Isa. 60:11 - Ebaibul

¹¹ Erubakinete ŋipukei kus eŋaara; nyegolokinio ikes naparan ka nakwaare, ikotere ikiinunete iyes ŋituŋa a ŋakwapin ebari kec, iŋarenikinito ŋirwosi kec ikes eropiunito.

Isa. 60:11 Iomraidhean Croise

Neem. 13:19

Ani ikaikaakini akwap iryoniar diyete ŋipukei a Yerusalem akoloŋit ŋina iŋareni eriŋa Sabato, abu ayoŋ olimu atemar togolokinoe ŋipukei daadaŋ, olimu daŋ atemar nyeŋaar ŋipukei ŋul akitodol akoloŋit ŋina elunyaror akoloŋit ŋina a Sabato. Abu daŋ ayoŋ ewuak ŋiketiyak kaŋ ŋice akitere ŋipukei, ikotere nyeyaun idiobore tooma lotaun akoloŋit ŋina a Sabato.

Ŋikiru. 149:8

toeneta ŋirwosi a ŋakwapin a ŋiriko, toeneta ŋikepukak a ŋakwapin a ŋasuwa

Isa. 24:21

Akoloŋit ŋin isicani Ekapolon ŋapedorosyo ŋuna alokidiama ka isicani Ekapolon alokwap ŋirwosi ŋulu ka akwap.

Isa. 26:2

Toŋaasi ŋipukei, ikotere elomunete ŋituŋa a akwap a ŋina iyookino ŋituŋa keŋ, ŋituŋa ŋulu iricito ŋuna ka akikinyoma.

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 56:7

ayaari ayoŋ ikes lomoru kaŋ ŋolo asegan, oinak ikes alakara alokai kaŋ a ŋinakilipet. Ecamunio ŋainakineta kec ŋuna epeyo ka ŋamuronisya kec anamuroet kaŋ, anerae enyarao Akai kaŋ Akai ŋina ilipyata ŋituŋa daadaŋ.”

Isa. 60:18

Nyiiraryo nabo ŋuna ka aryenyeo anakwap kus, kori ŋinyas ka amunyoro alokukoryo ka akwap kus. Enyarao iyes ŋarwatatain kus ŋuna ikiunete ka enyarao iyes ŋipukei kus ŋulu ka akipuro.

Isa. 60:5

Iŋolikinete nai iyes ŋun, ido kileereut aneni kus ŋakiro; elakar ŋitai kus ka ilelyanete iyes, anerae iudunio ebari a anam daadaŋ neni kus, eyaunio ebari a ŋakwapin neni kus.

Isa. 61:6

Nai ikinyarao iyes ŋisacaradotin a Ekapolon ikinyarao iyes ŋiketiyanakinak Akuj yok. Ileileete iyes ebari a ŋakwapin, iturokinosi iyes aŋuna a ebari kec.

Isa. 62:10

“Tolomasi alopukei, tosubakisi erot aŋuna a ŋituŋa kus, kitemokisi, kitemokisi erukude, tolemasi ŋamoru a nen, kikyaasi abendera kiŋolikis ŋituŋa a ŋakwapin.