Isa. 61:11 - Ebaibul

¹¹ Eyauni Ekapolon akiyookino ka akipuro toyakaun nakwapin lopite ŋolo erupuniata ŋikito alokwap ka lopite ŋolo iturupunia emanikor ŋikinyom ŋulu eekinitae tooma keŋ.

Isa. 61:11 Iomraidhean Croise

Akisy. 1:11

Tema Akuj, “Kitolomu akwap ŋikito ka ŋinya, ŋinya ŋulu erayete ŋicok a ŋikabilae kec ka ŋikito ŋulu erayete ŋaraito ŋuna eya ŋicok a ŋikabilae kec.” Apotu ŋun Kitiyakin.

Ŋikiru. 72:16

Elipi tolalata nooi ŋikinyom anakwap keŋ, elipi kigoonoto ŋaraito alokamukumukui elipi kikokis ŋaraito ka akwap keŋ ŋuna ka akwap a Lebanon; elipi tolalata ŋituŋa alotaunio ka akwap keŋ, lopite ŋolo elalaata ŋinya anariet

Ŋikiru. 72:3

Elipi toraa ŋikinyom anakwap aŋuna a ŋituŋa, elipi kitiyakin ŋun nakwap aŋuna ka akiyookino a ŋituŋa.

Ŋikiru. 85:11

Eyakaun akikinyomit Akuj nakwap, ido eyauni Akuj anakuj akiyookino neni a ŋituŋa.

Eete a Ŋie. 4:16

Ekuwuam ŋolo alo Kuju tonyou, ekuwuam ŋolo alo Kwap bua! Tokut lomanikor kaŋ, ikotere eure ŋolo ke emanikor kaŋ ielakin akwap. Emaikina ŋolominat kaŋ bu lomanikor keŋ, kimuj ŋaraito a emanikor ŋuna ajokak nooi.

Isa. 4:2

Akoloŋit ŋin, idodouni ateni ŋina ke Ekapolon kibusyar ka tojokyar nooi, ido ejokyata nooi ŋaraito ŋuna ka akwap, kibusyata nooi aŋuna a ŋipiya a Isirael.

Isa. 45:23

Ayoŋ Akuj adau akikoŋ, adau ayoŋ alimun ŋakiro anakiyookino, ŋakiro ŋuna nyepedoryo akinyakar ŋakiro ŋun ikes nu, “Eryediki ŋinituŋanan alokiŋaren kaŋ, elimori ŋinituŋanan atemar arae ayoŋ Akuj.”

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Isa. 45:8

“Okoe nakuj, tobuku akiyookino, emaikina kidiama tobuku akiyookino kwap, emaikina akwap toŋaar aŋuna ka akiyookino, ikotere aiuno eyakaun emam ŋace, emaikina aiuno yau tari akiyookino; ayoŋ Ekapolon etiyau ŋun toyakaun.

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 48:18

Okoe, kerae ca kiwuapito iyes ŋakiciketa kaŋ, keropiunito ŋarereŋisyo neni kus ikwa ŋakipi ŋuna eleleete anaŋolol a ŋina nyeonene, kikiropikinito iyes akilounun ŋimoe kus lopite ŋolo eropiyoto ŋikaguragurae a ŋakipi ananam.

Isa. 58:11

Ikiyoki Ekapolon iyes a ŋinapaki, ikiinakini iŋes iyes ibore daadaŋ ŋini iitanito iyes tari anakiboisyo a ŋuna erae ŋalaroi, itogogoŋi iŋes ŋakoyo kus. Ikwaanikinosi nai iyes ka emanikor ŋolo eya ŋakipi ŋuna itemokino, ikwaanikinosi iyes ka eitanit a ŋakipi ŋolo nyijuwanari jik.

Isa. 60:18

Nyiiraryo nabo ŋuna ka aryenyeo anakwap kus, kori ŋinyas ka amunyoro alokukoryo ka akwap kus. Enyarao iyes ŋarwatatain kus ŋuna ikiunete ka enyarao iyes ŋipukei kus ŋulu ka akipuro.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 62:1

Nyeliliŋi ayoŋ aŋuna a Sion ka nyeeŋuni ayoŋ aŋuna a Yerusalem erworo ayoŋ akitodol ŋina ileereunio akiyookino kec lopite ŋolo ileereunio akica iwalari akwap, akitodol ŋina ileereunio aiuno kec lopite ŋolo ecaunia atoc.

Isa. 62:2

Iŋolikinete ŋituŋa a ŋakwapin akiyookino kus ka iŋolikinete ŋirwosi daadaŋ apolou kus, ido ikinyarao iyes a ekiro a ŋolokitete a ŋolo elimuni Ekapolon.

Isa. 62:7

ka nyisieŋut iŋes daŋ akitodol ŋina esubakinia iŋes Yerusalem kituruwo etaun ŋolo arwon anakwap a daadaŋ.

Mat. 13:23

Isikwaanitae ŋikinyom ŋulu adoete nalup ŋuna ajokak ka ŋituŋa ŋulu iirarete akirot toyenut. Ŋul ikes kire erayete ŋikinyom, ŋice amiat, ŋice ŋatomonikanikapei, ka ŋice ŋatomoniuni.”

Mat. 13:3

Kitatam ikes ŋakiro ŋuna alalak a ŋakitadapeta ebala, “Abu eketan tolot aere ŋikinyom.

Mat. 13:8

Todoto ŋice nalup ŋuna ajokak toraa ŋaraito, ŋice amiat, ŋice ŋatomonikanikapei ka ŋice ŋatomoniuni.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.