Isa. 64:2 - Ebaibul

² Totiyaun lopite ŋolo itiriraunia akim amoni ka lopite ŋolo itukulaunia akim ŋakipi; bua kitoodik apedor kon neni a ŋimoe kon, ikotere emaranikinete ŋituŋa a ŋakwapin ikiŋolikinete iyoŋ.

Isa. 64:2 Iomraidhean Croise

Ŋikiru. 106:8

Kikote neni daŋ, abu Akuj toiu ikes aŋuna ke ekiro keŋ, ikotere Akuj iteyenuni apedori keŋ ŋina etiron.

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 79:10

Kaanukiro imyekinia iyoŋ ŋituŋa a ŋakwapin iŋitasi ebe, “Ai mono eyai Akuj kec?” Kitoodik ŋakwapin iteo isua atemar inyaŋa iyoŋ ŋiketiyak kon ŋulu aponi toarae.

Ŋikiru. 83:13

Okoe Akuj kaŋ, kiela ikes kikokis apuwa, kiela ikes kikokis ŋamilo ŋuna iwokit ekuwuam.

Ŋikiru. 9:20

Okoe Ekapolon, kitubul ikes, kimyek ŋituŋa a ŋakwapin toyenut atemar erae ikes ŋituŋa koŋin ŋulu epote amunyar.

Ŋikiru. 99:1

Erae Ekapolon Erwosit, aŋun emaikina ŋituŋa ekuryaka aŋuna keŋ. Iboi iŋes alokicoloŋ a ŋolo eyai kidiama Ŋisubuna ŋulu a ŋabebenuk, aŋun emaikina akwap emarani aŋuna keŋ.

Awos. 14:4

Etogogoŋi ayoŋ akou a Parao, ido ikiwuapak iyes, ikotere ayoŋ oryamu apolou anakiloun Parao ka ŋasigarya keŋ daadaŋ ka eyenunete Ŋijipitian atemar arae ayoŋ Ekapolon.” Apotu Ŋisirael kitiyata ŋun.

Isa. 28:21

Eji Ekapolon lopite ŋolo abunio tojiyo alomoru Perasim, eŋoi iŋes lopite ŋolo abunio toŋoya anakadipaalat a Gibeon. Ebuni iŋes akitiya etic, egelaana epite ŋolo itiya iŋes, ebuni iŋes akitiya etic keŋ, ekujuwuana epite ŋolo itiya iŋes.

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 63:12

ŋolo abu inak apolou keŋ ŋina ka apedor toyakaun nakan a Moses ŋina aloteten, ŋolo abu totyak ŋakipi alokiŋaren Ŋisirael, ikotere itopoloorere ekiro keŋ ŋikaru ka ŋikaru.

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Yer. 5:22

Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Amos 4:12

Aŋun, abuni ayoŋ akisican iyes, okoe Ŋisirael, aŋuna abunio ayoŋ akitiya ŋun, totena akiryamun ka Akuj kus ŋina ebuni atubokin iyes.

Mika 1:4

Etalarete ŋimoru alokwap keŋ, ikwa etalarya amanok anakim; etiyaarosi ikes nakadipaalae, ikwa etiyaarotor ŋakipi kwap alomukura,

Sakar 14:4

Akoloŋit ŋin ewoi Ekapolon alomukura a ŋolo a ŋikito ka olipa, alo Kide Yerusalem, etyaka emukura ŋol ŋaarei, akisyakin alo Kide tari To, min nen akadipaalat ŋina apolon nooi, iyotori atyaketait apei Kuju iyotori ŋinace Kwap.

Ŋikis. 2:25

Nakoloŋit na, esyakini ayoŋ akiwuakin akuryanu ka ekabule aŋuna kus neni a ŋituŋa a akwap a daadaŋ, ani iirarete ikes ŋakiro kus, emaranikinete ka emini ikes akuryanu aŋuna kus.”