Isa. 59:19 - Ebaibul

¹⁹ Aŋun, itopoloorete ŋulu iboiyete alo To ekiro a Ekapolon; itopoloorete ŋulu iboiyete alo Kide apolou Ekapolon, anerae ebuni iŋes esibit akalele ŋina inuta nooi, ŋina erae apedor a Ekapolon inutar nooi.

Isa. 59:19 Iomraidhean Croise

Ŋikiru. 113:3

Emaikina kipuroe ekiro ke Ekapolon, ŋinapei elomuni akoloŋ tari edoiyori akoloŋ.

Ŋikiru. 22:27

Etamunete ŋituŋa daadaŋ Ekapolon toboŋut neni keŋ; eryedikete alokiŋaren Ekapolon, ŋituŋa a ŋikabilae a daadaŋ;

Ŋikiru. 61:5

anerae okoe Akuj, iira iyoŋ ŋuna adau ayoŋ akikoŋ; idau iyoŋ ainakin ayoŋ ŋuna iinanakini iyoŋ neni a ŋulu ikitopoloorito iyoŋ.

Isa. 30:27

Kiirasi, ebunit ekiro a Ekapolon aneni alwanan, ebunit anaŋoit a ŋina erirae ka anapuru a ŋina iryono cuc a ŋina eremit kidiama; ileleba anyunyura nakituk keŋ, ido ikwaan aŋajep keŋ ka akim ŋina ikinomiyari.

Isa. 30:28

Ikwaan ekieŋanu keŋ ka ayonae ŋina ilapit elele, ŋina edolete ŋakipi lodokole erae kidok. Iwokori iŋes ikwa arimama ŋituŋa a ŋakwapin namunyaro, irepakini iŋes ŋaunoi loŋitiny a ŋituŋa torikorere ikes nariet tooliyosi

Isa. 45:6

ikotere eyenunete ŋituŋa ŋinapei alo Kide tari To atemar emam akuj ace mati ayoŋ bon; arae ayoŋ Ekapolon, emam ece mati ayoŋ bon.

Isa. 49:12

Kiirasi, epote ŋirotin ŋul aneni alwanan, kiirasi epote ŋirotin ŋul alo Kuju ka alo To, epote ŋirotin ŋul anakwap a Sinim.”

Isa. 66:12

Irworo Ekapolon ebala, “Ainakini ayoŋ Yerusalem ebari kikwaanikin ka ŋakipi anaŋolol. Ainakini ayoŋ iŋes ebari a ŋakwapin kikwaanikin ka ayonae ŋina elele kilap, ikidari ka ikidaki iŋes iyes ka ikikanikani ikiuryarit ejok.

Isa. 8:7

eyauni Ekapolon erwosit ka Asiriya kaapei ka ŋasigarya keŋ akirem Yudaya. Epote ikes erimaete esibito ŋakipi a aŋolol Eupurate apaki ŋina ilelebar ka ilapitor.

Dan. 7:27

Einakinio nakan a ŋituŋa a ŋulu ka Akuj a ŋina alokidiama nooi arwosiyo ka apukan ta apolou nooi a ŋakwapin a daadaŋ anakwap. Eruwor apukan kec ŋina a ŋikaru ka ŋikaru, tosodi itiyanakinete ka iwuapete ŋituŋa a ŋapukasinei a daadaŋ ŋakiro kec.”

Mika 7:17

Elyaete ikes alokwap ikwa ŋimuno, elomunete ikes anaduketa kec a ŋunajiet emaranete ka ekuryaka. Epote ikes ikitopoloorito iyoŋ Ekapolon Akuj kosi.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Mat. 8:11

Akalimokini ayoŋ iyes atemar, epote ŋituŋa ŋulu alalak alo Kide ka ŋice alo To, kiboikinos kimuja ka Aburaam, Isaka ka Yakobo kaapei a Napukan a ŋina anakuj.

2 Ŋites. 2:8

Kisileereunoe nai Eketepegan Akuj; nai ani ebuni Ekapolon Yesu, eari Eketepegan ŋol a ekuwuam a ŋolo ka akituk keŋ ka inyasuni Yesu iŋes ka akica a ŋina enwakinwaki a ŋina ebunio iŋes.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 12:10

Abu eira etoil ŋolo apolon anakuj ebala, “Adolu tokona aiuno ŋina ka Akuj! Etoodiu tokona Akuj apedor keŋ ikwa Erwosit! Etoodiu tokona Kristo keŋ apolou! Anerae emasun anakuj ŋolo awuoi alokiŋaren Akuj yok, ŋolo sek esitakinit ŋikaitotoi yok apaaran ka akuwar.