋirom. 9:30

Ikitemari nai tokona iwon ai? Ikote ne: pa ekatakinito ŋituŋa ŋulu nyerae Ŋiyudayan akituruwor ŋulu iyookino alokiŋaren Akuj, nai arae Akuj abu kituruwo ikes ŋulu iyookino alokiŋaren keŋ, anerae apotu ikes tonupa Akuj.

1 Pet. 2:10

Koloŋ sek, pa irae iyes ŋituŋa ŋulu ka Akuj, nai tokona iruworosi ŋituŋa keŋ; koloŋ sek pa iyenete iyes akisyon ŋina ka Akuj, nai tokona iryamut akisyon keŋ.