Isa. 6:2 - Ebaibul

² Ayakasi kidiama Ekapolon ŋisubuna ŋulu a ŋabebenuk ŋulu eteete iŋes, ayakatar ŋisubuna ŋul ŋabebenuk ŋakanikapei; ŋaarei ŋuna emukorito ereet ka ŋaarei ŋuna emukorito ŋakejen ta ŋaarei ŋuna aporyoto.

Isa. 6:2 Iomraidhean Croise

Akisy. 17:3

Toryedik Aburam, kijuuru todol ereet kwap, tosodi Akuj tema,

1 Ŋirw. 19:13

Ani iirari Eliya etoil ŋol, kimuko ereet keŋ a elou keŋ, toloma kiŋa alopuke ka aturukan. Kirworik nai neni keŋ etoil ŋolo abala, “Nyo itiyae iyoŋ a ne Eliya?”

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

1 Ŋirw. 6:24

Arae aoyau a abebenukat ka apei a ŋolotorube ŋimitae ŋiarei, ŋinace daŋ arae aoyau ŋimitae ŋiarei. Arae aoyau anabebenukat ka apei tari nasalunet a abebenukat a ŋinace ŋimitae ŋiomwon ka atutubet.

1 Ŋirw. 6:27

Abu Solomon kiwuak ŋitorubei ŋul tooma jik Akai; apetara ŋabebenuk a ŋitorubei a ŋul, adolit abebenukat ŋina ewasyan a apei narwatata apei ka ŋina ewasyan a ŋoloce daŋ adolit narwatata ŋinace; atapakina ŋabebenuk kec ŋuna alokidiŋ kec.

1 Ŋirw. 8:7

Apetarito Ŋikerubim ŋabebenuk kec alokidiama akibois ŋina ewuakinitae Asaduku, aŋun, arapuwarito Ŋikerubim kidiama Asaduku ka ŋipirin ŋulu awuar Asaduku.

Neem. 9:6

Tolimu nai Esira tema, “Iyoŋ bon irae Ekapolon, iyoŋ isubuni kidiama, iyoŋ isubuni nakuj ka ŋasuban daadaŋ ŋulu eya kidiama, iyoŋ isubuni akwap ka ŋiboro daadaŋ ŋulu eyakasi nakwap, ŋanamyo ka ŋisubuna daadaŋ ŋulu eya tooma kec. Iyoŋ iinakini akiyar neni kec a daadaŋ, ido ilipete neni kon ŋisubuna ŋulu eya kidiama.

Yob 1:6

Akoloŋit apei, tocununos ŋisubuna ŋulu anakuj kiŋaren Ekapolon, abu Satan daŋ bu neni acunakina ikes.

Yob 15:15

Nyikinyomit Akuj tari ŋimalaikan keŋ, nyesegak alokiŋaren Akuj tari ŋisubuna ŋulu eya kidiama,

Yob 4:18

Nyikinyomit Akuj tari ŋiketiyak keŋ, elimonokini tari ŋimalaikan keŋ, akitiya ŋuna nyiyookino.

Ŋikiru. 103:20

Kipuro Ekapolon, iyes ŋimalaikan keŋ, iyes ŋikajiok ŋulu etirok, ŋulu iwuapito ŋakiciketa keŋ, iyes ŋulu iwuapito ŋakiro keŋ.

Ŋikiru. 104:4

Isitiyae iyoŋ ekuwuam alimorya ŋakiro kon; isitiyae iyoŋ akimilyaa akitoodiunia anyunyura kon.

Ŋikiru. 18:10

Abu iŋes todokak esubuna ŋolo a ŋabebenuk kiwuwaun kwap; abu iŋes kiwonyu atipei alokuwuam.

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Awos. 25:20

Emaikina Ŋisubuna ŋul epetarito ŋabebenuk kec kidiama, erounito ŋabebenuk kec akibois ŋina a akisyonio. Emaikina ikes iteosi, iŋoliyarito nakibois ŋina a akisyonio.

Awos. 3:6

Tema nabo Akuj, “Arae ayoŋ Akuj a papaa kon, Akuj ka Aburaam, Akuj a Isaka ka Akuj a Yakob.” Kiwua Moses ereet keŋ, anerae abu iŋes tokuryaniar akitere Akuj.

Awos. 37:9

Apetarito Ŋisubuna ŋabebenuk kec kidiama, arounito ŋabebenuk kec akibois ŋina a akisyonio eteosi Ŋisubuna ŋul eŋoliyarito nakibois ŋina a akisyonio.

Isa. 6:6

Abu nai epei a ŋisubuna a ŋulu erimokinito Ekapolon kidiŋ toporu neni ayai ayoŋ etiŋit atotole ŋina anepi ŋina keriŋa elemunio anamuroet a aridet a ŋatotol.

