Isa. 57:5 - Ebaibul

⁵ Ilipete iyes neni a ŋakujo aneni eya ŋikuyono, ilipete neni a ŋakujo alokwap ŋikito daadaŋ ŋulu alibak, iŋoleneneete iyes ŋidwe kus anakadipaalae ka alokwap ŋatabab ŋunasulut.

Isa. 57:5 Iomraidhean Croise

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

2 Ŋirw. 17:10

Toduko aŋuna kec ŋipirin ŋulu etaletoi kidiyama ŋikamukumukui ka kwap ŋikito ca daadaŋ ŋulu alibito.

2 Ŋirw. 17:7

Apotu ŋun kitiyakinos, anerae asecito Ŋisirael aneni ke Ekapolon Akuj kec a ŋina ayauni ikes tolomunia anakwap a Ijipit, yau ikes anapedor a Parao a ŋolo epukat Ijipit. Kepotu Ŋisirael tolomakis akilip neni a ŋakujo,

2 Ŋirw. 23:10

Abu Yosia tomunaiya Topes, namuroet ŋina adukokinitae nayonae ŋina anyaritae Ben-Inom, todaun nabo epite ŋolo apedoria idiotuŋanan akiar lokoku keŋ. kori nakoku keŋ kicunyak erae ainakinet neni ka akuj a ŋina anyaritae Molek.

2 Ŋakiro a ŋirwa 28:3

ya tope ŋainakineta a nakadipaalat aŋina enyaritae ŋina alokoku a Inom. Abu tari kisitor ŋidwe keŋ ŋulusapa kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

Awos. 32:6

Aŋun, apotu ŋituŋa tonyout taparacu sek akoloŋit ŋina atupakini ŋin, yaut ŋainakineta kec ŋuna apeyo ka ŋamuronisya ŋuna ke ekisil. Kiboikinos ŋituŋa nen kimuja ka tomata, ido tonyout tobolyata.

Isa. 1:29

Eroketa aneni kus ŋakiriketa ŋuna sek ilipyata iyes ka erokeata aneni kus ŋimanikorin ŋulu sek iseunito iyes.

Yer. 17:2

Etamunito tari ŋidwe kec ŋamuroeta kec ka ŋipirin ŋulu italetoe ŋulu eyakasi diyete ŋikito ŋulu alibak daadaŋ ka lokamukumukui ŋulu aoyak,

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 3:13

Nai emaikina iyes tocamut ŋuna ikiilitor iyes, emaikina iyes tocamut atemar ipotu iyes toŋero Ekapolon Akuj kus, ido toloto akilipenen neni a ŋakujo alokwap ŋikito ŋulu alibak daadaŋ ka nyiwuapa iyes ŋakiro kaŋ.

Yer. 3:6

Abu Ekapolon kirwor neni kaŋ alorwa a ŋulu epukator erwosit Yosia tema, “Iŋolik iyoŋ ŋuna adaut ŋituŋa a Isirael ŋulu emam anupit ŋul akitiya, epite ŋolo alosyoto ikes akilip lokamukumukui daadaŋ ka lokito daadaŋ ŋulu alibak akitiya ŋuna ka amalao a nen a?

Yer. 32:35

Apotu ikes toduko ŋakiboisyo ŋuna aoyak ŋuna ilipere neni a Baal nakadipaalat alokoku a Inom, ikotere einanakiniata ŋidwe kec ŋulusapa ka ŋulupesur neni a Molek, tari daŋ pa kalimokinit ayoŋ ikes akitiya ŋun, nyepena tari ŋakiro ŋun natameta kaŋ atemar kitiyata ikes ŋiticisyo ŋulu ka asiilyo ŋul, ŋulu apotu kiteseca ŋituŋa a Yudaya.

Yer. 50:38

Edaun ŋakipi anaŋololin keŋ, ikotere eokyoto deu; anerae erae Babilon akwap ŋina ileleba ŋitorubei a ŋakujo, einakina ikes nooi aŋuna a ŋitorubei a ŋakujo.

