Isa. 59:13 - Ebaibul

¹³ ikiŋer isua Ekapolon ka emunoni isua ŋuna a Ekapolon; aŋeri isua akiwuap ŋuna ka Akuj kosi. Aruwor akirworo ŋuna ka akisican ka ŋuna ka akiŋer irworoe isua. Eyeo isua akirworo alyokonu, elimununio ŋakiro ŋuna ka alyokonu ŋuna eya lotai kosi.

Isa. 59:13 Iomraidhean Croise

Yob 31:28

erae ŋun daŋ asecit ŋina emaikina ŋikatubok ekesicaniata ayoŋ, anerae itoodiunito ŋun atemar abu ayoŋ oŋer Akuj ŋina eyai kidiama.

Ŋikiru. 18:21

anerae abu ayoŋ ewuap ŋuna abala Ekapolon, mam ŋuna aronok ŋuna etiyat ayoŋ ŋuna eketeŋerete ayoŋ Akuj kaŋ.

Ŋikiru. 78:36

Nai erworosi ikes alyokonu neni ka Akuj, amam ŋakiro ŋuna ka akiyookino anakiro kec;

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Isa. 10:1

Ekaŋ iyes ŋulu iyeete ŋikisila ŋulu nyiyookino, iyes ŋulu igirete ŋakiro ŋuna isicanere ŋituŋa,

Isa. 30:12

Aŋun, irworo Akuj a Isirael ŋina asegan ŋakiro nu, “Aŋuna iŋeryoto iyes ŋakiro kaŋ, ido ikinyoma nakisican ŋuluce ka namodiyo ka iyarikis nakisican ŋuluce ka namodiyo,

Isa. 31:6

“Okoe ŋituŋa a Isirael, toboŋosi neni a Akuj a ŋina ipotu iyes tolukis nooi.

Isa. 32:6

anerae irworosi ŋibaŋaanotin abaŋao, eyeete ŋatameta kec akitiya ŋuna aronok, akitiya ŋuna nyiwuapito ŋuna ka Akuj, akirworo neni a Ekapolon ŋuna nyiyookino, elemanari akimuj aneni a ŋulu enyamit akoro, elemanari ŋakipi aneni a ŋulu enyamit akure.

Isa. 48:8

Pa iirarito iyes ŋun ekiŋaren, pa iyenunito iyes ŋun ekiŋaren, ŋinapei koloŋ agolol ŋaki kus. Etiyae ayoŋ ŋun, anerae ayeni ayoŋ atemar iruwor iyes ŋulu nyikikinyomitae ka ŋikaŋerok ŋinapei anakoloŋit a ŋina ikidounere.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Isa. 57:11

Ŋae ikerito ka ikuryanito iyes aŋuna keŋ, ŋini abu ikiinak iyes akirwor alyokonu, ido ikitojoŋo iyes atamunit ayoŋ, kori atamatam aŋuna kaŋ? Meere nai aŋuna abunio ayoŋ eliliŋ apaki ŋina aoyan iŋes iponiata iyes nyikitopoloosi ayoŋ a?

Isa. 58:13

Ani pa kibila iyes akiciket ŋina ka akiricakinit akoloŋit ŋina a Sabato, pa kiwuap iyes ŋuna icamito iyes ŋikulepek alotooma akoloŋit kaŋ ŋina asegan, ani kinyarata iyes Sabato akoloŋit ŋina ka alakara, ani kinyarata iyes akoloŋit ŋina asegan ŋina a Ekapolon akoloŋit ŋina itopolooritae; ani kitopoloosi iyes iŋes anaesikin akitiya ŋuna icamito iyes ŋikulepek, kori anaesikin akitiya ŋuna ikitalakarito iyes, kori akiwarit akitiya ŋuna kus a ŋikulepek,

Isa. 58:2

Kikote neni daŋ, ekewarito ikes ayoŋ a ŋinakoloŋit etakanete esibit iwarito akiwuap acamit kaŋ, esibito ŋituŋa ŋulu itiyaete ŋuna iyookino ka ŋulu nyeŋero akiwuap ŋakiro ŋuna etubunit Akuj kec, iŋitasi ikes aneni kaŋ aryamun akitub ŋakiro anakiyookino, emaikina ikes aponare diyete Akuj.”

Isa. 58:9

Ipote nai iyes anyarare Ekapolon, ido ikiboŋok iŋes iyes; igworete iyes iŋitasi akiŋarakino, ido eboŋokini iŋes tema, “Ayoŋ lo.” Ani kilemasi iyes epite ŋolo iteryamunitotor ŋuluce ŋican, epite ŋolo idoditotor iyes ŋuluce ka irworotor,

Yer. 12:8

Ekwaanikin ŋituŋa ŋulu apotu toruwor ŋulu kaŋ ka eŋatuny ŋolo ka amoni, irworosi ikes ŋakiro ŋuna ekemaniata ayoŋ; aŋun, aremokin ayoŋ ikes.

