Isa. 62:4 - Ebaibul

⁴ Nyeriŋa nabo etemaryo iyes irae ŋulu ikiesikinitae ka nyeriŋa nabo akwap kus erae ŋina asilon. Nai ikinyarao iyes ŋituŋa ŋulu elakara Akuj aŋuna kec ka ikwaanikin akwap kus ka aberu ŋina iisitae, anerae elakara Ekapolon aŋuna kus ka ikwaanikin akwap kus ka aberu ŋina iisitae.

Isa. 62:4 Iomraidhean Croise

Ŋikiru. 149:4

anerae elakara Ekapolon aŋuna a ŋituŋa keŋ, itopoloori ŋulu itiditeuna make inak akiloun.

Ŋikiru. 16:3

Ejokak nooi ŋituŋa ŋulu ikinyomito Ekapolon, akajoikinit ayoŋ nooi arukit ka ikes.

Isa. 49:14

Nai ebasi ŋituŋa a Sion ebe, “Ikimyek Ekapolon isua, ikimuryakin isua aneni ke Ekapolon.”

Isa. 54:1

Alimu Ekapolon ŋakiro nu, “Okoe iyoŋ aberu ŋina ikolupana, toeik, tocelu ieo ka kiworou iyoŋ ŋina nyeanyuna aryeba ŋina ka akidoun! Anerae aryamu aberu ŋina abu lokile keŋ toesik ŋidwe ŋulu alalak, akilo aberu ŋina eyakar ekile.

Isa. 60:15

Tari sek kikiŋeritoe ka kikimanitae iyes ka kemam ituŋanan etorununui nakwap kus; eketuruwori ayoŋ iyes ŋulu ailiilok ŋikaru ka ŋikaru; alelyanu ŋina ka anyamet ka apei tari ŋinace.

Isa. 60:18

Nyiiraryo nabo ŋuna ka aryenyeo anakwap kus, kori ŋinyas ka amunyoro alokukoryo ka akwap kus. Enyarao iyes ŋarwatatain kus ŋuna ikiunete ka enyarao iyes ŋipukei kus ŋulu ka akipuro.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 62:12

Enyarao ikes, ‘Ŋituŋa ŋulu ka Akuj, ŋituŋa ŋulu alakuni Ekapolon,’ ido enyarao Yerusalem, ‘Etaun ŋolo apolon ŋolo emina Ekapolon. Etaun ŋolo eyakasi ŋituŋa.’ ”

Isa. 62:2

Iŋolikinete ŋituŋa a ŋakwapin akiyookino kus ka iŋolikinete ŋirwosi daadaŋ apolou kus, ido ikinyarao iyes a ekiro a ŋolokitete a ŋolo elimuni Ekapolon.

Isa. 62:5

Ikwaŋina iisya esorokit apese, iyoŋ daŋ Yerusalem iruwor akibois a ŋituŋa a ŋulu ikidukunete iyoŋ ka ikwaŋina elelyania eteran aŋuna ka ateran, elelyani Akuj kon daŋ aŋuna kon.

Isa. 65:19

Abuni ayoŋ alelyan alo Yerusalem ka alakar aŋuna a ŋituŋa kaŋ; nyiiraryo nabo akigworo alotooma keŋ, kori nyiiraryo nabo akigworo aŋuna a ŋican.

Yer. 3:14

Okoe ŋidwe ŋulu emam anupit, toboŋutu neni kaŋ, anerae arae ayoŋ Ekapolon kus. Akayaari ayoŋ iyes, ipei alotaun, ŋiarei alokal, okoya iyes lotaun Sion.

Yer. 32:41

Alelyani ayoŋ aŋuna ka akitiya ajokis neni kec ka etogogoŋi ayoŋ ikes anakwap a na anakikinyoma, etiyae ayoŋ ŋun a etau kaŋ a daadaŋ ka a akiyar kaŋ a daadaŋ.

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Esek. 36:35

Etemarete ikes ebe, ‘Ekwaanikin akwap na ŋina abu toruwor ekasile ka emanikor ŋolo a Eden, ido eboikinosi tokona ŋituŋa nakiboisyo ŋuna sek apotu toruwor ŋakoŋinae ka ŋuna asilok, aduki nabo ejok nooi ŋitaunio ŋulu aponi tomunaarae.’

Osea 2:21

Ebala Ekapolon, “Akoloŋit ŋin aboŋokini ayoŋ ŋakilipasinei a Ŋisirael, emyekini ayoŋ akiru kilim nakwap.

Osea 2:22

Erupunete alokwap ŋikinyom, epiini ka ŋikito ŋulu ka olipa.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Mal. 3:12

Etemarete nai ŋituŋa a ŋakwapin a ŋuna alalak ebe, ‘ Irae iyes ŋituŋa ŋulu ilakara,’ anerae eruwor akwap kus ŋina ejok akiboiyo.”

Yoa. 3:29

Ŋini eyakar ateran, iŋes erae ekeitan; nai ekone ŋolo ke ekeitan ŋolo eyai nen, elelyani nooi aŋuna epupyo etoil ŋolo ke ekeitan. Erae alakara na ŋina kaŋ ka elelebun lotau kaŋ.

2 Ŋikor. 11:2

Ayakar ayoŋ arakao aŋuna kus ikwapei eyakar Akuj daŋ arakao aŋuna kus; ikote iyes apese ŋina nyiryamakina ka ekile, ŋina adau ayoŋ akiikin ekile epei bon akiit iŋes--Kristo elope.

Ŋikis. 30:9

ido iyatakini Ekapolon ŋarereŋisyo kus nooi alotooma ŋiticisyo daadaŋ ŋulu itiyaete iyes, iterereŋi ŋidwe kus, ŋitak ka ŋikaalei a ŋibaren kus ka ŋikinyom ta ŋaraito kus, anerae ejoikini nabo Ekapolon akiterereŋ iyes lopite ŋolo eterereŋitor atapapaa kus.

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

1 Pet. 2:10

Koloŋ sek, pa irae iyes ŋituŋa ŋulu ka Akuj, nai tokona iruworosi ŋituŋa keŋ; koloŋ sek pa iyenete iyes akisyon ŋina ka Akuj, nai tokona iryamut akisyon keŋ.

Akis. 21:2

Abu oanyuwa Etaun ŋolo apolon ŋolo ka Akuj, Yerusalem ŋolokitete, ebunit alokidiama aneni ka Akuj, itemokino ikwa ateran ŋina esirit aŋuna ka akisiryam lokile keŋ.