Isa. 62:8 - Ebaibul

⁸ Adau Ekapolon akikoŋ anakiloun keŋ ka anapedor keŋ a ŋina etiron ebe, “Nyainakini nabo ayoŋ ŋikinyom kus toruwor akimuj a ŋimoe kus, nyemasete ŋituŋa ŋulugelae epiini ŋolo itaunete iyes.

Isa. 62:8 Iomraidhean Croise

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 45:23

Ayoŋ Akuj adau akikoŋ, adau ayoŋ alimun ŋakiro anakiyookino, ŋakiro ŋuna nyepedoryo akinyakar ŋakiro ŋun ikes nu, “Eryediki ŋinituŋanan alokiŋaren kaŋ, elimori ŋinituŋanan atemar arae ayoŋ Akuj.”

Isa. 54:9

Ikwaan nu aneni kaŋ ka ŋuna a ŋirwa a ŋulu a Noa, apaki ŋina abunio ayoŋ olimunio atemar nyilelebun nabo ŋakipi a Noa nakwap, aŋun, ekoŋ ayoŋ tokona atemar nyakaŋoikini nabo ayoŋ iyoŋ ka nyekeŋenyakini nabo ayoŋ iyoŋ.

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Isa. 59:16

Abu Ekapolon kiŋolik atemar emam ituŋanan epedori, abu iŋes tonyunyur iŋolikini atemar emam ituŋanan iŋarakini ŋulu isicanitae; aŋun, abu iŋes a apedor keŋ yau aiuno aŋuna keŋ ka abu akiyookino keŋ kiŋarak iŋes.

Yer. 31:5

Idupakinete nabo iyes ŋikito a epiini lomoru a Samaria, ŋulu edupakinete ŋikito a epiini, enyamete elelyanete ŋaraito a epiini a ŋolo adupakinete ikes.

Yer. 5:17

Irikarete ikes ŋikinyom ŋulu ilemunete iyes alomanikorin kus ka akimuj kus daadaŋ, emunyarete ikes ŋidwe kus ŋulusapa ka ŋulupesur, irikarete ikes ŋamesekin ka ŋaatuk kus, irikarete ikes ŋikito kus ŋulu a epiini ka ŋiboboryo; inyasunete ikes ŋitaunio kus ŋulu eyakatar ŋaduketa ŋunajiet, ŋitaunio ŋulu sek ikinyomito iyes.

Esek. 20:5

ka tolimok ikes atemar ŋakiro ŋuna irworo Ekapolon ikes nu, ‘Akoloŋit ŋina aseunia ayoŋ Ŋisirael, abu ayoŋ ekoŋ neni a ŋiletok a ekal a Yakob, etoodikin neni kec anakwap a Ijipit. Abu ayoŋ ekoŋ neni kec otema arae ayoŋ Ekapolon Akuj kus.’

Ŋilep. 26:16

etiyakini nai ayoŋ nu neni kus: Ekesicani ayoŋ iyes toryamut ekabule alodekesyo ka alolekesyo a ŋulu ikitumudukanete ka kitiiniyasi ŋawat kus tari natwanare. Itaete iyes ŋikinyom kus, nai mam ibore iryamunete, irikarete ŋimoe kus.

Amos 9:14

Enyakuni ayoŋ ŋituŋa kaŋ Ŋisirael nakwap kec, edukokinete ikes nabo ŋitaunio kec ŋulu aponi kinyasunae, ido kiboikinos tooma ŋitaunio ŋul, itaete ikes ŋimanikorin kec ŋulu ke epiini, ido tomata epiini kec. itaete ikes ŋimanikorin kec, ido tonyama ŋaraito kec.

Ŋikis. 28:30

Ikiikinio iyes akiit ŋapesur, nai ituruworete ŋituŋa ŋice ikes ŋaberu kec, idukokinete iyes ŋakais, nai nyiboikinosi iyes tooma kec. Idupakinete iyes ŋikito a epiini lomanikorin kus nai, nyinyamete iyes ŋaraito kec.

Ŋikis. 28:31

Earyo ŋimoŋin kus iteete iyes, nai nyinyamete iyes akiriŋ kec, ekokoiyaryo ŋisigirya kus iteete iyes, ido nyikinyakakinio iyes. Einakinio ŋamesekin kus neni a ŋimoe kus, emam ituŋanan ikiŋarakini iyes akinyakun.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,

Ŋikis. 32:40

anerae ekyaari ayoŋ ŋakan kaŋ kidiama, ekoŋ otema, ‘Ikwapei ayarya ayoŋ ŋikaru ka ŋikaru,