Isa. 58:14 - Ebaibul

¹⁴ ŋun nai ilelyaniata iyes aneni a Ekapolon, ido eketopoloori ayoŋ iyes akilo ŋituŋa daadaŋ anakwap, akainakini ayoŋ iyes ŋarereŋisyo a papaa kus a Yakob. Adau Ekapolon alimun ŋakiro ŋun.

Isa. 58:14 Iomraidhean Croise

Yob 22:26

iryamuni nai iyoŋ alakara aneni ka Akuj a ŋina etiron, ido iyarikini iyoŋ neni ka Akuj.

Yob 27:10

Eryamunete mono ikes alakara aneni ka Akuj a ŋina etiron a? Epedorete mono ikes anyarare Akuj ŋapakio daadaŋ a?

Yob 34:9

Adau iŋes alimun ebe, ‘Emam ibore eryamuni ituŋanan analelakinit Akuj.’

Ŋikiru. 135:12

ido inak akwap kec neni a Ŋisirael, toruwor ŋina a ŋituŋa keŋ a Ŋisirael.

Ŋikiru. 136:21

Abu iŋes inak ŋakwapin a ŋirwosi a ŋul toruwor ŋuna a ŋituŋa a ŋice, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 36:8

Imujete ikes akimuj ŋina alalan ŋina iinanakini iyoŋ ikes. eryamununeete ikes ŋiboro ŋulu ajokak ŋulu iteleleunit iyoŋ lopite ŋolo eleleya aŋolol.

Ŋikiru. 37:11

Nai eruwor akwap ŋina a ŋulu iapara ka eryamunete ikes ebari ka eyakaunosi lokisil.

Ŋikiru. 37:4

Kikinyoma Ekapolon, ido ikiinakini iŋes iyes ŋuna iitanito ŋitai kus.

Isa. 33:16

Ŋituŋa ŋulu ikote nen ikes eyarete aneni emam ŋican, eiunosi ikes anataaba a ŋina esibit aduketait ŋinajiet, einanakinio ikes akimuj kec ka eyakaunotor ikes ŋakipi a ŋinapaki.

Isa. 34:16

Kiwara ka tosyoma alokitaabo a Ekapolon ŋakiro nu: Mam ipei daŋ a ŋikyeny a ŋul ŋini emamukaun, mam ŋini nyeyakaun emam ŋiniberu ka ŋinikile. Adau Ekapolon alimun ŋun ka adau etau keŋ acunun ikes.

Isa. 40:5

Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Yer. 3:19

“‘Abu ayoŋ otam epite ŋolo eketuruworya iyes ŋidwe kaŋ, ido okoinak iyes akwap ŋina ajokan, akwap ŋina ajokan, akilo ŋakwapin daadaŋ. Abu ayoŋ otamak atemar ikinyaraete iyes ayoŋ papa kosi ka nyiŋerete iyes akiwuap ŋakiro kaŋ.

Esek. 36:2

Alimu Ekapolon Akuj atemar aŋuna aponiata ŋimoe a Isirael temasi, ‘Ee ro ca! Aruwor tokona ŋikamukumukui ŋulu aoyak ŋuluŋorok ŋulu yok.’

Mika 4:4

Iboikin ŋinituŋanan lotolim a epiini keŋ ka a ebobore keŋ; mam ituŋanan einakini ikes akuryanu, anerae adau Ekapolon ŋolo Etiron alimun ŋun.

Mat. 24:35

Edaunosi nakuj ka akwap, nai nyedaunosi ŋakaakiro jik.

Ŋikis. 32:13

Abu Ekapolon inak ikes kipukata anakibois a ŋina aoyan, kitanu ikes a ŋikinyom a ŋimanikorin, kitopolou ikes a ao a ŋina ayai natabab ka a akimyet a ŋina a ayai natabab ŋuna idokok.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;