Isa. 62:9 - Ebaibul

⁹ Nai ikes ŋulu elemete ŋikinyom ŋul, enyamete, ido kipuro Ekapolon ka ikes ŋulu egerete ŋaraito a epiini kec, emasete epiini ŋol analapatui kaŋ a ŋuna asegak.

Isa. 62:9 Iomraidhean Croise

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Isa. 65:13

Aŋun, alimu Ekapolon Akuj ebe, “Imujete ŋiketiyak kaŋ, nai ikinyami iyes akoro; emasete ŋiketiyak kaŋ, nai ikinyami iyes akure, elelyanete ŋiketiyak kaŋ, nai ikisirumyo iyes ŋileec.

Isa. 65:21

Edukete ikes ŋakais, ido kiboiyoto alotooma kec, edupakinete ikes ŋikito a epiini lomanikor kec, ido enyamete ŋaraito a ŋikito a ŋul.

Isa. 65:22

Nyedukete ikes ŋakais, ido bu ituŋanan ice akiboi a nen, nyedupete ikes ŋikito bu ituŋanan ice akinyam ŋaraito kec, Iriyanikin ŋirwa a akiyar a ŋituŋa kaŋ ka ŋulu a ekitoe, imujete ŋituŋa kaŋ ŋuluseuna alotooma alelyanu apaki ŋina aoyan ŋinyomen ŋulu itaunete a ŋakan kec.

Yer. 31:5

Idupakinete nabo iyes ŋikito a epiini lomoru a Samaria, ŋulu edupakinete ŋikito a epiini, enyamete elelyanete ŋaraito a epiini a ŋolo adupakinete ikes.

Esek. 40:14

Abu daŋ ekile ŋol kipim agule ŋina ayai lopuke, toryamu erae ŋimitae ŋitomon ka ŋiarei ka atutubet. Kipim daŋ iŋes ŋipirin ŋulu arekina nalapatui ŋuna aya kiŋa ka tooma epuke ŋol, toryamu erae ŋimitae ŋiuni.

Yoel 2:26

Iryamunete iyes akimuj ŋina alalan ŋina imujete kimwoko, ido ipurete iyes ekiro ŋolo ke Ekapolon ka Akuj kus, a ŋina etiya ŋuna ka aumokin aŋuna kus; mam nabo nyirumete ŋileec ŋituŋa kaŋ.

Sakar 3:7

“Ŋakiro ŋuna ebala Ekapolon ŋolo Etiron ikes nu ebe, ‘Ani kiwuap iyoŋ ŋikisila kaŋ, ido kitiya ŋiticisyo ŋulu akainak ayoŋ iyoŋ, ipedori iyoŋ apolokin akai kaŋ ka ŋalapatui ŋuna alo kiŋa akai kaŋ, akainakini ayoŋ iyoŋ apedor ŋina irukyoto kaapei ka ŋulu ewuasi a ne.

Ŋikis. 12:12

Tosodi ilelyanete iyes alokiŋaren Ekapolon, iyes kaapei ka ŋidwe kus ŋulusapa ka ŋulupesur, ŋipi ka ŋapi kus ka ŋilepi ŋulu iboiyete alotaunio kus ŋulu emam akwap ekorakinitae ikes, kori eruwor ŋina kec.

Ŋikis. 12:7

Tosodi imujete iyes a nen aneni eyai Ekapolon Akuj kus, imujete iyes a nen kaapei ka ŋituŋa a ŋikalya kus, ilakara aŋuna a ŋakiro a daadaŋ a ŋuna itiyata iyes aŋuna ikiterereŋio Ekapolon iyes.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:14

Tolelyana anasuban kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi, ŋigelaanotin, ŋikokyok ka ŋapuseru, ŋituŋa ŋulu iboiyete alotaunio kus.