Isa. 61:3 - Ebaibul

³ ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Isa. 61:3 Iomraidhean Croise

Esta 8:15

Torotok nai Moridekai alokiŋaren erwosit enapit ŋilowi ŋulu ka apolou ŋulupusiyek ka ŋulu akwaŋak. Tonapite ebokot ŋolo apolon ŋolo a egolid ka elou ŋolo amilimilan ka ŋolopus areŋan. Tolakaros ka tolelyana a ŋun ŋituŋa ŋulu a Susa.

Esta 9:22

Totamunito ŋirwa ŋul erae ŋirwa ŋulu eeŋuniata Ŋiyudayan alomoe kec ka elap ŋol erae elap ŋolo aryamuniata ikes alelyan akilo akiyaloloŋ, akieŋun akilo akigworo. Amaikina ikes kituruwosi ŋirwa ŋul ŋulu ka alelyan ka ŋulu a ŋasuban, ŋirwa ŋulu einanakinere make ŋainakineta ŋuna a ŋamuja ka ŋulu einanakinere ŋainakineta neni a ŋikulyak.

Ŋikiru. 104:15

toryamuniata epiini ŋolo einakini ikes alakara, toryamuniata akimyet ŋina eninanakinosi tomalumalut, toryamuniata akimuj ŋina einakini ikes agogoŋu.

Ŋikiru. 149:4

anerae elakara Ekapolon aŋuna a ŋituŋa keŋ, itopoloori ŋulu itiditeuna make inak akiloun.

Ŋikiru. 23:5

Itemonokini iyoŋ ŋasuban aŋuna kaŋ, alokiŋaren ŋimoe kaŋ; ikijauni iyoŋ ayoŋ ikwapei epeyonon ŋolo itopolooritae ka ileleba ekopo kaŋ ilapanar.

Ŋikiru. 30:11

Idau iyoŋ akituruwor akiyaloloŋ kaŋ alelyanu ŋina kidoŋaet; idau iyoŋ akitalacar ayoŋ ŋilowi kaŋ ŋulukigworyet, ido ikiinak iyoŋ ayoŋ alelyanu,

Ŋikiru. 30:12

aŋun, nyeliliŋi ayoŋ, aeikini ekipur neni kon. Okoe Ekapolon Akuj kaŋ, arubakini ayoŋ alakara neni kon ŋikaru ka ŋikaru.

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Ekal. 9:8

Torubakisi jwi jwi inapito ŋilowi ŋulu ka apolou ka iosasi akimyet.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 26:2

Toŋaasi ŋipukei, ikotere elomunete ŋituŋa a akwap a ŋina iyookino ŋituŋa keŋ, ŋituŋa ŋulu iricito ŋuna ka akikinyoma.

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 52:1

Okoe ŋituŋa a Sion, tonyoutu, tonyoutu kitoodiutu agogoŋu kus! Okoe ŋituŋa a Yerusalem, a etaun a ŋolo asegan, tonapa ŋilowi kus ŋulu ebusak, anerae nyeriŋa ŋituŋa ŋulu nyesegak, ŋulu nyileŋeritae elomunete lotaun kus nabo.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Yer. 31:13

Elelyanete nai ŋasorok alodoŋa elakarosi ŋisorok ka ŋikasikou, elocokini ayoŋ akiyaloloŋ kec toruwor alelyanu, esirworiuni ayoŋ ŋitai kec, oinak ikes alakara akilo akiyaloloŋ.

Esek. 34:29

Ainakini ayoŋ ikes akwap ŋina eyenitae aŋuna a ŋaraito keŋ, mam nabo nyielari eron ikes anakwap kec, kori nyidaŋidaŋete nabo jik ikes araakau ŋulu ejamuwaritae anakwapin.

Esek. 47:7

Ani adoli ayoŋ lokipetot, abu eŋolik ŋikito ŋulu alalak nooi eyakasi ŋolokipetot ka a ŋolol.

Sakar 3:5

Abu nai emalaika a Ekapolon tema, “Kitanapikisi iŋes akopiya ŋina kitete.” Aŋun, apotu ikes kitanapikis iŋes akopiya ŋina kitete ka ŋilowi, towoi emalaika a Ekapolon a nen.

Mat. 15:13

Toboŋok Yesu ikes tema, “Ekitoe daadaŋ ŋolo nyerae papa kaŋ ŋolo anakuj edupakinit, erutoryo.

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Luk. 15:22

Nai tolimok papa keŋ ŋiketiyak keŋ tema, ‘Apesi atipei yautu elou ŋolo ajokan kitanapa. Kiwuakisi ekaboboot lokimoin keŋ ka kitanapa ŋamuk.

Yoa. 15:8

Itopolooritae Papa kaŋ ŋina irayata iyes ŋaraito ŋuna alalak; epite ŋol itopolooritere Papa kaŋ, ido itoodiunete iyes atemar, irae ŋikasyomak kaŋ.

Yoa. 16:20

Akalimokini ayoŋ iyes kire atemar, ipote iyes akigworo ka akiwolol, nai elelyani akwap nooi; ipote iyes akiyaloloŋ, nai ibelekin akiyaloloŋ kus toruwor alelyan.

1 Ŋikor. 3:9

Anerae ikitiyae isua kaapei ka Akuj. Irae iyes emanikor ŋolo ka Akuj. Iraakasi daŋ Akai ka Akuj.

1 Ŋikor. 6:20

Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.

Ŋipil. 1:11

Ilelebun nai akiyar kus arait ŋina ebunit anakiyookino kus alokiŋaren Akuj, ŋina erae Yesu Kristo bon eyauni, aŋuna ka akitopoloor ka akipur Akuj.

2 Ŋites. 1:10

Itiyakinio ŋun Akoloŋit ŋina ebunio iŋes aryamun akitopolooro aneni a ŋituŋa keŋ ka aryamun aumokinet aneni a ŋulu enupito iŋes. Iyakaunosi iyes daŋ kidiŋ kec, anerae inupa iyes ŋakiro ŋuna aponi isua ikilimokin iyes.

Ŋibur. 1:9

Ibu iyoŋ tominak ŋuna iyookino ka ibu toŋer ŋuna aronok. Aŋuna a ŋakiro a ŋun, akaseu ayoŋ ŋina arae Akuj kon iyoŋ alelyan aŋuna akainakinia iyoŋ apolou ŋina iloit ŋina a ŋirukitos kon.”

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Pet. 4:14

Irereŋ iyes erae kikiyanyi aŋuna iraakatar ŋikewuapak a Kristo; eyai Etau ŋolo ka apolou a ŋina ka Akuj neni kus.