Isa. 60:21 - Ebaibul

²¹ Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 60:21 Iomraidhean Croise

2 Sam. 7:10

Aseuni ayoŋ akibois a ŋituŋa kaŋ a Ŋisirael, ido esiboik ikes nen, ikotere ikes eryamunete akibois ŋina erae ŋina kec, ŋina nyicanere ikes nabo. Nyemaikina ŋulu itiyaete ŋuna aronok kisicana ikes nabo, lopite ŋolo aponiata kisicaneta ikes ekiŋaren,

Ŋikiru. 37:11

Nai eruwor akwap ŋina a ŋulu iapara ka eryamunete ikes ebari ka eyakaunosi lokisil.

Ŋikiru. 37:18

Iyoki Ekapolon ŋulu emam ŋuna itoronitere, ido erubakini akwap erae ŋina kec ŋikaru ka ŋikaru.

Ŋikiru. 37:22

anerae ikes ŋulu iterereŋit Ekapolon, eruwor akwap ŋina kec. nai ikes ŋulu icenen aneni ke Ekapolon, emunyaryo aneni a ŋuluce.

Ŋikiru. 37:29

Eruwor akwap ŋina a ŋulu iyookino, ido iboiyete ikes anakwap a ŋin ŋikaru ka ŋikaru.

Ŋikiru. 92:13

Ikwaanikin ikes ibusak eya Kai ke Ekapolon ka ŋikito ŋulu edupitae diyete Akai a Ekapolon, ŋulu ibusak analapatui aŋuna alo Kai ka Akuj yok.

Isa. 19:25

eruwor ikes ŋakwapin ŋuna eterereŋ Ekapolon ŋolo a ŋajoresyo ebala, “Erereŋ ŋituŋa kaŋ ŋulu a Ijipit ka ŋituŋa ka Asiriya ŋulu asubuni ayoŋ ta Ŋisirael ŋiseuna kaŋ.”

Isa. 24:16

Epupyo ŋieosyo ŋulu ipurere Ekapolon anakisaleta a akwap, ŋieosyo ŋulu ipurore Ekapolon ŋolo iyookino. Nai abala ayoŋ, eridak ayoŋ, eridak ayoŋ. Okoe erae nu ŋuna kaŋ! Anerae itiyaete ŋulu nyikinyomitae pa ikinyoma anamamukau akikinyoma, ikiluwonokinete.

Isa. 26:2

Toŋaasi ŋipukei, ikotere elomunete ŋituŋa a akwap a ŋina iyookino ŋituŋa keŋ, ŋituŋa ŋulu iricito ŋuna ka akikinyoma.

Isa. 29:23

anerae ani iŋolikinete ikes alokidiŋ kec ŋidwe kec ŋulu asubuni ayoŋ, ecamunete ikes asegis a Akuj a ŋina asegan a ŋina a Yakob, itopoloorete ikes Akuj a Isirael.

Isa. 43:21

ŋituŋa ŋulu abu ayoŋ osub aŋuna kaŋ a elope, topedoryata ikes akipuro ayoŋ.

Isa. 43:7

Yautu daadaŋ ŋulu enyaritae a ekiro kaŋ, ŋulu abu ayoŋ osub aŋuna ka akitopoloor ayoŋ, ŋituŋa ŋulu abu ayoŋ oyeu ka osub.”

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 45:11

Alimu Ekapolon Akuj ŋina asegan ŋina a Isirael, akasuban kec ebe, “Ikiŋisete kire iyes ayoŋ ŋakiro aŋuna a ŋituŋa kaŋ, kori ikireikinete iyes ayoŋ akitiya ŋadi aŋuna a ibore a ŋini abu ayoŋ etiyau a?

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Isa. 45:8

“Okoe nakuj, tobuku akiyookino, emaikina kidiama tobuku akiyookino kwap, emaikina akwap toŋaar aŋuna ka akiyookino, ikotere aiuno eyakaun emam ŋace, emaikina aiuno yau tari akiyookino; ayoŋ Ekapolon etiyau ŋun toyakaun.

