Isa. 59:20 - Ebaibul

²⁰ Ebuni iŋes Sion ikwapei Ekalakunan, ebuni iŋes neni a ŋiletok a Yakob a ŋulu imyekinete abilibil ŋikisila.

Isa. 59:20 Iomraidhean Croise

Yob 19:25

“Anerae ayeni ayoŋ atemar eyari ekalakunan kaŋ ka ayeni ayoŋ atemar apaki ŋina esidyon ebuni iŋes nakwap akitub ŋakiro kaŋ akaikinit ayoŋ.

Isa. 10:21

Eboŋunete ŋipiya, eboŋunete ŋipiya a ŋiletok a Yakob neni ka Akuj a ŋina etiron.

Isa. 10:22

Tari ŋina sek alalaata ŋituŋa a Isirael atyaakatar elalak asinyon alokipetot a anam, ŋituŋa ŋulu erae ŋipiya bon eboŋunete. Alimun ŋuna ka amunyaro, ido acamut ŋituŋa akisicanio anakiyookino;

Isa. 40:9

Okoe ŋituŋa a Sion, toloto lomoru ŋulu aoyak, kiserata a nen ŋakiro ŋuna ajokak, tocelutu a ŋitoilon a ŋulu apolok, okoe ŋituŋa a Yerusalem, kiserata ŋakiro ŋuna ajokak, tolimosi ŋakiro ŋun, nyikuryaketa. Tolimokisi ŋituŋa ŋulu iboiyete alotaunio a Yudaya ebe, “Eyai Akuj kus ne.”

Isa. 60:16

Ikitanete iyes ŋituŋa a ŋakwapin lopite ŋolo itanakia toto ikoku. Ikitanete iyes ŋirwosi, ido iyenunete iyes atemar ayoŋ Ekapolon arae ekaiunan ka ekalakunan kus, Akuj ŋina etiron ŋina a Yakob.

Isa. 62:11

Eserak Ekapolon ŋituŋa a akwap daadaŋ ebe, ‘Tolimokisi ŋituŋa a Sion atemar ebunit Ekapolon aiun iyes, eyaunit iŋes ŋituŋa ŋulu adau iŋes aiun.’

Dan. 9:13

Lopite ŋolo igiritere lokisila a Moses, apotu ŋican lu daadaŋ neni kosi, nai nyemitakina isua akiwar ajokis ŋina ke Ekapolon Akuj kosi anakiŋer ŋasecisya kosi ka akiwuap ŋakiro keŋ ŋuna a kire.

Yoel 2:32

Nai ituŋanan daadaŋ ŋini enyarit ekiro ŋolo ke Ekapolon, eiunio; anerae eyakaun lomukura Sion ka Yerusalem ŋulu esiyete anakiro a ŋun, ikwapei alimunio Ekapolon, ido ŋice alokidiŋ ŋulu ideun, eruworosi ŋulu erae Ekapolon enyarae.”

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋitic. 3:26

Aŋun, abu Akuj toseu eketiyan keŋ, kiyaku mono neni kus akiterereŋ iyes; kibelekinos iyes daadaŋ alopitesyo kus a ŋulu aronok.”

Ŋibur. 12:14

Toŋirikisi akisil ka ŋinituŋanan daadaŋ ka toŋirikisi akiboi anakiyar a ŋina Asegan, anerae emam ituŋanan eanyuwari Ekapolon emam ŋun.