Isa. 58:11 - Ebaibul

¹¹ Ikiyoki Ekapolon iyes a ŋinapaki, ikiinakini iŋes iyes ibore daadaŋ ŋini iitanito iyes tari anakiboisyo a ŋuna erae ŋalaroi, itogogoŋi iŋes ŋakoyo kus. Ikwaanikinosi nai iyes ka emanikor ŋolo eya ŋakipi ŋuna itemokino, ikwaanikinosi iyes ka eitanit a ŋakipi ŋolo nyijuwanari jik.

Isa. 58:11 Iomraidhean Croise

Yob 5:20

Ikilakuni Akuj anatwanare a ŋina ke eron, ikilakuni Akuj alojie a ŋolo earare.

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Ŋikiru. 107:9

anerae einanakini Ekapolon ŋakipi neni a ŋulu enyamit akure, einanakini akimuj neni a ŋulu enyamit akoro.

Ŋikiru. 25:9

Itenit Ekapolon anakiyookino ŋulu itiditeuna make, itatami iŋes ŋulu itiditeuna make kiwuapa acamit keŋ.

Ŋikiru. 32:8

Ebala Ekapolon ebe, “Eketatami ayoŋ iyoŋ ŋipitesyo ŋulu emaikina kiwuap, Eketatami ayoŋ iyoŋ ka akalimokini epite ŋolo emaikina kitiyaa ŋun.

Ŋikiru. 33:19

Eiunit Ekapolon ikes anatwanare, iyoki Ekapolon ikes ikotere nyetwaka ŋapakio ŋuna ka akoro.

Ŋikiru. 37:19

Nyeryamunete ikes ŋican alorwa a ŋulu aronok, eyakaunotor ikes akimuj ŋina alalan alorwa a ŋulu ke eron.

Ŋikiru. 48:14

atemar Akuj yok na ŋina a ŋikaru ka ŋikaru, iŋes erae ŋina ikiuryarit iwon ŋikaru ka ŋikaru.

Ŋikiru. 73:24

Ikitenit iyoŋ ayoŋ a ŋakitatameta kon, ekaku, ikijaari iyoŋ ayoŋ tooma napolou.

Ŋikiru. 84:7

Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

Ŋikiru. 92:14

Ŋikito ŋulu erubakinete erayete tari kemojoŋ ka ŋikito ŋulu erubakinete elibak ka egogoŋ,

Ŋakit. 11:25

Itabaryo nooi ituŋanan ŋini einanakini ŋuluce ibore ŋini eyakar iŋes, iŋes ŋini iŋaranakini ŋuluce a ibore a ŋini eyakar, iŋarakinio.

Ŋakit. 13:4

Eyakatar ŋikalanyanotin ekibure ŋolo apolon nooi, nai mam ibore eryamununeete, eryamuni ituŋanan ŋini itiyae ka agogoŋu ibore daadaŋ ŋini iitanit.

Ŋakit. 28:25

Ŋikanyamak ikes isyanakinete egurigur, nai ituŋanan ŋini ikinyomi Ekapolon, einakinio akiyar ŋina ajokan.

Ŋakit. 3:8

Ikiinakinete ŋun iyoŋ araakau ŋini eŋale akuwan ka ŋini iryamunit agogoŋu a ŋinapaki anakuwan kon.

Eete a Ŋie. 4:15

Ikwaan iyoŋ ka elelya ŋolo elelyanakini ŋimanikorin, akare ŋina a ŋakipi a ŋuna eteyarak, ŋakipi ŋuna eleleunito alo Lebanon.

Isa. 27:3

“Ayoŋ Ekapolon arae eketen emanikor a epiini, a ŋinapaki abuki ayoŋ iŋes ŋakipi. Ete ayoŋ iŋes nakwaare ka naparan, ikotere nyinyasu ituŋanan idio iŋes;

Isa. 33:16

Ŋituŋa ŋulu ikote nen ikes eyarete aneni emam ŋican, eiunosi ikes anataaba a ŋina esibit aduketait ŋinajiet, einanakinio ikes akimuj kec ka eyakaunotor ikes ŋakipi a ŋinapaki.