Yer. 51:7

Ekwaan sek Babilon aneni kaŋ ka ekopo ŋolo eyai nakan kaŋ, ekopo ŋolo itiyaunitae a egolid, abu iŋes kitemerak ŋituŋa a akwap a daadaŋ apotu ŋituŋa a ŋakwapin tomata epiini keŋ aŋun, abu kimatimataa ŋituŋa a ŋakwapin nooi.

Yer. 7:31

Tosodi erubakinito ikes edukete namuroet ŋina enyaritae Topes ŋina eyai nakadipaalat a lokoku a Inom, aŋuna ka apeyo ŋidwe kec ŋulusapa ka ŋulupesur anakim, erae ŋun ŋakiro ŋuna pa ecikit ayoŋ ikes akitiya, kori amam jik ŋakiro ŋun anatameta kaŋ.

Esek. 16:20

Ibu iyoŋ ya ŋidwe kon ŋulusapa ka ŋulupesur ŋulu sek idounit iyoŋ aŋuna kaŋ, ibu iyoŋ toarak ikes neni a ŋakujo a ŋun ikwapei akimuj a ŋakujo a ŋun. Pa mono etemokino aronis ŋina ka amalao kon aŋuna kon a?

Esek. 20:26

Abu ayoŋ emyek ikes tomunaaros anainanakineta kec pei, abu ayoŋ emyek ikes toara ŋikiyae kec ŋulusapa erae ŋamuronisya. Arae ŋun aŋuna ka akisicania ikes ka akitoodikin ikes atemar arae ayoŋ Ekapolon.

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Esek. 20:31

Irubakis iyes itiyaete ŋakiro nu tari nakoloŋit na: iyayeneneete ŋainakineta nakujo, isitoreneneete ŋidwe kus ŋulusapa nakim, aŋun, idaut iyes amunaar ŋawat kus a ŋakujo kus a daadaŋ. Okoe Ŋisirael, ipedorete nai kire iyes akiŋit ayoŋ ŋakiro ŋadi a? Ikwapei kire ayarya ayoŋ, nyipedorete iyes akiŋit ayoŋ ŋakiro ŋadi.’

Esek. 6:13

Eyenunete nai ikes atemar arae ayoŋ Ekapolon apaki ŋin ŋina iŋolikiniata ikes ŋalyalin a ŋituŋa kec eperete alokidiŋ ŋakujo kec, alodiyete ŋamuroeta kec, alokidiama ŋikamukumukui ŋulu aoyak daadaŋ, alokidiama ŋimoru daadaŋ, alokwap ŋikito ŋulu alibak daadaŋ ka alokwap ŋolokuyon eya ŋakuii daadaŋ, nakiboisyo ca daadaŋ ŋuna apeyoto ikes neni a ŋakujo ŋainakineta ŋuna ebob eure icunyo neni a ŋakujo kec.

Ŋilep. 18:21

Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon.

Ekim. 25:6

Apaki ŋinapei ŋin, yau Esiraelit epei aberu ŋina Midianait lotuŋa keŋ, iteete Moses ka Ŋisirael ŋuluce daadaŋ, apaki ŋin egworosi Ŋisirael alopuke ke eema a ŋolokilipet.

Ŋikis. 12:2

Emaikina iyes tomunaasi jik ŋakiboisyo daadaŋ ŋuna ilipyata ŋituŋa ŋulu ilosete iyes akiritar anakwapin kec, ŋakujo kec, ŋakiboisyo ŋuna eya kidiama ŋimoru, kidiama ŋikamukumukui ka kwap ŋikito ŋulu alibak daadaŋ.

Akis. 18:3

Anerae adaut ŋakwapin daadaŋ akimat epiini keŋ--epiini ŋolo ke ekibure ŋolo ka amalao keŋ. Apotu ŋirwosi ŋulu ka akwap tomalaana ka iŋes, tobara daŋ ŋimucurus ŋulu ka akwap aloterekune keŋ a ŋolo a ŋiboro.”