Isa. 60:4 - Ebaibul

⁴ Kireosi kidiama ka toŋoleŋolekisi nawaetin; acunakin ikes daadaŋ, eponito neni kus, epote ŋidwe kus ŋulusapa aneni alwanan, edakunio ŋidwe kus ŋulupesur a ŋakan a ŋakedarak kec.

Isa. 60:4 Iomraidhean Croise

Isa. 11:12

Eyauni Ekapolon akitoodikinet aŋuna a ŋituŋa a ŋakwapin, ecunakini iŋes ŋituŋa a Isirael ŋulu ielara, ecunakini iŋes ŋituŋa a Yudaya ŋulu eelar; ecununi iŋes ikes alowaetin a ŋuluomwon a akwap a daadaŋ.

Isa. 14:2

Eyaete ŋituŋa a ŋakwapin ikes nakwapin kec, ido kinyakut nabo ikes nakibois kec, epolokinete nabo ŋituŋa a Isirael ŋituŋa a ŋakwapin, ikwaanikin ŋituŋa ŋulugelaanotin ka ŋapi ta ŋipi anakwap a Ekapolon, eyaete ikes erae ŋirikon ŋulu apotu kikamasi ikes ka ipukaete ŋulu apotu kisicana ikes.

Isa. 42:6

Arae ayoŋ Ekapolon, akanyarau ayoŋ iyes anakiyookino, ikiriit ayoŋ ka iyes, ekeurya iyes; iyoŋ iruwuor acamunet kaŋ ka ŋituŋa, iyoŋ iruwor akica a ŋituŋa a ŋakwapin,

Isa. 43:6

Alimokini ayoŋ ŋituŋa ŋulu alo Kide ebe, “Tojala ikes,” alimokini ayoŋ ŋituŋa ŋulu alo Kwap ebe, “Nyiwouniata ikes; yautu ŋidwe kaŋ ŋulusapa aneni alwanan ka ŋidwe kaŋ ŋulupesur anakisaleta a akwap.

Isa. 49:12

Kiirasi, epote ŋirotin ŋul aneni alwanan, kiirasi epote ŋirotin ŋul alo Kuju ka alo To, epote ŋirotin ŋul anakwap a Sinim.”

Isa. 49:17

Iloito ŋikadukok kus ŋituŋa ŋulu ikimunaanarete iyes ka eakarete aneni kus ŋulu apotu ikituruwosi iyes ŋicaryo.

Isa. 49:18

Kireosi toŋoleŋolekisi ŋiwaetin daadaŋ, acununosi ikes daadaŋ, eponito neni kus. Alimu Ekapolon atemar, ikwapei ayarya ayoŋ, iturokinosi iyes aŋuna a ŋituŋa kus, iturokinosi iyes aŋuna kec lopite ŋolo ituror ateran a ŋiboro keŋ.

Isa. 66:20

Eyaunete ikes ŋiyeneta kus daadaŋ anakwapin a daadaŋ erae ainakinet neni ke Ekapolon iwuokito a ŋaŋolei ka a ŋagaari a ŋuna iritae a ŋaŋolei, a ŋitak a ŋaŋolei, a ŋaŋolei-sigirya ka a ŋikaala, eyaunete ikes ŋituŋa ŋul lomukura kaŋ ŋolo asegan Yerusalem, lopite ŋolopei eyaununiata Ŋisirael ŋainakineta a ŋikinyom, a ŋiboro a ŋulu asegak Kai a Ekapolon.

Yer. 30:10

“Nai ani eruwor iyes, nyikuryaketa iyes ŋiletok a Yakob, iyes ŋiletok a Isirael, nyikikadak, anerae alosi ayoŋ aiun iyes anakwapin a ŋuna alwanak, aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Amos 9:14

Enyakuni ayoŋ ŋituŋa kaŋ Ŋisirael nakwap kec, edukokinete ikes nabo ŋitaunio kec ŋulu aponi kinyasunae, ido kiboikinos tooma ŋitaunio ŋul, itaete ikes ŋimanikorin kec ŋulu ke epiini, ido tomata epiini kec. itaete ikes ŋimanikorin kec, ido tonyama ŋaraito kec.

Mika 7:12

Akoloŋit ŋin, eboŋunete ŋituŋa kus neni kus. Eboŋunete alo Asiriya ka alotaunio a Ijipit, eboŋunete alo Ijipit ka Eupurate, eboŋunete ananamyo a ŋuna alwanak ka alomoru a ŋulu alwanak.

Agai 2:7

Eiŋiiŋakini ayoŋ ŋakwapin daadaŋ, ikotere ebari a ŋakwapin a daadaŋ ebuni, ido elelebik ayoŋ akibuses Kai na.

Mat. 8:11

Akalimokini ayoŋ iyes atemar, epote ŋituŋa ŋulu alalak alo Kide ka ŋice alo To, kiboikinos kimuja ka Aburaam, Isaka ka Yakobo kaapei a Napukan a ŋina anakuj.

Yoa. 4:35

Meere eminae atemar idoŋit ŋilapyo ŋiomwon tolemikinae a? Nai akalimokini ayoŋ iyes atemar, kireosi lomanikorin; akoko ikes etemokin akilem!

Ŋitic. 13:44

Akoloŋit ŋina a Sabato ŋina atupakini, adikino ŋituŋa daadaŋ isunyunosi alotaun akiirar ŋakiro ŋuna ka Akuj.