Isa. 63:15 - Ebaibul

¹⁵ Ekapolon kiŋoliu alokidiama, ido ikiŋolik, kiŋoliu anakibois kon a ŋina asegan ka a ŋina ka apolou. Ai eyai alelakinit kon isua ka apedor kon ŋina etiron? Ai eyai arimao ŋina a etau kon ka akisyon kon? Ilema iyoŋ ŋun aneni kaŋ.

Isa. 63:15 Iomraidhean Croise

1 Ŋirw. 8:27

“Nai ipedori mono kire iyoŋ Akuj akiboi alokwap ka ŋituŋa a? Ŋina nyelolomya tari nakuj daadaŋ akiboiyo iyoŋ, ikokini nai Akai ka Akuj ŋina aduku ayoŋ epedori akitemokin iyoŋ akiboiyo ai?

2 Ŋakiro a ŋirwa 30:27

Ekaku nai, apotu ŋisacaradotin ka ŋilepi tonyout, kiterereŋo ŋituŋa, kiira Akuj ŋitoilon kec; todol akilip kec neni ka Akuj nakibois keŋ ŋina iboiyo iŋes.

Ŋikiru. 123:1

Neni kon Ekapolon erereunit ayoŋ, neni kon a ŋolo ipukat anakuj.

Ŋikiru. 25:6

Okoe Ekapolon, totamunite akisyon kon ŋina apolon ka amina kon ŋina nyiryaŋiryaŋa, anerae itoodiunit iyoŋ ŋun neni kosi ŋinapei koloŋ.

Ŋikiru. 33:14

Ite iŋes ŋituŋa alokicoloŋ keŋ a ŋolo ipukator; ite iŋes ŋituŋa daadaŋ ŋulu iboiyete anakwap.

Ŋikiru. 68:5

Akuj ŋina iboi anakibois keŋ a ŋina asegan, iŋes erae papa a ŋikokyok, ekeuryaran a ŋapuseru.

Ŋikiru. 77:10

Abu nai otema, “Ŋuna akanomorito ayoŋ nooi ikes nu, nyeriŋa Akuj eyakar apedor.”

Ŋikiru. 80:14

Toboŋu neni kosi, okoe Akuj ŋina a ŋajoresyo; kiŋoliu kwap anakuj ikiŋolik isua; bua toiu ŋituŋa kon.

Ŋikiru. 80:15

Bua toiu ŋituŋa kon ŋulu ibu iyoŋ kiwuak nakwap na, kituruwo ŋituŋa ŋulu agogoŋok anakwap kec.

Ŋikiru. 89:49

Okoe Ekapolon, ai mono etor amina kon ŋina nyiryaŋiryaŋa ŋina paaran, ŋina ibu iyoŋ anakikinyoma kon kiik Daudi?

Isa. 16:11

Aŋun, idoŋae etau kaŋ iyaloloŋi aŋuna a Moab ka iyaloloŋi akiyar kaŋ aŋuna a Kir-Eres.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 37:32

Eyakaun Yerusalem ŋipiya, eyakaun lomoru Sion ŋituŋa ŋulu apuun alomoe kec. Erae acamit a Ekapolon a ŋajoresyo atemar kitiyakin ŋun.

Isa. 42:13

Elosi Ekapolon ajiore iŋarenit ikwa ekajion, isimukekini iŋes alelakinit keŋ ejie ikwa ekajion; eceluni iŋes, eceluni iŋes nooi, itoodiun iŋes erae ŋolo etiron eremokino ŋimoe keŋ.

Isa. 49:15

Epedori mono akimuryakin aberu ikoku keŋ ŋini itanaki, kori epedori mono aberu awoun akisyon ikoku ŋini idounit iŋes alope a? Tari kepedorete ŋun akimuryakin aberu, nyimuryakinosi iyes aneni kaŋ.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 59:17

Abu iŋes tonap akiyookino ikwa arapet ka aiuno ikwa akopiya ŋina iuryarit akou nyewana; abu iŋes tonap ŋilowi ŋulu ka akinyaŋar, ido abu kimuko akuwan keŋ anainakina esibit ekaaso imukokina.

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Isa. 64:12

Ekaku a ŋakiro a nu a daadaŋ, nyitiyakini iyoŋ ŋadikiro okoe Ekapolon a? Irubakini iyoŋ ililiŋi ka ikisicanit isua nooi a?

Isa. 66:1

Ŋakiro ŋuna irworo Ekapolon ikes nu, “Erae nakuj neni epukator ayoŋ ka erae akwap neni ecakit ayoŋ; Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Aum. 3:50

akitodol ŋina iŋoliunia Ekapolon anakuj kwap kiŋolik epite ŋolo eryamunitotor ŋituŋa keŋ ŋican.

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Yoel 2:18

Abu nai Ekapolon kitoodiu amina keŋ neni a ŋituŋa keŋ, ido abu kisyoni ŋituŋa keŋ.

Luk. 1:78

Epatana nooi Akuj yok ka isyoniono. Abu aiuno keŋ neni yok ikoni neni ipiripirunia akoloŋ

Ŋikis. 26:15

Kiŋoliu anakibois kon a ŋina asegan, kiŋoliu anakuj, kiterereŋ ŋituŋa kon Ŋisirael ka ŋalup a akwap a ŋina ikiinak iyoŋ isua, lopite ŋolo ibunio iyoŋ kikoŋio neni atapapaa kosi, kiterereŋ akwap kosi ŋina eleleata ŋakile ka ao.”

Ŋipil. 2:1

Ani erae kire kiryamunito iyes akisimukekino make anakimorikina ka Kristo, akitalakanar aŋuna ka amina a ŋina ebunit aneni keŋ, akimorikina aŋuna ke Etau a ŋolo ka Akuj, arimao ka akisyonenen;

1 Yoa. 3:17

Nai ani keyakar ituŋanan ebari ŋolo ka akwap a na, ido kitee lokaato keŋ iitanit akiŋarakino, ido tojamak iŋes, ikokini nai amina ŋina ka Akuj iboi alotooma keŋ ai?