Isa. 64:9 - Ebaibul

⁹ Okoe Ekapolon nyiŋo kareca jik ka nyirubak itamunit jik ŋasecisya kosi ŋikaru ka ŋikaru, Totamak tokona atemar ikirae isua daadaŋ ŋituŋa kon.

Isa. 64:9 Iomraidhean Croise

2 Ŋirw. 25:9

Kicunyak Nebusaradan Akai ka Akuj ka akai ŋina a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Ŋikiru. 119:94

Toiunae ayoŋ, anerae arae ayoŋ ŋini kon; anerae ewar ayoŋ ayenun ŋakiciketa kon.

Ŋikiru. 38:1

Okoe Ekapolon, nyikiŋenyak ayoŋ anaŋoit kon, kori nyikisican ayoŋ ananyunyura kon,

Ŋikiru. 6:1

Okoe Ekapolon, nyikiŋenyak ayoŋ anaŋoit kon, kori nyikisican ayoŋ ananyunyura kon.

Ŋikiru. 79:13

Aŋun nai, ikiponi isua ŋituŋa kon, ŋamesekin ŋuna ka adakari kon, akipur iyoŋ ŋikaru ka ŋikaru; ameun ananyamet ka apei tari nanyamet ŋinace, ikirubakini isua ikipuro iyoŋ.

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 57:17

Abu ayoŋ oŋo aŋuna a ekibure kec a ŋolo ka asecit; abu ayoŋ esican ikes, oŋop ka oŋo, nai apotu ikes torubakis iwuapito ŋuna kec a ŋilopeyek.

Isa. 60:10

Edukete ŋigelaanotin ŋarwatatain kus, ikitiyanakinete iyes ŋirwosi kec, anerae abu ayoŋ ananyunyura kaŋ ekesican iyes; nai anajokis kaŋ, adau ayoŋ akisyon iyes.

Isa. 63:18

Apotu ŋituŋa kon ŋulu asegak kikamasi akibois ŋina asegan apaki adio cici bon; nai tokona enyasut ŋimoe kosi akibois kon ŋina asegan.

Isa. 63:19

Ikikwaanikin isua apaki ŋina aoyan ka ŋituŋa ŋulu nyipukat iyoŋ, ikikwaanikin ka ŋituŋa ŋulu nyeriŋa enyaritae a ekiro kon.

Isa. 63:8

Abu iŋes tolimu tema, “Kire jik, erae ikes ŋituŋa kaŋ, ŋidwe ŋulu nyitiyaete ŋuna aronok;” ido abu iŋes toruwor ekaiunan kec

Yer. 10:24

Ekapolon kisicanae isua, nai anakiyookino, nyikisican isua anaŋoit kon, anerae acepaki ikimunyari iyoŋ isua daadaŋ.

Yer. 3:12

Tolot kiserak ŋituŋa ŋulu alowae a ŋolo alo kuju ŋakiro nu atemar; toboŋutu, iyes ŋituŋa a Isirael ŋulu emam anupit, nyarubakini ayoŋ ekete iyes akaŋoikinit, anerae arae ayoŋ ŋolo esyonion, nyarubakini ayoŋ aŋoit ŋikaru ka ŋikaru.

Yer. 44:21

“Ani eruwor ŋainakineta ŋuna ipotu iyes inanakis alotaunio a Yudaya ka alorotin a Yerusalem, iyes kaapei ka atapapaa kus, ŋirwosi kus, ŋikapolok kus ka ŋituŋa ŋulu anakwap kus, pa mono abu Ekapolon totamu ŋainakineta ŋun a? Pa apotu ŋainakineta ŋun potu natameta keŋ a?

Aum. 2:7

Aŋer Ekapolon Namuroet keŋ, emyek akibois keŋ ŋina asegan. Acamaki ŋimoe ebwaŋabwaŋaarete ŋarwatatain a ŋakais a ŋuna iboiyoto ŋirwosi, ecelasi ŋimoe alo Kai ke Ekapolon itoodiunito atemar adaut ikes akiloun, ecelasi lopite ŋolo sek ecelatar ŋituŋa apaki ŋina a ŋasuban.

Aum. 5:18

anerae asilyor emukura ŋolo a Sion aruwor ereŋorot; irimito ŋikweei anaduketa keŋ a ŋuna eritanakina.

Aum. 5:20

Kaanukiro irubakinia iyoŋ pa ikitamunit isua apaki ŋina aoyan? Kaanukiro ikimyekinia iyoŋ isua ŋirwa ŋulu alalak?

Aum. 5:22

Ikiŋer mono iyoŋ isua ŋikaru ka ŋikaru a? Mam mono apaki ŋina emaikina aŋoit kon todaunor a?

Esek. 29:16

Nyeruwor nabo jik Ŋijipitian ŋituŋa ŋulu epedorete Ŋisirael akikinyom, nai eruwor ibore ŋini itatamununui Ŋisirael asecit apaki ŋina elosyoto ikes akiŋarakino neni a Ŋijipitian. Apaki nai ŋin eyenuniata Ŋijipitian atemar arae ayoŋ Ekapolon.’ ”

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Abak. 3:2

Okoe Ekapolon, adau ayoŋ akiirar ŋuna ka arwonu kon, ido aumokinit ayoŋ aŋuna a ŋiticisyo kon. Kitiya tokona nabo alorwa kosi ŋun, kisileereu tokona nabo ŋiticisyo kon ŋul. Toyakaunor akisyon, tari anapaki a ŋina iŋoitor.

Mal. 1:4

Ani ketemasi ŋituŋa ke Edom, ‘Tari daŋ kielielitae akwap kosi, ikidukokini isua nabo.’ Nai ŋuna irworo Ekapolon ŋolo Etiron ikes nu ebe, ‘Epedorete ikes adukokin, nai eeliyalari ayoŋ. Enyarao ikes akwap ŋina aronon, ŋituŋa ŋulu erubakinit Ekapolon enyunyurikina.

2 Pet. 2:17

Ikwaan ŋikilyok ŋul ka ŋilelyan ŋulu ejuwasi, ikwaan ka ŋidouwon ŋulu ekutanari ekuwuam. Adau Akuj akitemokin akibois kec tooma nenikiryonon cuc.

Akis. 20:10

Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.