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:16

Kikote neni daŋ, aŋatasi ŋituŋa a Mempis ka ŋulu Tapanes ŋiboro a Ŋisirael.

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 3:10

Kikote neni daŋ apotu ŋituŋa a Yudaya nyeboŋut neni kaŋ a ŋitai kec a daadaŋ, nai anakitusubuna ŋulu kaŋ nyerae bo.”

Yer. 3:20

Nai, lopite ŋolo eesikinia aberu ŋina nyikinyoma ekile keŋ, ipotu iyes daŋ toruwor ŋulu nyikinyoma aneni kaŋ okoe ŋituŋa a Isirael.’ ”

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Yer. 42:20

ido toyenete atemar ioliyosi iyes ijal akiyar kus, anerae ipotu iyes ŋilopeyek ikiyakiyasi ayoŋ neni ke Ekapolon Akuj kus ibasi, ‘Kilip aŋuna kosi neni ke Ekapolon Akuj kosi, ido ŋakiro daadaŋ ŋuna ikilimokini iyoŋ Ekapolon Akuj kosi, tolimokinae isua ka itiyao isua ŋun.’

Yer. 5:23

Nai eyakatar ŋituŋa lu ŋitai ŋulu esyaak ka ŋulu aŋerok; ariwo ikes nawae ka ekemyekis ayoŋ.

Esek. 18:25

“Nai ibasi iyes, ‘Nyiyookino akiwuapit ŋuna ke Ekapolon.’ Kiirasi tokona okoe iyes Ŋisirael: Nyiyookino kire akiwuapit ŋakiro kaŋ a? Meere kire ŋuna iwuapito iyes nyiyookino a?

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Osea 1:2

Ani egeuni Ekapolon akirwor neni a Ŋisirael aneni ka Osea, abu tolimok Osea tema, “Ape toryamu aberu ŋina erae amalaat toruwor aberu kon, toryamu ŋidwe aneni a amalaat, anerae etiyata Ŋisirael amalao ŋina apolon aŋuna aŋerioto Ekapolon.”

Osea 11:12

Irworosi ŋituŋa a Epuraim alyokonu neni kaŋ alowaetin a daadaŋ, akamodiyanakinete ŋituŋa a Yudaya ayoŋ alowaetin a daadaŋ. Eriŋa ŋituŋa a Yudaya akaŋerito ayoŋ Akuj ŋina Asegan ŋina ekinyoma.

Osea 6:7

Nai apotu ikes toŋero Acamunet kaŋ alo Adam, apotu ikes kitiyata neni kaŋ a nen emam akikinyoma.

Osea 7:1

Apaki daadaŋ ŋina etaŋaleunio ayoŋ ŋituŋa a Isirael, ileereununui aronis a Epuraim ka ileereununete ŋiticisyo ŋulu aronok ŋulu itiyaete ŋituŋa a Samaria, anerae itiyaete ikes ŋuna ka amodiyo, ebwaŋabwaŋaete ŋikokolak ŋakais, edemanarete ŋikademak ŋituŋa ŋiboro alorotin.

Osea 7:13

Aca kec, anerae aoliyosi ikes aneni kaŋ! Ŋuna kec amunyaro, anerae akaŋero ikes ayoŋ! Kapedorit ayoŋ alakun ikes, nai irworosi ikes alyokonu eketoroniyarito ayoŋ.

Amos 6:12

Epedorete mono ŋaŋolei akiker alomukura a? Epedori mono ituŋanan akitare nanam a? Nai ilocokis iyes akitub ŋakiro anakiyookino, ituruwosi ibore ŋini aaran, ituruwosi iyes akiyookino ibore ŋini nyejok,

Mat. 10:33

Nai ŋini epegi atemar akayeni ayoŋ alokiŋaren ŋituŋa, apegi ayoŋ daŋ atemar ayeni iŋes alokiŋaren Papa kaŋ ŋolo eyai nakuj.

Tito 1:16

Ebasi ikes iwogasi ebe ikiyeni Akuj, nai itepegito ŋiticisyo kec ŋun. Erae ikes ŋulu emoitaka, nyepupete ŋakiro ka nyepedorete akitiya idiobore ŋini ajokan.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

Yak. 1:15

Esibit ekibure keŋ ŋolo aronon ibore ŋini epoti, ido touru asecit; topolou asecit, touru atwanare.

Yak. 3:6

Ikoni aŋajep daŋ akim. Erae iŋes alope ka aronis anakuwan. Emunauni akuwan daadaŋ, iwuakini akiyar daadaŋ ŋina a ituŋanan tooma nakim ŋina ebunit anakim a ŋina nyeduŋe.

Yos. 24:27

Tolimok nai Yosua ŋituŋa daadaŋ tema, “Amoru na iŋes ikisuudae iwon aŋuna adaunia akiirar ŋakiro daadaŋ ŋuna erwor Ekapolon neni yok. Iŋes ebuni akisuuda iyes erae pa kiwuap iyes acamit a Akuj kus.”