Isa. 57:2 - Ebaibul

² ido elomarete ikes lokisil ieŋunete alokicoloŋo kec ŋulu eyarete sek erae ŋulu iyookino.

Isa. 57:2 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

2 Ŋakiro a ŋirwa 16:14

Tonukae iŋes neni sek keris iŋes kebok aŋuna keŋ tooma etaun a Daudi. Apotu ŋituŋa kiperikis akuwan keŋ neni asibit ekitaada, neni ewuakinitae ŋikito ŋulu akukunyok ka ŋamyeta ŋuna akukunyok. Kinokakis ikes akim ŋina apolon nen apaki ŋina egworotor aŋuna keŋ.

Yob 3:17

Ejoŋoete ŋikaronok ayaunit ŋican elomarete nalyalin, ieŋunete ŋulu eupit akitiya.

Ŋikiru. 37:37

Toyenutu ka kiwuapa ŋuna a ŋulu emam ŋuna itoronitere ka kiteto ŋuna a ŋulu iyookino, anerae epote ŋulu eminasi ekisil akiboi emam ŋace.

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

Isa. 14:18

Eperete ŋirwosi a ŋakwapin daadaŋ analyalin kec ka anapolou kec, eperi ŋinituŋanan analyal keŋ,

Isa. 26:7

Esulut erot a ŋituŋa a ŋulu iyookino. Okoe Ekapolon ŋolo iyookino, itusulutut iyoŋ erot a ŋulu iyookino.

Yer. 6:16

Alimu Ekapolon ŋakiro nu, “Towua anakiryamiryamet a ŋirotin, ido kiŋolikis, kiŋita neni eya ŋirotin ŋuluŋorok, neni eyai erot ŋolo ajokan, ido tomekisi iŋes, iryamunete akieŋun ŋina a ŋitai kus ŋina a ajokan. Nai apotu ŋituŋa temasi, ‘Nyikimekini isua erot ŋol.’

Esek. 32:25

Eturuwosi ikes Elam ekitaada ŋolo eyai neni a ŋulu aari kaapei ka ŋajoresyo kec daadaŋ, eturuwosi ikes Elam neni irimokinito ŋalyalin kec kidiŋ, erae ikes daadaŋ ŋulu nyenupito neni ka Akuj, ŋulu aaryo a ekileŋ, anerae apotu ikes kielakis ekabule nakwap a ŋituŋa a ŋulu eyarete. Idaŋidaŋete ikes ŋileec kec kaapei ka ŋituŋa ŋulu alomasi nakipany, iperikinitoe ikes neni eya ŋulu aponi toarae.

Dan. 12:13

Nai iyoŋ Daniel, torubak irae ŋolo ikinyoma tari nasalunet, tari kitwana daŋ, iyaruni iyoŋ ikotere iryamuni eropit kon akoloŋit ŋina esidyon.”

Mat. 25:21

Tolimok ekapolon iŋes tema, ‘Ikoŋina! Irae iyoŋ eketiyan ŋolo ajokan ka ŋolo ikinyoma. Ikwaŋina ibunio iyoŋ tojokyaror anakicuruta a ŋina edit, ekewuakini iyoŋ nakicuruta ŋina apolon. Bua olakaros kaapei ka ayoŋ.’

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Luk. 16:22

“Totwan ekulyakit ŋol, yaasi ŋimalaikan iŋes kisiboikis diyete Aburaam anakuj. Totwan ekabaran daŋ, tonukae.

Luk. 2:29

“Iyook tokona iyoŋ Ekapolon akiikinet kon, kimyekinae nai ekoniketiyan eeŋu a ekisil.

Luk. 7:50

Tolimok Yesu aberu tema, “Ikiteyar iyoŋ anupit kon, tolot ke ekisil.”

2 Ŋikor. 5:1

Ikiyeni iwon atemar, ani ŋina inyasunor eema lo--akuwan yok ŋina esaluni--eyakaunor Akuj akai aŋuna yok nakuj, akai ŋina adau iŋes alope akitemokin, ŋina a ŋikaru ka ŋikaru.

2 Ŋikor. 5:8

Ikiyakar isua atitinyu, ido ikiburit isua nooi akimyekin ekuwane lo, ido oruko ke Ekapolon anakuj.

Ŋipil. 1:23

Nyayeni ayoŋ ewae ŋolo aseuni. Ekeburit ayoŋ aesikin akiyar na, ido oruko ka Kristo, anerae ejok nooi arukit ka Kristo;

Akis. 14:13

Abu eira etoil anakuj ebala, “Kigir nu: erereŋ ŋituŋa ŋulu etwakete anakijaanakin Ekapolon ameun tokona!” Toboŋok Etau tema, “Ee, kire jik! Ieŋunete ikes alocan kec, anerae erukorete ikes ka ŋiticisyo kec.”