Isa. 57:4 - Ebaibul

⁴ Ŋae mono ikyanatar iyes? Ŋae iŋenyanakinete iyes ka imyelanakinete iyes ŋaŋajepa? Meere iyes ŋidwe ŋulu ikiuriyo anabilibil ŋikisila ka ŋidwe a ŋimodiyanotin a?

Isa. 57:4 Iomraidhean Croise

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Ŋikiru. 22:13

Eŋaarito ikes ŋakitukwa kec nooi neni kaŋ; ikwaan ikes ka ŋiŋatunyo ŋulu irurumaete enyamete ibore ŋini ikamunito.

Ŋikiru. 22:17

Ileerete tokona ŋakoyo kaŋ anakuwan kaŋ epedor akimarun, eketeete ayoŋ ŋimoe kaŋ akamisiyarito nooi.

Ŋikiru. 22:7

Akajamuwanarete ayoŋ daadaŋ ŋulu ekeŋolikinete; akajamuwanarete kimuŋumuŋete ŋakyes kec,

Ŋikiru. 35:21

Akacalanakinete ikes ayoŋ ebasi; “Ee, ee, ikiyeni isua ŋakiro ŋuna itiyae iyoŋ.”

Ŋikiru. 69:12

Ayoŋ ekerworotor ŋituŋa ŋinibore iboiyoto; alotemwan alodiyete ŋipukei, ido akaeotor ayoŋ ŋikamerak.

Awos. 9:17

Nai eriŋa bo iyoŋ itopolooro imanit ŋituŋa kaŋ, ido nyicamit akimyekin ikes toloto.

Isa. 1:4

Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Isa. 10:15

Nai irworo Ekapolon ebala, “Epedori mono aep atemar apol iŋes akilo ituŋanan ŋini isitiyae iŋes a? Kori epedori erigi atemar eloit iŋes ituŋanan ŋini isitiyae iŋes? Nyepedori adaset akikyaar ituŋanan ŋini etiŋit iŋes, kori ebala akikeun ituŋanan ŋini iceunit iŋes!”

Isa. 30:1

Irworo Ekapolon ebala, “Okoe iyes ŋidwe ŋulu aŋerok, ŋulu eyeete ŋakiro, nai meere ŋuna kaŋ, iyes ŋulu icamununosi, nai anakimanit ŋuna acamit ayoŋ;

Isa. 30:9

anerae erae ikes ŋituŋa ŋulu aŋerok, ŋidwe ŋulu emam akikinyomit eyakatar, ŋidwe ŋulu nyepupete ŋakiro ŋuna itatami Ekapolon,

Isa. 37:23

“Ŋae mono ijamuwa ka iyany iyoŋ? Ŋae mono icelanakini iyoŋ iremokino? Ŋae mono ite iyoŋ irae ŋolo itopolooro bon nooi? Itiya iyoŋ ŋun iremokino Akuj ŋina asegan ŋina a Ŋisirael.

Isa. 37:29

Aŋuna ikidedeŋikinitor iyoŋ ayoŋ ka aŋuna tokona eirarya ayoŋ akituro kon, aruboikini ayoŋ ekodocet kaŋ lokume kon, ido aburakini ibore nakituk kon; eketoboŋori ayoŋ iyoŋ tomek erot ŋolopei sek imyat iyoŋ ibuni.”

Isa. 48:8

Pa iirarito iyes ŋun ekiŋaren, pa iyenunito iyes ŋun ekiŋaren, ŋinapei koloŋ agolol ŋaki kus. Etiyae ayoŋ ŋun, anerae ayeni ayoŋ atemar iruwor iyes ŋulu nyikikinyomitae ka ŋikaŋerok ŋinapei anakoloŋit a ŋina ikidounere.

Isa. 57:5

Ilipete iyes neni a ŋakujo aneni eya ŋikuyono, ilipete neni a ŋakujo alokwap ŋikito daadaŋ ŋulu alibak, iŋoleneneete iyes ŋidwe kus anakadipaalae ka alokwap ŋatabab ŋunasulut.

Yer. 20:8

Apaki daadaŋ ŋina alimunio ayoŋ ŋadikiro, emaikina ayoŋ ekalou, emaikina ayoŋ ocelu abala, “Aryanyeo ka akinyasuno!” Aruwor akirot a Ekapolon aneni kaŋ ibore ŋini ekeyanyere ayoŋ ka ŋini akajamuwaritere apaaran jwii.

Esek. 2:4

Erae ŋituŋa ŋulu ekeyakiyari ayoŋ iyoŋ neni kec ŋulu nyeketopoloorito ayoŋ ka erae ŋulu egogoŋ ŋakyes. Tolimok ikes ebe,

Osea 10:9

Okoe Isirael, ŋinapei alorwa a ŋulu iyakatar iyes Gibea, irubakis iyes iseceneneete. Nyikirukauni mono iyes ejie, iyes ŋulu itiyaete aronis alo Gibea a?

Ekim. 16:11

Iŋes atemar icunakina iyes aŋuna ka akiŋer Ekapolon. Ŋae mono Aron iŋuruŋurasi iyes neni keŋ.”

Mat. 13:38

Emanikor iŋes akwap. Ŋikinyom ŋulu ajokak ikes ŋidwe ŋulu ka Apukan ka Akuj. Etirwae iŋes ŋidwe a Satan.

Mat. 27:29

Toyeut nai aikit ŋina a ŋikukwa kiwuakis nakou keŋ, kiwuakis akasirimaete daŋ nakan keŋ ŋina aloteten; toryediko nai alokiŋaren keŋ tokyenatar iŋes ebasi, “Maata erwosit a Ŋiyudayan!”

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Ŋitic. 9:4

Kimasar iŋes kwap, kiira etoil ebala neni keŋ, “Saulo, Saulo! Kaanukiro ikisicanitor iyoŋ ayoŋ?”

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋikol. 3:6

Aŋuna a ŋakiro a ŋuna ikote nen, ebuni anyunyura ŋina ka Akuj neni a ŋulu nyepupete ŋakiro keŋ.

Yos. 10:21

Toboŋosi Ŋisirael daadaŋ neni a Yosua alo Makeda emam ŋace. Mam idiotuŋanan abu kirworor Ŋisirael.

2 Pet. 2:13

Etacakinio ikes aronis aŋuna ka aronis a ŋina etiyata ikes. Alakara aneni kec iŋes akitiya ŋinibore daadaŋ naparan ŋini isimwoni ekibure a ŋawat kec. Ikote ikes aŋoryomom ka aaŋoryanut, anerae ejoikinit ikes jik akirworo alyokonu apaki ŋina imujata iyes ka ikes.