Isa. 62:10 - Ebaibul

¹⁰ “Tolomasi alopukei, tosubakisi erot aŋuna a ŋituŋa kus, kitemokisi, kitemokisi erukude, tolemasi ŋamoru a nen, kikyaasi abendera kiŋolikis ŋituŋa a ŋakwapin.

Isa. 62:10 Iomraidhean Croise

Ŋikiru. 24:7

Toŋaasi ŋikekya nooi, toŋaasi ŋikekya ŋulu ŋorok, ikotere elomuni Erwosit ŋolo apolon nooi.

Ŋikiru. 68:4

Toeikisi neni ka Akuj, toeikisi ipurosi ekiro keŋ, kitopoloosi iŋes ŋina edokit ŋidouwon, erae ekiro keŋ Ekapolon, tolelyana alokiŋaren keŋ.

Awos. 17:15

Todukok Moses Namuroet nen tolimok ekiro keŋ ebe, “Erae Ekapolon abendera kaŋ.”

Isa. 11:10

Ebunit akoloŋit ŋina eyakaunor eletonit a Yese, eruwor iŋes akitoodikinet neni a ŋituŋa a ŋakwapin, epote ŋituŋa a ŋakwapin akiŋitanar iŋes ka eruwor akibois keŋ ŋina ecai nooi.

Isa. 11:12

Eyauni Ekapolon akitoodikinet aŋuna a ŋituŋa a ŋakwapin, ecunakini iŋes ŋituŋa a Isirael ŋulu ielara, ecunakini iŋes ŋituŋa a Yudaya ŋulu eelar; ecununi iŋes ikes alowaetin a ŋuluomwon a akwap a daadaŋ.

Isa. 11:16

Aŋun eyakaun erot ŋolo apolon ŋolo ebunit alo Asiriya aŋuna a ŋipiya a ŋituŋa keŋ, lopite ŋolo abunio erot toyakaun aŋuna a Ŋisirael apaki ŋina aponiata ikes anakwap a Ijipit.

Isa. 18:3

Iyes ŋituŋa daadaŋ ŋulu iyakasi nakwap, iyes ŋulu iboiyete anakwap, ani ikyaaryo abendera alokidiama emoru, emaikina iyes kiŋolikis ani ekutakinio amomwara a emesek, emaikina iyes topupokis!

Isa. 19:23

Akoloŋit ŋin eyakaun erot ŋolo apolon ŋolo isyakin alo Ijipit tari Asiriya, elosete ŋituŋa ka Asiriya Ijipit ka elosete ŋituŋa a Ijipit Asiriya, ilipete ŋituŋa a Ijipit kaapei ka ŋituŋa ka Asiriya.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 26:2

Toŋaasi ŋipukei, ikotere elomunete ŋituŋa a akwap a ŋina iyookino ŋituŋa keŋ, ŋituŋa ŋulu iricito ŋuna ka akikinyoma.

Isa. 35:8

Eyakaun nen erot ŋolo apolon, enyarao iŋes, erot ŋolo asegan. Nyelosete ŋikasecak alorot a ŋol, nai eruwor erot ŋolo a ŋituŋa ka Akuj, mam ikaloton a nen eoliyori, nyeoliyori tari ibaŋaanot.

Isa. 35:9

Mam eŋatuny eyakaun nen, kori mam etyaŋ edio ŋolo adedeŋan emekini erot ŋol; nyeryamunio ikes a nen, nai ŋulu elakunitae elosete alorot a ŋol.

Isa. 40:3

Iworoe etoil a ituŋanan a ice analoŋisat ebala: “Kitemonokisi erot ŋolo ke Ekapolon analoŋisat, kisidiiryata analoŋisat erot aŋuna ka Akuj yok.

Isa. 40:4

Itemokino ŋakadipaalae daadaŋ kitiriyanae, itemokino ŋimoru ka ŋikamukumukui daadaŋ tobwaŋabwaŋae; itemokino nenimukur todipal iwace kitiriyanae, itemokino ŋakiboisyo ŋuna esagam kitusulutae.

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 49:11

Esitori ayoŋ ŋirotin kidiŋ ŋimoru kaŋ daadaŋ ka ewuakini ŋirotin kaŋ ŋulu apolok.

Isa. 49:22

Alimu Ekapolon Akuj ŋakiro nu, “Eapi ayoŋ akisican ŋituŋa a ŋakwapin, ekea abendera kaŋ kiŋolikis ŋituŋa a ŋakwapin, tosodi kinyakut ikes ŋidwe kus ŋulusapa edakito a ŋakan ka edakunete ikes ŋidwe kus ŋulupesur aloseketa kec.

Isa. 52:11

Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Isa. 57:14

Iiraryo ŋituŋa ebasi, “Todukokisi, todukokisi, kitemonokisi erot, tolemasi ibore daadaŋ ŋini epedori akiretakin ŋituŋa kaŋ alorot kec.”

Isa. 60:11

Erubakinete ŋipukei kus eŋaara; nyegolokinio ikes naparan ka nakwaare, ikotere ikiinunete iyes ŋituŋa a ŋakwapin ebari kec, iŋarenikinito ŋirwosi kec ikes eropiunito.

Isa. 60:18

Nyiiraryo nabo ŋuna ka aryenyeo anakwap kus, kori ŋinyas ka amunyoro alokukoryo ka akwap kus. Enyarao iyes ŋarwatatain kus ŋuna ikiunete ka enyarao iyes ŋipukei kus ŋulu ka akipuro.

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Yer. 18:15

Nai, emuryakin ayoŋ aneni a ŋituŋa kaŋ, icunyanakinete ikes ekinyate nakujo ŋunacaryo, ŋuna ainakis ikes akiwuapit ŋuna pa amaikina kiwuapa, nyeriŋa iwuapito ŋuna a akoloŋ sek; iwuapito ikes ŋirotin ŋulu nyemaikinae amet, nyiwuapito ŋolo etakani.

Yer. 4:6

Tododasi abendera Sion toema, ikotere iunosi, nyididyoto, anerae ayaunit ayoŋ aronis alo Kuju ka akinyasuno ŋina alalan nooi.

Esek. 26:2

“Lokoku a ituŋanan, aŋuna aponiata ŋituŋa a Tiro temasi neni a Yerusalem ebe, ‘Coe! Kebilibiliyar etaun ŋolo itoreneneete ŋituŋa a ŋakwapin; edoŋ ŋipukei keŋ itaditadasi eŋaara aŋuna kosi; ebaryo nai tokona isua, anerae nyeriŋa Yerusalem ejokuni.’

Mat. 22:9

Toloto tokona lorotin tonyaraut nasuban ŋituŋa daadaŋ ŋulu iryamunete iyes.’

Ŋibur. 12:13

Kisidiiryata ŋirotin, ikotere nyilenyar ŋakejen kus ŋuna sek eŋwalito, nai toruworos ŋuna itaŋaleunio.