Isa. 58:9 - Ebaibul

⁹ Ipote nai iyes anyarare Ekapolon, ido ikiboŋok iŋes iyes; igworete iyes iŋitasi akiŋarakino, ido eboŋokini iŋes tema, “Ayoŋ lo.” Ani kilemasi iyes epite ŋolo iteryamunitotor ŋuluce ŋican, epite ŋolo idoditotor iyes ŋuluce ka irworotor,

Isa. 58:9 Iomraidhean Croise

Akisy. 27:18

Tolot Yakob neni a papa keŋ tema, “Papa” tema papa keŋ, “Ayai, ŋae iyoŋ lokoku?”

Yob 22:27

Ipedori iyoŋ akilip neni keŋ ka iirari iŋes akilip kon, ido isiyookini iyoŋ ŋakikoŋieta kon.

Ŋikiru. 118:5

Abu ayoŋ alocan kaŋ onyara Ekapolon, abu Ekapolon okoboŋok ayoŋ, tolema ŋican kaŋ.

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋikiru. 145:18

Eapi Ekapolon aneni a daadaŋ a ŋulu enyaraete iŋes, a ŋulu enyaraete iŋes anakiyookino kec.

Ŋikiru. 20:6

Ayeni tokona ayoŋ atemar eiuni Ekapolon eseuna keŋ. Eboŋokini ŋakiro keŋ anakuj anakibois keŋ a ŋina asegan a apedor keŋ a ŋina aiunan.

Ŋikiru. 37:4

Kikinyoma Ekapolon, ido ikiinakini iŋes iyes ŋuna iitanito ŋitai kus.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Ŋakit. 6:13

irimit iŋes eŋoleŋole ka eniemi akitiya aronis. irimit iŋes edodanari ŋimoyo keŋ,

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Isa. 30:19

Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Isa. 57:4

Ŋae mono ikyanatar iyes? Ŋae iŋenyanakinete iyes ka imyelanakinete iyes ŋaŋajepa? Meere iyes ŋidwe ŋulu ikiuriyo anabilibil ŋikisila ka ŋidwe a ŋimodiyanotin a?

Isa. 58:6

Akiredanakin akiron ŋina acamit ayoŋ iŋes akitiya ŋuna iyookino alemarya ŋuna nyiyookino, alacakin ŋarukanes a ayokot a ŋina eenit ŋituŋa, isicanitae toryamut alacakina ka alemar ŋinibore daadaŋ isicanit ŋituŋa.

Isa. 59:1

Kiirasi, nyitamete atemar nyepedori Ekapolon alakun, kori nyepedori akiirar akigworo kus.

Isa. 59:13

ikiŋer isua Ekapolon ka emunoni isua ŋuna a Ekapolon; aŋeri isua akiwuap ŋuna ka Akuj kosi. Aruwor akirworo ŋuna ka akisican ka ŋuna ka akiŋer irworoe isua. Eyeo isua akirworo alyokonu, elimununio ŋakiro ŋuna ka alyokonu ŋuna eya lotai kosi.

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Aum. 3:57

Ibu iyoŋ bu neni kaŋ, apaki ŋina akanyaritor ayoŋ iyoŋ, Itolimok ayoŋ ebe, ‘Nyikuryaniar.’

Esek. 13:8

“Aŋun, ŋakiro ŋuna irworo Ekapolon Akuj ikes nu, ‘Aŋuna irworyata iyes alyokonu ka itiyaata ŋakitoodyanakineta ŋuna ka amodiyo, ekeman ayoŋ iyes.’

Dan. 9:20

Ani eriŋa ayoŋ erworo, elipi, alimonori ŋasecisya kaŋ ka ŋasecisya a ŋituŋa kaŋ a Ŋisirael ka adyekanar neni ke Ekapolon Akuj kaŋ aŋuna a emukura keŋ a ŋolo asegan a ŋolo ka Akuj kaŋ

Ŋilep. 6:5

kori ibore daadaŋ ŋini abunio iŋes kikoŋio alyokonu, emaikina iŋes totacak ibore ŋin daadaŋ neni a ilope tolemu nabo atutubet apei alotooma ŋikan a ibore a ŋin, ido kinyakak ilope a ibore a ŋin akoloŋit ŋina eaya iŋes ainakinet keŋ aŋuna ka asecit.

Sakar 10:2

Eminasi ŋituŋa alosenen akiŋita akiru nakujo, kori lomurok. Isilereununeete ŋice apolou a ŋakiro a ŋuna kirujatae, nai nyiyookino ŋakiro kec ka erae ŋakoŋinae. Aŋun, itwaŋaete ŋituŋa esibit ŋamesekin ŋuna eolito, eyakasi ikes locan, anerae emam ekarikon.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”