Isa. 49:3

Abu iŋes tema neni kaŋ,“Irae iyoŋ Isirael eketiyan kaŋ, ŋolo aryamunia ayoŋ akitopolooro.”

Isa. 51:2

Totamutu Aburaam papa kus ka Sara ŋina ikidouni iyes. Apaki ŋina anyaraa ayoŋ Aburaam, arae iŋes epei bon, nai abu ayoŋ eterereŋ iŋes eturuwo iŋes ŋituŋa ŋulu alalak.

Isa. 52:1

Okoe ŋituŋa a Sion, tonyoutu, tonyoutu kitoodiutu agogoŋu kus! Okoe ŋituŋa a Yerusalem, a etaun a ŋolo asegan, tonapa ŋilowi kus ŋulu ebusak, anerae nyeriŋa ŋituŋa ŋulu nyesegak, ŋulu nyileŋeritae elomunete lotaun kus nabo.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Isa. 57:13

Ani ikalounete iyes icamito akiŋarakino, emaikina ŋakujo ŋuna irirato iyes ikilakut iyes. Iwokori ekuwuam ikes neni alwanan, ekutari ekieŋanu ikes nariet. Nai ŋini ekekinyomi ayoŋ, ebuni neni kaŋ aiuno, eryamuni akibois anakwap, eruwor emoru kaŋ ŋolo asegan akibois keŋ.

Isa. 61:11

Eyauni Ekapolon akiyookino ka akipuro toyakaun nakwapin lopite ŋolo erupuniata ŋikito alokwap ka lopite ŋolo iturupunia emanikor ŋikinyom ŋulu eekinitae tooma keŋ.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Isa. 61:7

Akilo ŋileec ŋulu apotu ŋituŋa kaŋ toryamut, eryamunete ŋituŋa kaŋ ebari ŋolo alalan akilo; akiyaloloŋ ŋina apotu ŋituŋa kaŋ toryamut, eryamunete alelyanu anibore a ŋini eryamunete, eryamunete ibore ŋini alalan anakwap ka eruwor alelyanu ŋina a ŋikaru ka ŋikaru ŋina kec.

Isa. 62:4

Nyeriŋa nabo etemaryo iyes irae ŋulu ikiesikinitae ka nyeriŋa nabo akwap kus erae ŋina asilon. Nai ikinyarao iyes ŋituŋa ŋulu elakara Akuj aŋuna kec ka ikwaanikin akwap kus ka aberu ŋina iisitae, anerae elakara Ekapolon aŋuna kus ka ikwaanikin akwap kus ka aberu ŋina iisitae.

Isa. 64:8

Kikote neni daŋ okoe Ekapolon, irae iyoŋ papa kosi. Ikirae isua ecoto ka iyoŋ ekayeunan isua; ikirae isua daadaŋ ŋisubuna kon.

Isa. 65:9

Ayauni ayoŋ ŋiletok aneni a Yakob ka ayauni aneni a Yuda ŋulu einakinio emoru kaŋ toruwor ŋolo kec, eruwor nen neni a ŋituŋa kaŋ a ŋuluseuna ka iboikinosi ŋiketiyak kaŋ nen.

Yer. 24:6

Abuni ayoŋ akiyoki ikes jik ka enyakuni ayoŋ ikes nakwap na. Etojokuni nabo ayoŋ ikes ka nyamunyari ikes nabo, adupakini ayoŋ ikes nyealari ikes.

Yer. 32:41

Alelyani ayoŋ aŋuna ka akitiya ajokis neni kec ka etogogoŋi ayoŋ ikes anakwap a na anakikinyoma, etiyae ayoŋ ŋun a etau kaŋ a daadaŋ ka a akiyar kaŋ a daadaŋ.