Esek. 1:11

ekote nen ŋireetin kec. Apetarito ŋitorubei ŋul ŋabebenuk kec kidiama; ayakar ŋolotorube ŋabebenuk ŋaarei, atapakina akisalet a abebenukat a epei nakisalet a abebenukat a ŋoloce, kimukito ŋabebenuk ŋace ŋaarei ŋawat kec.

Esek. 1:24

Ani erotokinete ŋisubuna ŋul, abu ayoŋ eira eruye a ŋabebenuk kec ŋolo arwo ikwa ŋakipi ŋuna ipumasi, kori ikwa etoil ŋolo ka Akuj a ŋina Etiron, kori ikwa ŋitoilon a ŋasigarya a ŋuna alalak nooi a ŋuna esurur. Ani ewoete ikes, totiyaut ŋabebenuk kwap.

Esek. 1:4

Abu ayoŋ eŋoliya Kuju, eŋolik ekuwuam ŋolo apolon ebunit, toyai edou ŋolo apolon nooi ŋolo emilyaa jik pa ajoŋoenene, kidiŋ neni anoki ikwa akim ayai ibore ŋini amilimilan ikwa eburonis.

Esek. 1:6

ayakar ŋolotorube ŋireetin ŋiomwon ka ayakar ŋolotorube ŋabebenuk ŋaomwon.

Esek. 1:9

ido atapanakina ŋabebenuk kec. Abu ŋolotorube torubak jik elosi kiŋaren, ibakarito erae ibore ipei, mam ŋolo abu toboŋo.

Esek. 10:16

apaki ŋina arotokinioto, apotu ŋiboorei ŋulu ekwaan ka ŋakejen a agaari daŋ ŋul toloto ka ikes ibakarito kaapei. Ani epororete ŋisubuna ŋulu a ŋabebenuk alokwap, apotu ŋiboorei ŋulu ekwaan ka ŋakejen a agaari daŋ ŋul torukosi kaapei ka ikes.

Esek. 10:21

Ayakar ŋolosubuna ŋireetin ŋiomwon ka ŋabebenuk ŋaomwon, ido kwap ŋabebenuk kec, ayakasi ŋiboorei ŋulu ekwaan ka ŋakan a ituŋanan.

Dan. 7:10

Abunit ayonae ŋina alelyaa akim alokicoloŋ keŋ aleleunit akim ŋin aneni ayai ŋolo iboit ŋikaru ka ŋikaru. Etiyanakinete iŋes ŋiketiyak ŋulu arae ŋalipyo ka ŋalipyo, awuasi ŋiketiyak keŋ ŋamilionio amiat alokiŋaren keŋ. Togeunae nai eikiiko ŋolo etubere ŋakiro, toŋaarae ŋikitaaboi.

Dan. 9:21

ka ani eriŋa ayoŋ erworo elipi, bu Gabriel ŋolo sek eŋolikinit ayoŋ anakisileerekinet neni kaŋ ekeri nooi topori, abu iŋes bu neni kaŋ, apaki ŋina einanakinere amuronot ŋina ke eboŋ.

Sakar 3:4

Tolimok emalaika ŋituŋa ŋulu awuasi alokiŋaren Yosua tema, “Tolacasi ŋilowi keŋ ŋul.” Tema nai neni a Yosua, “Kiŋolik, alema ayoŋ asecit kon, ido eketanapikini ayoŋ iyoŋ ŋilowi ŋulu a ŋasuban.”

Luk. 1:10

Elipi asepic a ŋituŋa alokiŋa nen apaki ŋina ecunyakinere eminae ŋolo ke ekinyate.

Ŋibur. 1:7

Nabo kirwor Akuj ŋuna ikamunito ŋimalaikan tema, “Isikokini Akuj ŋimalaikan keŋ ŋikuwuamin; isikokini ŋiketiyak keŋ arira ŋina ka akim.”

Akis. 14:6

Abu nai oanyuwa emalaika ece epori alokidiama aneni alwanan, eyakar Ŋakiro ŋuna Ajokak, ŋuna nyesalunete ŋuna limokina neni a ŋituŋa a ŋulu eya nakwap, neni a ŋibukui a daadaŋ, a ŋikabilae, a ŋaŋajepa ka a ŋakwapin.

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”

Akis. 7:11

Towua nai ŋimalaikan daadaŋ irimokinito ekicoloŋ, ŋikatukok ka ŋisubuna ŋulu eyarete ŋuluomwon, toramakinos kiŋaren ekicoloŋ, kijuuroto kilipa neni ka Akuj

Akis. 8:13

Ani eŋoliyari ayoŋ, abu eira egole ŋolo apori alokidiama ecela a etoil a ŋolo apolon ebala, “Oitakoi! Oitakoi! Erokyarosi ŋakiro ŋuna eryamunete ŋituŋa ŋulu alokwap apaki ŋina eruunioto ŋarupepe ŋuna eapi ŋimalaikan ŋuluuni akutakin!”