Isa. 63:17 - Ebaibul

¹⁷ Kaanukiro, okoe Ekapolon ikiinakinia iyoŋ isua aoliyor anakiwuapit iyoŋ, itogogoŋio iyoŋ ŋitai kosi, ido nyeriŋa isua ikitopoloorit iyoŋ? Toboŋu Ekapolon aŋuna a ŋiketiyak kon ka aŋuna a ŋikabilae a ŋulu erae ŋulu kon.

Isa. 63:17 Iomraidhean Croise

Ŋikiru. 119:10

Ekewarit ayoŋ iyoŋ ke etau kaŋ a daadaŋ; nyikimyek ayoŋ ooliyo anakiciketa kon.

Ŋikiru. 119:36

Inakinae ayoŋ acamit ŋina ka akiwuap ŋakiro ŋuna itubunit iyoŋ, akilo acamit aryamun ebari aŋuna kaŋ.

Ŋikiru. 141:4

Nyicamak etau kaŋ iwarit akitiya aronis, nyicamak itiyae ŋuna aronok ŋuna itiyaete ŋulu aronok; nyikicamak ayoŋ ayakaun nasuban a ŋulu itiyaete ŋuna aronok.

Ŋikiru. 80:14

Toboŋu neni kosi, okoe Akuj ŋina a ŋajoresyo; kiŋoliu kwap anakuj ikiŋolik isua; bua toiu ŋituŋa kon.

Ŋikiru. 90:13

Okoe Ekapolon, tojoŋo anyunyura! Apaki ŋina etya ai iyai iyoŋ inyunyura? Kisyoni ŋiketiyak kon.

Awos. 11:10

Apotu Moses ka Aron kitiyata ŋaumonokineta ŋun daadaŋ alokiŋaren a Parao, nai abu Ekapolon kitogogoŋ akou a Parao, nyecamak Ŋisirael toloto anakwap keŋ.

Awos. 4:21

Tema Ekapolon neni a Moses, “Ani iboŋori iyoŋ Ijipit, emaikina kitiya alokiŋaren a Parao ŋakujuwuanisya daadaŋ ŋuna akainak ayoŋ iyoŋ apedor akitiya. Nai eturuwori ayoŋ iŋes ŋolo egogoŋ akou, ikotere nyecamak Ŋisirael toloto anakwap keŋ.

Isa. 19:25

eruwor ikes ŋakwapin ŋuna eterereŋ Ekapolon ŋolo a ŋajoresyo ebala, “Erereŋ ŋituŋa kaŋ ŋulu a Ijipit ka ŋituŋa ka Asiriya ŋulu asubuni ayoŋ ta Ŋisirael ŋiseuna kaŋ.”

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 29:14

Aŋun, etiyae ayoŋ nabo ŋakiro ŋuna ka aumokin lotuŋa lu, ŋakiro ŋuna eteryaŋakinak ka ŋuna ka aumokin. Eŋopiyari aosou a ŋikaosok kec, epuripuryaar aneni a ŋipiiryanotin apiiryanut ŋina ka ayenut ŋakiro.”

Isa. 30:28

Ikwaan ekieŋanu keŋ ka ayonae ŋina ilapit elele, ŋina edolete ŋakipi lodokole erae kidok. Iwokori iŋes ikwa arimama ŋituŋa a ŋakwapin namunyaro, irepakini iŋes ŋaunoi loŋitiny a ŋituŋa torikorere ikes nariet tooliyosi

Isa. 6:10

Kitabaŋaan ŋituŋa ŋul, kitikiŋiman ikes ka kitumudukan ikes, ikotere ikes nyiŋolikis ka nyiirasi ka nyeyenut anatameta kec, ido toboŋut neni kaŋ akitaŋaleuno.”

Aum. 3:9

Agoloki Akuj ŋamoru ŋuna aburok lorot kaŋ eketoŋopik ayoŋ neni kitoro.

Esek. 20:26

Abu ayoŋ emyek ikes tomunaaros anainanakineta kec pei, abu ayoŋ emyek ikes toara ŋikiyae kec ŋulusapa erae ŋamuronisya. Arae ŋun aŋuna ka akisicania ikes ka akitoodikin ikes atemar arae ayoŋ Ekapolon.

Sakar 1:12

Kiŋit nai emalaika Ekapolon tema, “Ekapolon ŋolo Etiron, tari ori iwounit iyoŋ ainakin akisyon neni a Yerusalem ka lotaunio ŋulu a Yudaya, ŋulu irubak iyoŋ iŋoikinit tari tokona ŋikaru ŋatomonikanikaarei?”

Ekim. 10:36

Ido ani ieŋunete ŋulu adakito Asaduku ŋina ka Acamunet, atemanari Moses, “Toboŋu okoe Ekapolon lotuŋa a Isirael ŋulu erae ŋalipyo ka ŋalipyo.”

Yoa. 12:40

“Etumudukan Akuj ŋakecekonyen ka etabaŋaan ikes, ikotere nyiŋolikis a ŋakonyen kec ka nyeyenut ŋatameta kec, nyeboŋut neni kaŋ, tosodi etaŋaleu ayoŋ ikes.”

Ŋikis. 2:30

Nai abu erwosit Sikon nyikicamak isua kitoroi nakwap keŋ, anerae aris Ekapolon Akuj kus kitogogoŋ akou keŋ, inak etau keŋ topeganiar, ikotere Ekapolon ipotokini iŋes neni kus lopite ŋolo etiyakinia tokona.

Yos. 11:20

anerae arae Ekapolon iŋes abu kitogogoŋ ŋakyes kec, ikotere imukekinete akitijiore Ŋisirael, ido tomunyarae jik nyisyoni tari ipei, nai tolemarae jik anakwap lopite ŋolopei ecikitor Ekapolon Moses.