Isa. 63:8 - Ebaibul

⁸ Abu iŋes tolimu tema, “Kire jik, erae ikes ŋituŋa kaŋ, ŋidwe ŋulu nyitiyaete ŋuna aronok;” ido abu iŋes toruwor ekaiunan kec

Isa. 63:8 Iomraidhean Croise

Akisy. 17:7

Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

Ŋikiru. 106:21

Abu ikes kimuryak Akuj akaiunan kec, ŋina abu kitiya ŋakiro ŋuna apolok alo Ijipit,

Awos. 14:30

Abu Ekapolon toiu Ŋisirael akoloŋit ŋin anakan a Ŋijipitian. Kiŋolikis Ŋisirael Ŋijipitian ileeuyete etwakito alokipetot ka Anam.

Awos. 24:7

Tolemu nai Ekitaabo ŋolo ka Acamunet tosyomak ŋituŋa. Toboŋokis ŋituŋa temasi, “Ikitiyae isua ŋakiro daadaŋ ŋuna adau Ekapolon alimun; ikiwuapi isua ŋakiro ŋuna ke Ekapolon.”

Awos. 3:7

Tema nai Ekapolon, “Adau ayoŋ akiŋolikin epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ŋina isigworyoto ŋikapolok ŋulu isitiyaete ikes. Kire jik akanomosi ayoŋ ŋican kec

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 19:20

Eruwor epir ŋol akitoodikinet ka esuuda aŋuna ke Ekapolon a ŋolo a ŋajoresyo anakwap a Ijipit. Ani ikaloikinete ikes Ekapolon aŋuna a ŋituŋa a ŋulu isicanito ikes, iyakikini Ekapolon ikes ekaiunan, ido eji ekaiunan ŋol aŋuna kec ka elakuni iŋes ikes.

Isa. 3:15

Anukiro ilosikinito iyes isicanito ŋituŋa kaŋ ka itonyorididito ŋireetin a ŋikulyak? Ekapolon Akuj ŋina a ŋajoresyo alimu ŋun.”

Isa. 41:8

Nai iyes Ŋisirael, ŋituŋa kaŋ, iyes ŋiletok a Yakob ŋulu adau ayoŋ aseun, iyes ŋiletok ka Aburaam a ekone kaŋ;

Isa. 43:11

Ayoŋ arae Ekapolon, mam akaiunan ace mati ayoŋ bon.

Isa. 43:3

anerae arae ayoŋ Ekapolon Akuj kus, Akuj ŋina asegan ŋina a Isirael, ekaiunan kus. Ajali ayoŋ Ijipit aŋuna ka alacakinia iyes, ajali ayoŋ Esiopia ka Seba aŋuna ka akilokonyunia iyes.

Isa. 51:4

Okoe ŋituŋa kaŋ topupokisi ŋakiro kaŋ, okoe ŋituŋa a akwap kaŋ, kiirasi ŋakiro kaŋ; alosi ayoŋ akitatam iyes ŋikisila, eruwor akitub kaŋ ŋakiro anakiyookino ŋina eyauni akica nakwapin.

Isa. 57:11

Ŋae ikerito ka ikuryanito iyes aŋuna keŋ, ŋini abu ikiinak iyes akirwor alyokonu, ido ikitojoŋo iyes atamunit ayoŋ, kori atamatam aŋuna kaŋ? Meere nai aŋuna abunio ayoŋ eliliŋ apaki ŋina aoyan iŋes iponiata iyes nyikitopoloosi ayoŋ a?

Isa. 60:16

Ikitanete iyes ŋituŋa a ŋakwapin lopite ŋolo itanakia toto ikoku. Ikitanete iyes ŋirwosi, ido iyenunete iyes atemar ayoŋ Ekapolon arae ekaiunan ka ekalakunan kus, Akuj ŋina etiron ŋina a Yakob.

Isa. 64:8

Kikote neni daŋ okoe Ekapolon, irae iyoŋ papa kosi. Ikirae isua ecoto ka iyoŋ ekayeunan isua; ikirae isua daadaŋ ŋisubuna kon.

Isa. 64:9

Okoe Ekapolon nyiŋo kareca jik ka nyirubak itamunit jik ŋasecisya kosi ŋikaru ka ŋikaru, Totamak tokona atemar ikirae isua daadaŋ ŋituŋa kon.

Yer. 14:8

Okoe iyoŋ irae akigeno a Ŋisirael, ekalakunan kec anapaki a ŋina a ŋican. Kaanukiro itiyaa iyoŋ esibit irae egela anakwap, esibit irae ekaloton ŋolo erii iwace toper nakwaare?

Osea 13:4

Nai arubakinit ayoŋ arae Ekapolon Akuj kec, ageun ŋinapei anakwap a Ijipit, mam ŋakujo ŋace eyenete ikes mati ayoŋ bon, emam ekaiunan ece mati ayoŋ bon.

Sepan. 3:7

Abu ayoŋ olimok etaun ŋol atemar, Kire jik, ikikeri iyoŋ ayoŋ, icamuni ŋuna sek iŋerit; nyikimuryakinete iyoŋ ŋuna daadaŋ adau ayoŋ alimokin iyoŋ. Nai eriŋa iŋes elelyanikinit akitiya ŋuna aronok lopite ŋolopei sek etiya.”

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

Ŋirom. 11:28

Aŋuna eŋeritotor Ŋiyudayan Ŋakiro ŋuna Ajokak, eraakasi ikes ŋimoi ŋulu ka Akuj ikotere iyes ŋulu nyirae Ŋiyudayan. Nai aŋuna aseunia Akuj ikes, eraakasi ikes ŋikonei keŋ aŋuna atapapaa kec.

Ŋiep. 4:25

Tojoŋoto amodyanakin! Itemokino ŋinituŋanan kirwor ŋuna a kire neni ke ekanupan a ŋoloce, anerae ikirae iwon daadaŋ ŋipei alotooma Kristo ikwapei ikiraakar iwon ŋinerin ŋulu ka apeikuwan.

Ŋikis. 32:5

Nai etiyata ŋidwe keŋ ŋulu esyaak ŋuna nyejokak neni keŋ, erae ikes anyamet ŋina aronon ka ŋina enyasan.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.

Ŋikol. 3:9

Nyimodyanakinosi make, ikwapei idauniata alemar ekuwane ŋoloŋorot kaapei ka ŋipitesyo keŋ

1 Yoa. 4:14

Ikianyu ka ikiteyenik daŋ atemar eyaku Akuj Papa Lokoku keŋ aruwor Ekaiunan ŋolo ka akwap.

Yud. 1:25

Neni keŋ, a ŋolo erae Akuj ŋina donupei, Ekaiunan yok alotooma Yesu Kristo Ekapolon yok, toyai akipuro, apolou, agogoŋu ka apedor, tari eriŋa nyesubuna akwap, tokona ka ŋikaru ka ŋikaru! Amen.

1 Sam. 12:22

Aŋuna a ekiro keŋ a ŋolo epol nooi, nyeŋeri Ekapolon ŋituŋa keŋ, anerae abu iŋes tolakar ikituruwo iyes ŋituŋa keŋ.