Isa. 58:5 - Ebaibul

⁵ Itamete iyes erae ŋin akiredakin akiron ŋina acamit ayoŋ a? Itiditeuna iyes alotooma akoloŋit apei bon a? Acamit mono ayoŋ akijurur a ituŋanan esibit eoot ŋolo isijuurui ekuwuam a? Acamit mono ayoŋ akiper kus aloguniyae ka alokurono a? Erae mono ibore ŋin akiredanakin akiron a? Erae mono ŋin akoloŋit ŋina italakarit Ekapolon a?

Isa. 58:5 Iomraidhean Croise

2 Ŋirw. 6:30

Ani iirari erwosit ŋakiro ŋuna erworo aberu ŋin, tocilicili ŋilowi keŋ a elope; aŋuna nai ametor erwosit kidiama arwatata ŋina adukitoe iryamit etaun, toanyuwasi ŋituŋa ŋulu aapiyete anarwatata atemar anapit iŋes ŋiguniyae alotooma ŋilowi keŋ.

2 Ŋakiro a ŋirwa 20:3

Tobul Yeosapat, toseu alotau keŋ akiŋit Ekapolon ŋakiro; tolimu atemar torono ŋituŋa a Yudaya daadaŋ.

Esir 10:6

Tonyou nai Esira alokiŋaren Akai ka Akuj tolot nagule ŋina a Yeoanan a lokoku ka Eliasib neni abu iŋes toper akuwar ŋin. Nyenyama iŋes kori nyemata iŋes idiobore, anerae eyaloloŋi iŋes aŋuna ka amamukau anupit aneni a ŋituŋa a ŋulu aboŋunete anakwap a ŋina arikoritae ikes.

Esir 8:21

Abu nai ayoŋ olimu atemar kiredakinae akiron anaŋolol Aapa, emika ŋawat kosi alokiŋaren Akuj kosi ibore ŋini ecamito ka eŋita iŋes ikiyok isua analosit kosi kaapei ka ŋidwe kosi ka a ŋuna a ŋiboro a daadaŋ ŋulu ikiyakar isua,

Esta 4:16

“Emaikina Moridekai tolot, tocunak Ŋiyudayan daadaŋ ŋulu eya Susa; kiredakis akiron aŋuna kaŋ. Nyemaikina ikes kimuja kori tomata ŋirwa ŋiuni, nakwaare kori naparan. Ayoŋ ka ŋaketiyak kaŋ ikiredakini akiron ikwapei iyes. Ekaku ka akiron, alosi ayoŋ neni a erwosit; tari daŋ pa kecamakinito ŋikisila, ani keruwor daŋ atwanare, otwan.”

Esta 4:3

Aŋina kibois daadaŋ a ŋina kelimoritae kori pa kelimoritae ŋakiro a erwosit ka ŋakiro ŋuna aponi totubunoe, apotu Ŋiyudayan make kisyakis akigworo nooi. Kisyakis akiredanakin akiron, akigworo ka akiwolol. Tolomakis ŋikalalak alokidiŋ kec akiper loguniyae ka lokurono.

Yob 2:8

Abu Yob tolemu itabok tokoyo akuwan keŋ ka abu tolomak akiboi aneni amudyo ekuron.

Ŋikiru. 69:13

Nai ani eruwor ayoŋ, elipi neni kon, okoe Ekapolon. Toboŋokinoe ayoŋ Akuj, anapaki a ŋina iseuni iyoŋ. Toboŋokinoe ayoŋ aŋuna ka amina kon a ŋina nyiryaŋiryaŋa, anerae iricit iyoŋ akiikinet kon ŋina ka aiun ŋulu ikikinyomito iyoŋ.

Isa. 49:8

Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Isa. 58:3

Ebasi ikes, “Kaanukiro ikiredanakinia isua akiron, nai nyikite iyoŋ isua? Ikitiditeunun isua make, nai nyimisit iyoŋ.” Topupokisi, itiyaete iyes ŋuna ikitalakarito iyes pei akoloŋit ŋina iredanakineta akiron, ido isicanito iyes ŋiketiyak kus.

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Ŋilep. 16:29

“Emaikina iyes kiwuapa ŋakiro ŋuna etubunitoe nu ŋikaru ka ŋikaru: Ani edoli ŋirwa ke elap ŋitomon, elap ŋolo a ŋikanikaarei, emaikina iyes kiredakis akiron, ido nyitiyata etic edio; kiraakasi Ŋisirael ŋulu ikiurito Ŋisirael, kori ŋigelanotin ŋulu iboiyete kaapei ka Ŋisirael;

Ŋilep. 16:31

Erae akoloŋit ŋin ŋina a Sabato, ŋina emaikina kieŋunere, ido emaikina iyes kiredakis akiron; erae ŋun ŋakiro ŋuna etubunitoe ŋuna a ŋikaru ka ŋikaru.

Sakar 7:5

“Kiŋit ŋituŋa ŋulu ka akwap kon ka ŋisacaradotin ebe, ‘Ani mono apaki ŋina iponiata iyes kiredakis akiron ka kigworo elap ŋolo a ŋikan ka ŋolo a ŋikanikaarei ŋikaru ŋatomonikanikaarei ŋulu alunyarosi, arae mono kire aŋuna kaŋ iredakinitotor iyes akiron a?

Mat. 6:16

“Ani ikanyi iyoŋ, nyitasyono ikwa itasyonotor ŋikaŋisoswae. Elosete ikes esecec ŋireetin, ikotere eanyuniata ŋituŋa atemar ikanyete ikes. Akalimokini ayoŋ iyes kire atemar, adaut ikes aryamun eropit kec.

Luk. 4:19

ta akiseraun atemar adol apaki ŋina eiunia Ekapolon ŋituŋa keŋ.”

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.