Esek. 11:17

Aŋun, tolimok ikes atemar ŋakiro ŋuna irworo Ekapolon Akuj ikes nu, ‘Akacununi ayoŋ iyes alotuŋa a ŋakwapin, ekenyaku anakwapin kec aneni aponi ikielar iyes, akainakini nabo ayoŋ iyes akwap a Isirael.’

Esek. 34:29

Ainakini ayoŋ ikes akwap ŋina eyenitae aŋuna a ŋaraito keŋ, mam nabo nyielari eron ikes anakwap kec, kori nyidaŋidaŋete nabo jik ikes araakau ŋulu ejamuwaritae anakwapin.

Esek. 37:25

Iboiyete ikes anakwap a ŋina abu ayoŋ oinak Yakob eketiyan kaŋ, anakwap a ŋina apotu atapapaa kec kiboiyoto. Iboiyete ikes a nen ka ŋidwe kec ta ŋipapae kec ŋikaru ka ŋikaru. Daudi eketiyan kaŋ iŋes eruwor ekepukan kec ŋikaru ka ŋikaru.

Esek. 47:7

Ani adoli ayoŋ lokipetot, abu eŋolik ŋikito ŋulu alalak nooi eyakasi ŋolokipetot ka a ŋolol.

Amos 9:15

Iyes Ŋisirael, ekewuakini ayoŋ iyes nakwap kus, mam ituŋanan ikilemari iyes nabo anakwap a ŋina akewuak ayoŋ iyes.’ Ekapolon Akuj iŋes alimu ŋun.”

Obad. 1:17

“Nai eyakaun ŋulu esiyete anatyokisyo a ŋun lomukura ŋolo a Sion, ido eruwor nen neni eseg; eryamunete ŋituŋa a ekal a Yakob ŋiboro a ŋulu apotu sek ŋimoe kec todemasi ikes.

Sepan. 3:13

Mam aronis itiyaete iyes ŋipiya a Ŋisirael, nyirworete ikes alyokonu, kori nyelimunete ikes ŋakiro ŋuna nyiyookino, imujete ikes ido topero. Mam ituŋanan itubuli ikes.”

Mat. 15:13

Toboŋok Yesu ikes tema, “Ekitoe daadaŋ ŋolo nyerae papa kaŋ ŋolo anakuj edupakinit, erutoryo.

Mat. 5:5

Erereŋ ŋulu iyapara; eruwor akwap ŋina kec.

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Ŋiep. 1:12

Aŋun nai itemokino isua ŋulu ikisyauni akigeno neni a Kristo, eboiyoto ikirae ŋulu ikipuro apolou ŋina ka Akuj.

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋiep. 2:7

Abu Akuj kitiya ŋun akitoodiunia anapakio a daadaŋ a ŋuna eponito, ajokis keŋ ŋina apolon nooi ŋina iloit daadaŋ, ŋina ileere anamina a ŋina abu iŋes kitoodiu neni yok aneni a Yesu Kristo.

2 Ŋites. 1:10

Itiyakinio ŋun Akoloŋit ŋina ebunio iŋes aryamun akitopolooro aneni a ŋituŋa keŋ ka aryamun aumokinet aneni a ŋulu enupito iŋes. Iyakaunosi iyes daŋ kidiŋ kec, anerae inupa iyes ŋakiro ŋuna aponi isua ikilimokin iyes.

2 Pet. 3:13

Nai idaritae iwon ibore ŋini ikiik Akuj iwon, nakuj ŋina kitete ka akwap ŋina kitete, ere ŋolo ka akiyookino.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.

Akis. 21:7

Ŋini ilouni, eryamuni ŋun aneni kaŋ, aruwor ayoŋ Akuj keŋ ka eruwor iŋes lokoku kaŋ.

Akis. 5:10

Ituruwo iyoŋ ikes apukan a ŋisacaradotin ŋulu ka Akuj yok, ipukaete ikes akwap.”