Isa. 58:7 - Ebaibul

⁷ Aronenen ŋina acamit ayoŋ iŋes akimor akimuj kus ka ŋulu enyamit akoro, akijaun ŋulu a ŋican ŋulu emam ŋakais nakais kus, iŋes akitanap ŋulu iŋolikinete iyes emam ŋilowi ka alemar aŋopenen iŋolikinete ŋiyeneta kus.

Isa. 58:7 Iomraidhean Croise

Akisy. 19:14

Toloma Lot alokai keŋ tolot tolimok ŋikilyok ŋulu eikinitae akiit ŋidwe keŋ tema, “Tonyoutu, olomasi anakibois a na; anerae eapi Akuj akinyasun etaun lo.” Nai totakan aneni a ŋikilyok a ŋul esibit pa emukekinit Lot ŋuna erworo.

Akisy. 19:2

Tema, “Ekeŋitakinit iyes ŋikapolok kaŋ toriut akiper kai a eketiyan kus, kilotasi ŋakejen; kisyokakis nai moi taparacu eriŋa ataparacu.” Tolimokis ikes Lot temasi, “Mam, eperyo isua nenilapat alokidiŋ etaun.”

2 Ŋakiro a ŋirwa 28:15

Apotu nai ŋikilyok ŋulu anyarao a ŋirorwa kec tonyout yaasi ŋirikon alojie kitanapikis ŋilowi ŋulu aŋatunitae neni a ŋirikon alojie a ŋulu alerete a daadaŋ. Apotu ikes inakis ŋirikon alojie: ŋilowi, ŋamuk ka apotu kisimuja, kitamata, kimada ŋajemei kec ka todakakis ŋulu amam agogoŋu losigirya, kinyakakis lotuŋa ŋulu ka akwap kec ŋulu ayakasi Yeriko lotaun ŋolo a ŋidukan, toboŋosi nai ikes Samaria.

Neem. 5:5

Ikirae isua ŋituŋa ŋipei ka ŋiyeneta kosi ka ejokak ŋidwe kosi aneni kosi lopite ŋolo ejokyata ŋidwe kec aneni kec, nai kitiŋakinitetei bo isua ŋidwe kosi ŋulusapa ka ŋulupesur aruwor ŋipi ka ŋapi, adaun akituruwor ŋidwe kosi ŋice ŋulupesur ŋapi, adaun isua apedor ka aruworosi ŋimanikorin kosi ŋulu a ŋikinyom ka ŋulu ke epiini ŋulu a ŋituŋa a ŋice.”

Yob 22:7

Ibu iyoŋ nyiinak ŋulu aupit ŋakipi tomata, ibu iyoŋ todema ŋulu anyamit akoro akimuj.

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋakit. 11:17

Ituŋanan ŋini erimaana, eryamuni ŋuna ajokak nai eaunete ŋiryenyaanotin ŋican nawat kec.

Ŋakit. 22:9

Eryamuni ituŋanan ŋini emorete ka ŋuluce ŋiboro ŋulu eyakar arereŋu, anerae emorete iŋes ka ŋikulyakanotin akimuj keŋ.

Ŋakit. 24:11

Toiu ŋituŋa ŋulu erikoritae natwanare, kiriu ŋituŋa ŋulu iteriterosi elosete neni earere.

Ŋakit. 25:21

Ani kenyamit akoro ŋimoe kon, inak ikes akimuj kimuja, ani kenyamit akure, inak ikes ŋakipi tomata;

Ŋakit. 28:27

Ituŋanan ŋini einanakini ŋikulyak ibore, mam nyeruwor ŋini ecanana, nai ŋini nyemisit akiŋarakin ŋikulyak eryamuni ŋican ŋulu alalak.

Isa. 58:10

ani kiinakis iyes akimuj kus neni a ŋini enyamit akoro, ido kiŋarakis ŋulu iteryamunitae ŋican, etakanuni nai ajokis kus ŋina sek nyetakani, edaun akiyaloloŋ kus ileereuni ajokis kus ikwa akoloŋ kidiŋ apaaran.

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Esek. 18:16

nyitiya aronis adio neni a ituŋanan a idio, nyiwar aryamun ŋice alosiliŋa a ŋulu ideniyorit ituŋanan aneni keŋ, kori nyekoko ibore idio, nai inanakini ŋulu enyamit akoro ibore ŋininyamat ka ŋulu elerete ibore ŋininapat,

Esek. 18:7

ani pa kedemanari iŋes ŋuluce ŋiboro kec ka ketaci ibore ŋini idenit iŋes, kori pa kekokoi, ido inanakini ŋulu enyamit akoro ibore ŋininyamat, inanakini ŋulu elerete ibore ŋininapat,

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Luk. 11:41

Nai inakisi ŋiboro ŋulu eya tooma kus lokulyak, ikotere tosegyar ibore daadaŋ aneni kus.

Luk. 19:8

Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”

Luk. 3:11

Toboŋok iŋes tema, “Ituŋanan daadaŋ ŋini eyakar ŋilowi ŋiarei, itemokino tomora ka ŋini eleri; ani nabo ŋini eyakar akimuj, itemokino tomora ka ŋuluce.”

Ŋitic. 16:15

Ani kibatisae iŋes kaapei ka ŋituŋa ŋulu ke ekal keŋ, itodyek isua tema, “Ani kire kitamete iyes atemar arae ayoŋ akanupan ŋina ke Ekapolon, potu kiboiyoto alokai kaŋ.” Abu iŋes ikitacamu isua alosit ka iŋes.

Ŋitic. 16:34

Ya iŋes Paulo ka Silas kai keŋ, inak ikes akimuj. Tolakaros iŋes ka ŋituŋa keŋ, aŋuna aponiata ikes tonupa Akuj.

Ŋirom. 12:13

Tomora ŋiboro kus ka ŋikanupak ŋuluce ŋulu ekulyakaka ka toŋaununutu ŋituŋa ŋulugelae lorerya kus.

Ŋikis. 22:1

Nyiteete emoŋ, kori amesek a ikidunyet kus eoliyorit, ido nyimitakis; emaikina iyes tomyaasi neni a ilope.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

Pil. 1:7

Lokaato, aryamu ayoŋ alelyan ŋina alalan ka atitinyu aŋuna ka amina kon, anerae italaka iyoŋ ŋitai a ŋituŋa a ŋulu ka Akuj.

Ŋikat. 9:2

“Kiŋita ŋikapolok a ŋituŋa a Sekem daadaŋ ebe, ‘Nyaanu ŋuna ejokak aneni kus; icamito ikipukata iyes ŋidwe a Yerubaal daadaŋ ŋulutomonikanikaarei, kori icamito iyes ikipuka ipeituŋanan bon?’ Toyenete daŋ atemar arae ayoŋ ŋini kus lokoku kus.”