Isa. 58:10 - Ebaibul

¹⁰ ani kiinakis iyes akimuj kus neni a ŋini enyamit akoro, ido kiŋarakis ŋulu iteryamunitae ŋican, etakanuni nai ajokis kus ŋina sek nyetakani, edaun akiyaloloŋ kus ileereuni ajokis kus ikwa akoloŋ kidiŋ apaaran.

Isa. 58:10 Iomraidhean Croise

Yob 11:17

Ejokyar nooi akiyar kon akilo neni ileereo ibore daadaŋ kidiŋ apaaran ecai akoloŋ, ikwaanikin anyipinyip ŋina sek a akiyar kon ka apaki ŋina iwalarya akwap.

Yob 31:31

Irworosi ŋituŋa a ekal kaŋ ebe, ‘Ŋae mono pa emujit akimuj a Yob kimwono?’

Ŋikiru. 112:4

Ileereunete ŋiticisyo kec ikwapei akica neni a ŋulu iyookino; eruwor ikes ŋulu ajokak, ŋulu esyonok ka ŋulu iyookino.

Ŋikiru. 37:6

Isileereuni iŋes akiyookino kus, kileereu ikwa akica, isileereuni iŋes akiyookino ŋina itubioto ŋakiro kileereu ikwa akica ŋina akidiŋ apaaran.

Ŋikiru. 41:1

Erereŋ ŋituŋa ŋulu iŋarakinito ŋikulyak; elakuni Ekapolon ikes anapakio a ŋuna a ŋican.

Ŋakit. 14:31

Ituŋanan ŋini ekyenar ŋikulyak, iyanyi ituŋanan ŋin Akuj ŋina abu tosub ŋikulyak, nai ituŋanan ŋini erimaana aneni a ŋikulyak, itopoloorit ituŋanan ŋin Akuj.

Ŋakit. 28:27

Ituŋanan ŋini einanakini ŋikulyak ibore, mam nyeruwor ŋini ecanana, nai ŋini nyemisit akiŋarakin ŋikulyak eryamuni ŋican ŋulu alalak.

Isa. 29:18

Akoloŋit ŋin, iirarete ŋikiŋimanotin ŋakiro ŋuna igiritae lokitaabo, ido anakiyaloloŋ kec ka anakiryonut iŋolikinete ŋakonyen a ŋimudukanotin.

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 60:2

Epetakin akirwonut akwap daadaŋ, erapuwari akirwonut ŋituŋa daadaŋ, nai ebuni Ekapolon neni kus, etakanuni apolou keŋ neni kus.

Esek. 18:16

nyitiya aronis adio neni a ituŋanan a idio, nyiwar aryamun ŋice alosiliŋa a ŋulu ideniyorit ituŋanan aneni keŋ, kori nyekoko ibore idio, nai inanakini ŋulu enyamit akoro ibore ŋininyamat ka ŋulu elerete ibore ŋininapat,

Sakar 14:7

Eruwor akoloŋit ŋin ŋina nyikwaan ka ŋunace, emamukaun apaaran, kori akuwar. Ekapolon bon eyeni akoloŋit ŋin.Ani iwalari eyakaun akica.

Sakar 6:15

Emaikina ŋituŋa ŋulu eya neni alwanan potu ikiŋarakis iyes akiduk Akai ke Ekapolon, neni iŋes iyenuniata iyes atemar Ekapolon ŋolo Etiron iŋes akeyakiunit ayoŋ neni kus. Itiyakin ŋakiro ŋun erae kiwuapa iyes imukekinito ŋakiro a Ekapolon Akuj kus.

Luk. 18:22

Ani iirari Yesu ŋakiro ŋun, tolimok iŋes tema, “Ipeibore bon ikibucit iyoŋ: togyela ibore daadaŋ ŋini iyakar iyoŋ, tokorak ŋisiliŋa lokulyak, ikotere min ebari kon nakuj. Ani ekaku, ibu ikiwuapak ayoŋ.”

Ŋikis. 15:4

Kikote neni daŋ nyemaikina eyai kidiŋ kus ituŋanan ŋini ekulyakana, anerae kire jik ebuni Ekapolon Akuj kus akiterereŋ iyes anakwap a ŋina ikiinakini iŋes iyes aruwor ŋina kus kiboiyoto.