Isa. 64:8 - Ebaibul

⁸ Kikote neni daŋ okoe Ekapolon, irae iyoŋ papa kosi. Ikirae isua ecoto ka iyoŋ ekayeunan isua; ikirae isua daadaŋ ŋisubuna kon.

Isa. 64:8 Iomraidhean Croise

Yob 10:3

Ejok mono aneni kon akisican ayoŋ a? Ejok mono aneni kon ajamuwar esubuna kon a? Ido kitojok ŋuna eyeete ŋulu aronok a?

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 119:73

Iyoŋ ikisubuni ka ikiyeuni ayoŋ; inakinae ayoŋ aosou oyenunia ŋakiciketa kon.

Ŋikiru. 138:8

Isiyoonokini Ekapolon acamit keŋ aneni kaŋ. Okoe Ekapolon, erubakini amina kon ŋina nyiryaŋiryaŋa ŋikaru ka ŋikaru. Nyimek ŋituŋa kon ŋulu ibu iyoŋ tosub.

Ŋikiru. 74:1

Okoe Akuj, kaanukiro ikiŋeryo iyoŋ isua ŋikaru ka ŋikaru? Ipedori mono iyoŋ aŋoikin ŋituŋa kon a alope ŋikaru ka ŋikaru a?

Ŋikiru. 95:6

Potu, oryediko elipa iŋes; oryediko alokiŋaren Ekapolon, Ekasuban yok!

Awos. 32:12

Kaanukiro irworotor Ŋijipitian ebe, ‘Arae akitiya ŋuna aronok neni kec, iŋes ayaunia iŋes ikes lomukura lu, ikotere emunyari ikes anakwap a daadaŋ’? Kimyek aŋoit kon ŋin ŋina ka anyunyura; kilocok ŋatameta kon, ido nyisican ŋituŋa kon.

Awos. 4:22

Emaikina nai iyoŋ tema neni a Parao, ‘Ŋakiro ŋuna irworo Ekapolon ikes nu: Erae Isirael lokoku kaŋ ŋolo kiyae,

Isa. 19:25

eruwor ikes ŋakwapin ŋuna eterereŋ Ekapolon ŋolo a ŋajoresyo ebala, “Erereŋ ŋituŋa kaŋ ŋulu a Ijipit ka ŋituŋa ka Asiriya ŋulu asubuni ayoŋ ta Ŋisirael ŋiseuna kaŋ.”

Isa. 29:16

Ibuburete iyes ŋakiro! Epedoryo mono atemar erae ekayan ŋamoti ecoto a? Epedori mono ibore ŋini eyeunitae alimokin ekayeunan keŋ ebe, “Meere iyoŋ ikiyeuni ayoŋ” kori epedori mono ibore ŋini itiyaunitae alimokini eketiyaunan keŋ ebe, “Mam ibore iyeni iyoŋ”

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 43:7

Yautu daadaŋ ŋulu enyaritae a ekiro kaŋ, ŋulu abu ayoŋ osub aŋuna ka akitopoloor ayoŋ, ŋituŋa ŋulu abu ayoŋ oyeu ka osub.”

Isa. 44:21

Okoe ŋiletok a Yakob, totamunito ŋakiro nu, okoe ŋiletok a Isirael, totamunito ŋakiro nu, anerae irae iyes ŋiketiyak kaŋ; ayoŋ akasubuni iyes, irae iyes ŋiketiyak kaŋ. Okoe Ŋisirael, nyimuryakinosi iyes aneni kaŋ.

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 45:11

Alimu Ekapolon Akuj ŋina asegan ŋina a Isirael, akasuban kec ebe, “Ikiŋisete kire iyes ayoŋ ŋakiro aŋuna a ŋituŋa kaŋ, kori ikireikinete iyes ayoŋ akitiya ŋadi aŋuna a ibore a ŋini abu ayoŋ etiyau a?

Isa. 45:9

“Ekaŋ iyes ŋituŋa ŋulu isiburaete ekasuban kus, iyes ŋiyeuna ikwa amot, ŋulu iyakasi kaapei ka ŋiyeuna ŋuluce! Epedori mono ecoto akiŋit ekayan keŋ ebe, ‘Nyo iye iyoŋ a?’ Kori ‘Emam atiŋet anibore a ŋini itiyau iyoŋ a?’

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 63:16

Irae iyoŋ papa kosi, tari pa kikiyeni Aburaam isua ka pa kikicamit Yakob isua, okoe Ekapolon, irae iyoŋ papa kosi, erae ekiro kon ekalakunan kosi ŋinapei koloŋ.

Isa. 63:8

Abu iŋes tolimu tema, “Kire jik, erae ikes ŋituŋa kaŋ, ŋidwe ŋulu nyitiyaete ŋuna aronok;” ido abu iŋes toruwor ekaiunan kec

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Mal. 2:10

“Meere mono iwon daadaŋ papa yok epei a? Meere mono Akuj apei ikisubi iwon a? Kaanukiro nai emamukar iwon anupit neni a ŋinice? Kaanukiro ejamuwarere iwon Acamunet ŋina a atapapaa yok?

Yoa. 8:41

Itiyaete iyes ŋuna etiyae papa kus.” Tolimokis ikes Yesu temasi, “Pa aponi ikiuruun isua alotooma elomi; Akuj bon erae Papa kosi.”

Ŋigal. 3:26

Iraakasi tokona iyes daadaŋ ŋidwe ŋulu ka Akuj, aŋuna inupitotor iyes Yesu Kristo.

Ŋigal. 3:29

Ani nai kiraakasi iyes ŋulu a Kristo, iraakasi ŋiletok ŋulu ka Aburaam ka iryamunete ŋuna adau Akuj akiikin.

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋikis. 32:6

Okoe ŋituŋa ŋulu emam aosou, epite mono ŋol itiyaata iyes neni a Ekapolon a? Meere mono iŋes papa kus ŋolo ikisubuni iyes, ŋolo ikituruwori iyes ŋituŋa ka apei akwap a?

Ŋikis. 9:29

Erae ikes ŋituŋa ŋulu kon a elope ŋulu ibu iyoŋ iyau ka apedor kon a ŋina apolon ka agogoŋu kon.”