Isa. 41:17

“Ani epote ŋikulyak ka ŋituŋa ŋulu eyakatar akiitanit iwarito ŋakipi, ido nyeryamut ŋadi, tooko ŋaŋajepa kec aŋuna ka akure, ayoŋ Ekapolon aboŋokini ikes, ayoŋ Akuj a Isirael nyemyekini ikes.

Isa. 44:4

Epolounete ikes lopite ŋolo elibunia ekuyon, epolounete ikes lopite ŋolo epolounioto ŋikwaŋae ŋulu enyaritae Wilo anayona a ŋuna eleleete.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 57:18

Eŋolik ayoŋ ŋuna ewuapito ikes, nai etaŋaleuni ayoŋ ikes. Ariki ayoŋ ikes enyakak neni kec akiboi ka alakara, ainakini ŋulu igworosi aŋuna kec toeoto.

Isa. 61:11

Eyauni Ekapolon akiyookino ka akipuro toyakaun nakwapin lopite ŋolo erupuniata ŋikito alokwap ka lopite ŋolo iturupunia emanikor ŋikinyom ŋulu eekinitae tooma keŋ.

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Yer. 17:8

Ikwaanikin ikes ka ekitoe ŋolo edupakinitae diyete ŋakipi, ekitoe ŋolo eremorit ŋataagor keŋ nayonae. nyekuryana iŋes apaki ŋina emwanunia akwap, erubakinete ŋakwii keŋ elibak; nyebulit iŋes ekaru ŋolo emamukar akiru, erai iŋes ŋaraito keŋ jik.

Yer. 31:12

Epote ikes toeikis ecelasi alokidiama Sion, elelyanete ikes aŋuna a ŋarereŋisyo aŋuna iterereŋio Ekapolon ikes, elelyanete ikes aŋuna a ŋainakineta aŋuna a ŋikinyom, a epiini ka akimyet ŋina a ŋikito a Olipa, eryamunete ikes ŋainakineta ŋuna a ŋikaalei a ŋamesekin ka ŋitak a ŋaatuk. Ikwaanikinosi ikes ka emanikor ŋolo elelekinito ŋakipi nyepalagageta ikes nabo jik.

Esek. 36:35

Etemarete ikes ebe, ‘Ekwaanikin akwap na ŋina abu toruwor ekasile ka emanikor ŋolo a Eden, ido eboikinosi tokona ŋituŋa nakiboisyo ŋuna sek apotu toruwor ŋakoŋinae ka ŋuna asilok, aduki nabo ejok nooi ŋitaunio ŋulu aponi tomunaarae.’

Osea 13:5

Arae ayoŋ etani ikes analoŋisat, anakibois a ŋina aonon.

Yoa. 16:13

Nai ani ebuni Etau ŋolo irworo ŋuna a kire, ikiyoori iyes nakiro daadaŋ ŋuna a kire; anerae nyirwori iŋes aŋuna ka apedor keŋ bon, nai ebuni iŋes akirwor ŋuna iirarit, nabo ikilimokini iyes ŋuna epote.

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Yoa. 7:38

Igiritae Nakigireta ebe, ituŋanan ŋini akanupi ayoŋ, ‘Epote ŋilelyan ŋulu a ŋakipi a ŋuna eteyarak alel alotau keŋ.’”

Ŋikis. 15:4

Kikote neni daŋ nyemaikina eyai kidiŋ kus ituŋanan ŋini ekulyakana, anerae kire jik ebuni Ekapolon Akuj kus akiterereŋ iyes anakwap a ŋina ikiinakini iŋes iyes aruwor ŋina kus kiboiyoto.

1 Ŋites. 3:11

Ikilipi Akuj Papa elope ka Ekapolon yok Yesu, kitemonok erot aŋuna kosi, ikotere todolunoe isua neni kus!