Isa. 62:6 - Ebaibul

⁶ Okoe Yerusalem, ewuak ayoŋ ŋikererok narwatatain kon, nyililiŋete ikes naparan ka nakwaare. Iyes ŋikererok anarwatatain ŋulu inyarito Ekapolon, nyieŋut

Isa. 62:6 Iomraidhean Croise

Akisy. 32:12

Nai idau iyoŋ Akuj atemar itiyae ŋuna ajokak neni kaŋ, ido italalauni ŋiletok kaŋ ikwa asinyon ŋina ananam ŋina nyepedor akimarun.”

Akisy. 32:26

Tema nai ekile ŋol neni a Yakob, “Kimyekinae ayoŋ olot, anerae ewala akwap.” Toboŋok Yakob tema, “Nyekemyekini ayoŋ iyoŋ tolot, mati kikiterereŋ iyoŋ ayoŋ.”

2 Ŋakiro a ŋirwa 8:14

Aŋuna ewuapitor Solomon ŋuna atubunit sek papa keŋ Daudi, abu iŋes toseu ŋatukon a ŋisacaradotin, inak ŋinatukot etic keŋ, tolimok ŋilepi arikit aeore ka akiŋarakinit ŋisacaradotin alotic kec a ŋolo a ŋinakoloŋit. Abu daŋ Solomon toseu ŋatukon a ŋikedarak ŋipukei, kiwuak a ŋolopuke ŋikedarak keŋ, anerae ŋuna sek kebu Daudi ituŋanan ŋini ka Akuj kicik iŋes ŋun.

Ŋikiru. 122:7

Ikilipi toyakaun ekisil neni a ŋulu eya tooma ŋarwatatain kon ikilipi toyakaun ekisil nakiboisyo kon ŋuna ka apukan.”

Ŋikiru. 74:18

Okoe Ekapolon, totamu epite ŋolo ikijamuwaritotor iyoŋ ŋimoe kon, totamu epite ŋolo iyanyata ŋibaŋaanotin ekiro kon.

Ŋikiru. 74:2

Totamu ŋituŋa kon ŋulu ibu iyoŋ; toseu koloŋ sek toruwor ŋituŋa kon, totamu ekabila ŋolo ibu iyoŋ; toiu anapitoonut aruwor ŋituŋa kon a alope. Totamu emukura Sion neni koloŋ sek iboiyo iyoŋ.

Eete a Ŋie. 3:3

Apotu ŋiketeok a etaun okoryamut ayoŋ apaki ŋina emanimaniata etaun, abu ayoŋ eŋit ikes otema, “Iŋolikinito mono iyes ŋolo emina etau kaŋ a?”

Eete a Ŋie. 5:7

Apotu ŋiketeok a etaun okoryamut ayoŋ apaki ŋina emanimaniata etaun nakwaare, apotu ekedica ayoŋ okowan, apotu ŋiketeok ŋarwatatain tolemasi akitambara kaŋ anakou.

Isa. 43:26

Kisitakinae ayoŋ, apena loikiiko; tolimutu ŋakiro kus, ikotere eyenunere atemar iyookino iyes.

Isa. 49:16

Kiirasi, adau ayoŋ akigirakin iyes nenidapal a ŋakan kaŋ, ekeyoki ayoŋ iyes a ŋinapaki alotooma ŋarwatatain kus.

Isa. 52:8

Kiirasi, ecelasi ŋikererok alotaun kus, ecelasi ikes daadaŋ elelyanete; anerae eteete ikes ileere anakonyen kec Ekapolon ebuni Sion.

Isa. 56:10

Emudukaka ŋiketeok a Ŋisirael, emamukatar ikes daadaŋ aosou, ikwaan ikes daadaŋ ka ŋiŋokwo ŋulu nyikomosi; irujaete eperete alokwap, eminasi ikes ajot

Isa. 62:1

Nyeliliŋi ayoŋ aŋuna a Sion ka nyeeŋuni ayoŋ aŋuna a Yerusalem erworo ayoŋ akitodol ŋina ileereunio akiyookino kec lopite ŋolo ileereunio akica iwalari akwap, akitodol ŋina ileereunio aiuno kec lopite ŋolo ecaunia atoc.

Yer. 14:21

Aŋuna a ekiro kon, nyikijamuwa isua, nyisirum ŋileec etaun kon, Yerusalem neni eyai ekicoloŋ kon ŋolo ka apolou, totamu ŋakiikineta kon, ido nyilema acamunet kon ka isua.

Yer. 6:17

Abu daŋ ayoŋ oseu aŋuna kus ŋiketeok akwap okolimok iyes ebe, ‘Totenito akiirar eruye amomwara a emesek!’ Nai apotu ŋituŋa temasi, ‘Nyetenio isua.’

Aum. 5:1

Okoe Ekapolon, totamu ŋakiro ŋuna etiyakinosi neni kosi, kiŋoliu neni kosi, ikotere kiŋolik epite ŋolo ikijamuwarere isua.

Aum. 5:20

Kaanukiro irubakinia iyoŋ pa ikitamunit isua apaki ŋina aoyan? Kaanukiro ikimyekinia iyoŋ isua ŋirwa ŋulu alalak?

Luk. 18:39

Kiŋenyakis ŋituŋa ŋulu eŋarenete iŋes temasi, “Kililiŋ!” Nai torebor iŋes nooi tema, “Lokoku a Daudi! Kisyoni kare ca ayoŋ!”

Ŋitic. 10:31

Kirworik iŋes tema, ‘Kornelio, eira Akuj akilip kon ka atamu daŋ ŋainakineta kon lokulyak.

Ŋitic. 10:4

Kitek Kornelio emalaika ekuryanit, kiŋit tema, “Ekapolon, nyo?” Toboŋok emalaika iŋes tema, “Acamu Akuj akilip kon ka ŋainakineta kon lokulyak ka ikitamu iŋes iyoŋ.

1 Ŋikor. 12:28

Anatukot a Ŋikristo, adau Akuj akiwuakin ŋituŋa loticisyo kec: ŋulu esyaunak erae ŋikiyakia, ŋulu a ŋiarei erae ŋikadwarak, ŋulu a ŋiuni erae ŋiketatamak, totupakis ŋulu etiyak ŋakujuwuanisya ka nabo ŋulu einakinitae apedor akitaŋaleunun ŋidekesyo; ŋice akiŋarakin ŋuluce, ŋice apolokinit ŋuluce ka ŋice daŋ akirworo ŋaŋajepa ŋuna egelaaka ŋuna ke Etau.

1 Ŋites. 5:17

kilipeneneete jwi jwi,

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.

Akis. 6:10

Apotu ŋitai ŋul kiworout a etoil a ŋolo apolon temasi, “Ekapolon ŋolo etiron, ŋolo Asegan ka ŋolo a kire! Apaki mono ŋina etya ai iyai iyoŋ eriŋa nyebuno atubokin ŋituŋa ŋulu ka akwap, ido kisican ikes aŋuna ikiaryata isua?”