Isa. 64:7 - Ebaibul

⁷ Mam ituŋanan enyarit ekiro kon, kori ikatakini arubakin eyai neni kon, anerae iwua iyoŋ ereet kon aneni kosi ka ikimyek iyoŋ isua ikilounete ŋasecisya kosi.

Isa. 64:7 Iomraidhean Croise

Yob 10:9

Totamunite atemar ikiyeuni iyoŋ ayoŋ a ecoto, ido icamit mono iyoŋ tokona akituruwor ayoŋ ŋalup nabo a?

Yob 8:4

Ani kesecito ŋidwe kon aneni keŋ, abu Akuj kipotok ikes nakisicanio aŋuna a ŋaronisya a ŋunapei etiyato ikes.

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 14:4

Emam mono ŋakiro eyenete ŋituŋa daadaŋ ŋulu itiyaete aronis, ŋulu erikasi ŋituŋa kaŋ lopite ŋolo irikaryata ŋamugati, ido nyemisito akilip neni a Ekapolon a?

Awos. 32:12

Kaanukiro irworotor Ŋijipitian ebe, ‘Arae akitiya ŋuna aronok neni kec, iŋes ayaunia iŋes ikes lomukura lu, ikotere emunyari ikes anakwap a daadaŋ’? Kimyek aŋoit kon ŋin ŋina ka anyunyura; kilocok ŋatameta kon, ido nyisican ŋituŋa kon.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Isa. 27:5

Ani kecamit emanikor ŋol, emaikina iŋes kimiidiun neni kaŋ aŋuna ka akiyokiyo, emaikina iŋes esila ka ayoŋ, emaikina iŋes esila ka ayoŋ.”

Isa. 45:9

“Ekaŋ iyes ŋituŋa ŋulu isiburaete ekasuban kus, iyes ŋiyeuna ikwa amot, ŋulu iyakasi kaapei ka ŋiyeuna ŋuluce! Epedori mono ecoto akiŋit ekayan keŋ ebe, ‘Nyo iye iyoŋ a?’ Kori ‘Emam atiŋet anibore a ŋini itiyau iyoŋ a?’

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Isa. 54:8

Abu ayoŋ ananyunyura kaŋ a ŋina alalan ewua ereet kaŋ aneni kon, nai anamina kaŋ a ŋina a ŋikaru ka ŋikaru, ekesyoni ayoŋ iyoŋ.

Isa. 56:4

“Ikikwaan ayoŋ ka ekitoe ŋolo eonit,” anerae alimu Ekapolon ŋakiro nu, “Ŋikolupanotin ŋulu itopoloorito akoloŋit ŋina a Sabato, ŋulu itiyaete ŋakiro ŋuna eketalakarito ayoŋ ka ŋulu iricito a ŋinapaki acamunet kaŋ,

Isa. 57:17

Abu ayoŋ oŋo aŋuna a ekibure kec a ŋolo ka asecit; abu ayoŋ esican ikes, oŋop ka oŋo, nai apotu ikes torubakis iwuapito ŋuna kec a ŋilopeyek.

Isa. 59:16

Abu Ekapolon kiŋolik atemar emam ituŋanan epedori, abu iŋes tonyunyur iŋolikini atemar emam ituŋanan iŋarakini ŋulu isicanitae; aŋun, abu iŋes a apedor keŋ yau aiuno aŋuna keŋ ka abu akiyookino keŋ kiŋarak iŋes.

Isa. 59:2

Erae ŋasecisya kus ikityakarito iyes aneni ka Akuj kus ka ŋasecisya kus ikes ainakis iŋes akiwua ereet keŋ aneni kus, ikotere nyepedo akiirar iyes.

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Isa. 63:16

Irae iyoŋ papa kosi, tari pa kikiyeni Aburaam isua ka pa kikicamit Yakob isua, okoe Ekapolon, irae iyoŋ papa kosi, erae ekiro kon ekalakunan kosi ŋinapei koloŋ.

Yer. 9:7

“Aŋun, alimu Ekapolon ŋolo a ŋajoresyo atemar, ase tokona ayoŋ ŋituŋa kaŋ, ido ekatak ikes. Anukiro tokona ŋace emaikina ayoŋ etiya neni a ŋituŋa kaŋ a ŋulu arubakis eseceneneete?

Esek. 22:30

Abu ayoŋ ewar aneni kec ituŋanan ŋini epedori adukokin nabo arwatata, ido towo anakiboisyo a ŋuna aritaanara anarwatata, toji aŋuna ka akwap keŋ alokiŋaren kaŋ, ikotere nai ayoŋ nyamunya akwap keŋ. Nai mam aneni kec ituŋanan abu ayoŋ oryamu.

Esek. 24:11

Kikacakisi amot ŋin eorori kidiama ŋatotol, ikotere emwanuni, ido toreŋu elupe keŋ puu, nen nai etalarya ibore ŋini abosan alotooma keŋ, todaun eroiroi alotooma keŋ.

Osea 5:15

Aboŋori ayoŋ nabo nakibois kaŋ tari ŋina eyenuniata ikes atemar esecito, ido kiwara akiŋarakino aneni kaŋ. Alotooma akiyaloloŋ kec, epote ikes anacamit a ŋina a kire akiwarit ayoŋ.

Osea 7:14

Nyekegworokinete ikes ayoŋ a ŋitai kec, nai iwololoete alokitaadae kec, ecunakin ikes iitanito ŋikinyom ka epiini, akaŋero ikes ayoŋ.

Osea 7:7

Emwaka ikes daadaŋ lopite ŋolo emwania ekeno, amunyasi ikes ŋikepukak kec. Aari ŋirwosi kec daadaŋ, nai mam ituŋanan ebuni akilip neni kaŋ aŋuna ka akiŋarakino.

Mal. 1:6

Ebala Ekapolon ŋolo Etiron neni a ŋisacaradotin ebe, “Itopoloorit ikoku ŋinisapat papa keŋ ka itopoloorit eketiyan ekapolon keŋ. Arae ayoŋ papa kus, kaanukiro nyikitopolooritotor iyes ayoŋ? Arae ayoŋ Ekapolon kus, kaanukiro nyikikeritotor iyes ayoŋ? Ikijamuwarito iyes ayoŋ, ido ibasi iŋitasi ebe, ‘Alipite ikijamuwarya isua iyoŋ?’

Mal. 2:10

“Meere mono iwon daadaŋ papa yok epei a? Meere mono Akuj apei ikisubi iwon a? Kaanukiro nai emamukar iwon anupit neni a ŋinice? Kaanukiro ejamuwarere iwon Acamunet ŋina a atapapaa yok?