Isa. 57:18 - Ebaibul

¹⁸ Eŋolik ayoŋ ŋuna ewuapito ikes, nai etaŋaleuni ayoŋ ikes. Ariki ayoŋ ikes enyakak neni kec akiboi ka alakara, ainakini ŋulu igworosi aŋuna kec toeoto.

Isa. 57:18 Iomraidhean Croise

Ŋikiru. 23:2

Ekemyekini iŋes ayoŋ eeŋu a lonya a ŋulu alibak; eketenari iŋes ayoŋ neni eya ŋakipi ŋuna aliwak nooi.

Ŋikiru. 51:12

Kinyakakinae ayoŋ alelyanu ŋina ka aiuno a ŋina aryamuni ayoŋ aneni kon, inakinae ayoŋ etau ŋolo iwuapit ŋakiro kon.

Ŋikiru. 94:19

Ŋinibore abunio ayoŋ otamatama nooi alocan kaŋ, ibu iyoŋ ikisirworiu ayoŋ, ikiinak alelyanu.

Ekal. 9:4

Nai ituŋanan daadaŋ ŋini eriŋa eyari anakwap a na a ŋina eyakasi ŋituŋa ŋulu eyarete, eyakar ituŋanan ŋin akigeno, toyenete atemar ejok eeŋok ŋolo eyari akilo eŋatuny ŋolo etwanit.

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 19:22

Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 51:12

Arae ayoŋ ŋolo ekesirworiuni iyes; kaanukiro nai ikuryanitotor iyes aŋuna a ŋituŋa a ŋulu epedorete atwakare, a ŋituŋa a ŋulu eŋopiyarete lopite ŋolo eŋopiyareta ŋinya?

Isa. 52:12

Nyilosete iyes ikirikirasi ka nyilosete iyes ikerete, anerae ikiŋarenikini Ekapolon iyes ka eruwor Akuj a Isirael ikiyokuunit iyes alokaku.

Isa. 53:5

Nai aponi iŋes towanawanae aŋuna abilere iwon ŋikisila, aponi iŋes toarae aŋuna a ŋasecisya yok; aponi iŋes kisicanae aŋuna yok, aŋuna aŋajemei keŋ, adaun akitaŋaleun iwon.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 58:11

Ikiyoki Ekapolon iyes a ŋinapaki, ikiinakini iŋes iyes ibore daadaŋ ŋini iitanito iyes tari anakiboisyo a ŋuna erae ŋalaroi, itogogoŋi iŋes ŋakoyo kus. Ikwaanikinosi nai iyes ka emanikor ŋolo eya ŋakipi ŋuna itemokino, ikwaanikinosi iyes ka eitanit a ŋakipi ŋolo nyijuwanari jik.

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 3:22

Toboŋutu iyes ŋituŋa ŋulu emam akikinyoma, eketojokuni ayoŋ iyes anakiro aŋuna iponiata ikiŋeryoto ayoŋ. “Irworosi iyes ibasi, ‘Isua lu ikiboŋu neni kon, anerae irae iyoŋ Ekapolon Akuj kosi.

Yer. 30:17

Eketojokuni ayoŋ iyes nabo, ka etiiyori ayoŋ ŋajemei kus, anerae ikinyarata ŋimoe kus iyes ebe, ‘Erae ikes ŋulu ilamitae, ilamitae Sion, mam ituŋanan emisit iŋes.’ ”

Yer. 31:3

abu ayoŋ otakanu neni kec aneni alwanan. Adau ayoŋ aminakin iyes ka amina a ŋina a ŋikaru ka ŋikaru, aŋun, arubak ayoŋ ekekinyomit iyes.

Yer. 33:6

Kikote neni daŋ, enyakakini ayoŋ ajokis ka a ŋaleu lotuŋa a etaun a lo, etojokuni ayoŋ ikes, esileerek ikes abaru ŋina alalan ka akiboi ejok.

Sakar 1:13

Aŋun, abu Ekapolon kirwor neni ke emalaika a ŋolo ikirworo ka ayoŋ ŋakiro ŋuna etalakarak ka ŋuna esirworiunak.

Luk. 15:20

Tonyou nai iŋes, tolot neni a papa keŋ. “Ani eriŋa iŋes elwana, towuat papa keŋ iŋes ebunit kisyoni iŋes, kikomak kisiryamia, totunakin, tonu iŋes.

Ŋirom. 5:20

Abu Akuj kitolomu Ŋikisila aŋuna ka akiyatakin asecit, anerae aponi iŋes kisileereunoe; nai neni abunio asecit kiyatakinor, abu ajokis ŋina ka Akuj kiyatakin nooi adepar.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”