Isa. 59:18 - Ebaibul

¹⁸ Isicani iŋes ŋimoe keŋ lopite ŋolo eyakatar ŋiticisyo ŋulu itiyato ikes; enyunyurikin iŋes ŋimoe keŋ, isicani iŋes ŋimoe keŋ, isicani iŋes ŋulu iboiyete alodiyete anam.

Isa. 59:18 Iomraidhean Croise

Yob 34:11

anerae eropi Akuj ŋituŋa lopite ŋolo itiyatotor ikes ka itiyakin neni a ŋituŋa ŋakiro ŋunapei sek iwuapito ikes.

Ŋikiru. 62:12

ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Isa. 1:24

“Aŋun irworo Ekapolon ŋolo ipukat daadaŋ, Ekapolon a ŋajoresyo, Ekapolon ŋolo etiron ŋolo a Ŋisirael ebe, ‘Okoe! anyunyurikin ayoŋ ŋimoe kaŋ, ido enyaŋa ŋuna etiyata ŋimoe kaŋ neni kaŋ.

Isa. 35:4

Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 40:10

Kiirasi, ebunit Ekapolon Akuj ka apedor, ipukat iŋes a apedor keŋ, kiirasi, eyaunit iŋes ŋituŋa ŋulu adau iŋes aiun, eyakasi kiŋaren keŋ ŋituŋa ŋulu adau iŋes aiun.

Isa. 49:4

Nai abu ayoŋ otema, “Etiya ayoŋ koŋin, ecanicanaa ayoŋ agogoŋu kaŋ koŋin ka acaryoon;” kikote neni daŋ, ayeni ayoŋ atemar akainakini Ekapolon ayoŋ ibore ŋini erae ŋini kaŋ ka eyai eropit kaŋ neni ka Akuj kaŋ.

Isa. 63:3

“Adau ayoŋ bon akipuda epiini, mam alotuŋa a ŋakwapin ŋini ikirukit ka ayoŋ; abu ayoŋ epuda ikes anaŋoit kaŋ abu ayoŋ epuda ikes ananyunyura kaŋ, apotu ŋaokot kec kiteranakin lolowi kaŋ ka apotu kitereŋa ŋilowi kaŋ.

Isa. 63:6

Abu ayoŋ epudaa ŋituŋa anaŋoit kaŋ, abu ayoŋ elou ikes ananyunyura kaŋ, obukok ŋaokot kec nalup.”

Isa. 65:6

Kiirasi, etakanete ŋakiro nu alokiŋaren kaŋ igiritae ebe, “Nyeliliŋi ayoŋ, nai enyaŋari ayoŋ, esicani ayoŋ ikes jik;

Isa. 65:7

esicani ayoŋ ikes kaapei aŋuna a ŋasecisya kec ka aŋuna a ŋasecisya atapapaa kec, anerae apotu ikes inakis ekinyate alokidiama ŋimoru ka ekeyanya ayoŋ alokidiama ŋikamukumukui. Esicani ayoŋ ikes lotyae ŋolo itemokino aŋuna a ŋiticisyo kec.”

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Isa. 66:6

“Kiirasi mono iyes ecelet ŋolo ebunit alotaun, kiirasi mono iyes etoil ŋolo ebunit alo Kai ka Akuj. Erae ecelet ŋol etoil ŋolo a Ekapolon, isicani iŋes ŋimoe keŋ alotooma daadaŋ ŋuna emaikina kisicanere.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Yer. 50:15

Tocelutu neni keŋ alowaetin a daadaŋ ibasi, ‘Nyeriŋa iŋes ecamit ejie, aritakin ŋaduketa a Babilon ŋuna aoyak kwap, aritakin ŋarwatatain keŋ kwap, erae ŋun akinyaŋar ŋina ke Ekapolon. Kitiyata neni keŋ lopite ŋolo etiyator iŋes.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Esek. 23:49

Ikisicanio iyes aŋuna ka aleeco kus ka iryamunete iyes ŋican aŋuna ka asecit kus a ŋina iponiata iyes tomalaana. Ŋun nai iyenuniata iyes atemar arae ayoŋ Ekapolon Akuj.’ ”

Esek. 38:18

Akoloŋit ŋin ŋina ebunio Gog akirem akwap a Isirael, emini anyunyura neni kaŋ nooi.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Esek. 6:12

Eari edeke ikes ŋulu iboiyete aneni alwanan ka emunyaryo a ekileŋ ikes ŋulu iboiyete anepei a ne, ido ŋulu idoŋete ŋulu imyekinio nyear ekileŋ, kori edeke, eari akoro. Epite ŋol iŋes iŋolikiniata ikes anyunyura kaŋ aŋuna kec.

Yoel 3:4

“Nyo ikimanitotor iyes ayoŋ okoe Tiro ka Sidon ta ŋakiboisyo ŋuna a Ŋipilistin daadaŋ, inyaŋete iyes ŋadi neni kaŋ itiyaete ŋun a? Ani kinyaŋete ŋadi, eburuburakini ayoŋ akinyakakin iyes atipei pena nakyes kus ŋuna itiyaete iyes.

Ŋilep. 26:28

arubakini akoŋoikinit iyes nooi alotooma anyunyura kaŋ, ayoŋ alope ekesicani iyes, ekesicani iyes nooi ŋakisicanet ŋace ŋakanikaarei aŋuna a ŋasecisya kus.

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Luk. 19:27

Nai ani ikwa ŋimoi kaŋ lu, ŋulu nyakacamito ayoŋ akipuka ikes, torikutu ikes ne toŋolae ete ayoŋ!’”

Luk. 21:22

Anerae erae ŋul ŋirwa ŋulu ka anyaŋan, kiyookinotor ŋuna igiritae Nakigireta daadaŋ.

Ŋirom. 2:6

Akoloŋit ŋin, eropi Akuj ŋinituŋanan lopite ŋolo itiyator iŋes.

Ŋikis. 32:41

ani epenari ayoŋ ekileŋ kaŋ ŋolo imilya, otubok ŋituŋa, enyaŋi ayoŋ ŋakiro a ŋimoe kaŋ, ido esican ŋulu akaremokino ayoŋ.

Ŋikis. 7:10

ka erae iŋes. Akuj ŋina inyaŋari ŋuna a ŋulu eŋerete iŋes anakisican ikes. Nyedidi iŋes akinyaŋar ŋakiro a ŋulu eŋerete iŋes.

Akis. 16:19

Totyaka akwap, totyaka etaun ŋolo apolon ŋatyaket ŋauni, kinyasun ŋitaunio ŋulu apolok ŋulu a ŋakwapin a daadaŋ. Abu Akuj totamu Babilon ŋolo apolon nooi ka kitamat iŋes epiini ŋolo ke ekopo keŋ, epiini ŋolo ka anyunyura keŋ.

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.