Isa. 57:15 - Ebaibul

¹⁵ Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 57:15 Iomraidhean Croise

Akisy. 21:33

Todupak Aburaam ekitoe ŋolo ikwaan ka ekwaakwaa Beeriseba, ido tonyara a nen ekiro ŋolo ke Ekapolon, Akuj ŋina a ŋikaru ka ŋikaru.

1 Ŋirw. 8:27

“Nai ipedori mono kire iyoŋ Akuj akiboi alokwap ka ŋituŋa a? Ŋina nyelolomya tari nakuj daadaŋ akiboiyo iyoŋ, ikokini nai Akai ka Akuj ŋina aduku ayoŋ epedori akitemokin iyoŋ akiboiyo ai?

2 Ŋakiro a ŋirwa 34:27

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

Yob 22:29

Elemanari Akuj akituro a ŋulu iturosi, ido eiununui ŋulu itiditeuna bon.

Yob 6:10

Ani kerae kitiya Akuj ŋun, keruwor ŋun alakar aneni kaŋ ka ayakau alelyanu nooi tari kayakar aryeba ŋina apipilan nooi; anerae nyeŋero ayoŋ ŋakiro ŋuna ka a Akuj a ŋina asegan,

Ŋikiru. 111:9

Abu Ekapolon tolaku ŋituŋa keŋ; kiwuak acamunet ŋina a ŋikaru ka ŋikaru ka ikes. Erae iŋes ŋolo eseg ka ŋolo ekerer.

Ŋikiru. 115:3

Eyai Akuj yok nakuj; itiyae daadaŋ ŋuna italakarito iŋes.

Ŋikiru. 123:1

Neni kon Ekapolon erereunit ayoŋ, neni kon a ŋolo ipukat anakuj.

Ŋikiru. 138:6

Tari daŋ keyai Ekapolon kidiama, iŋarakinit iŋes ŋulu epapanunito, nai ite iŋes aneni alwanan nooi ŋiketurok itiyaete ŋuna aronok.

Ŋikiru. 138:7

Tari daŋ kayai ayoŋ locan, ikiiunit iyoŋ ayoŋ iretakinit iyoŋ ka apedor kon anyunyura a ŋimoe kaŋ a ŋulu ekemanito ayoŋ. ikiunit iyoŋ ayoŋ a apedor kon.

Ŋikiru. 147:3

Isimukekini ŋulu amamukaun amukeo alotai kec, imaduni ŋulu ewanan.

Ŋikiru. 34:18

Eapi ekapolon aneni a ŋulu amamukaun amukeo alotai, ido eiununui ŋulu amamukaun akigeno alotai.

Ŋikiru. 34:19

Eryamununui ituŋanan ŋini iyookino ŋican ŋulu alalak, nai eiununui Ekapolon iŋes alocan a ŋul a daadaŋ.

Ŋikiru. 51:17

Ŋamuronisya ŋuna ecamit Akuj, ikes ŋuna a ŋituŋa a ŋulu itiditeuna alotai kec. Okoe Akuj, nyiŋeri iyoŋ ŋituŋa ŋulu itiditeuna ka ekiito alotai kec.

Ŋikiru. 51:19

Ikiponi nai isua ainakin iyoŋ ŋamuronisya ŋuna iyookino ŋuna ikitalakarete iyoŋ ka ŋainakineta ŋuna epeyo ŋuna ikitalakarete iyoŋ; ido earyo isua ŋimoŋin namuroet kon erae amuronot.

Ŋikiru. 83:18

Kimyek ikes toyenut atemar iyoŋ bon ŋolo erae ekiro kon Ekapolon iŋes erae ŋolo alokidiama nooi, ŋolo ipukat akwap daadaŋ.

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Ŋikiru. 93:2

Iberakin koloŋ sek iyoŋ akiwuakin apukan kon; iyai iyoŋ ŋinapei koloŋ sek.

Ŋikiru. 97:9

anerae iyoŋ, okoe Ekapolon irae ŋolo alokidiama nooi, ipukat iyoŋ akwap daadaŋ; ikitopolooritae iyoŋ nooi akilo ŋakujo daadaŋ.

Ŋikiru. 99:3

Emaikina ŋituŋa kipuro ekiro kon ŋolo apolon nooi ŋolo ailiilon. Erae iŋes ŋolo Eseg!

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 15:13

Anamina kon a ŋina nyiryaŋiryaŋa, itenari iyoŋ ŋituŋa kon ŋulu idau iyoŋ alakun. Anagogoŋu kon ke elope, itenari iyoŋ ikes nakibois kon ŋina asegan.

Awos. 15:18

Iyoŋ Ekapolon irubakini irae ekepukan ŋolo a ŋikaru ka ŋikaru.”

Awos. 40:34

Ekaku, kimuko edou Eema ŋolo iryamununoi, kilelebikin akica ŋina ke Ekapolon ŋina akwaŋan kya tooma Eema ŋolo iryamununoi.

Awos. 40:35

Todaun Moses epite ŋolo elomarya tooma Eema ŋol, anerae abu edou kimuko Eema ŋol ka abu akica ŋina ke Ekapolon kilelebikin tooma Eema ŋolo iryamununoi.

Ŋakit. 16:19

Ejok aruwor ituŋanan ŋini iapara alotau torukito ka ŋikulyak, akilo aryamunun aneni a ŋiketurok ibore ŋini eŋatunitae.

Ŋakit. 8:23

Aponi ayoŋ okosubun anakisyakinet, arae ayoŋ ekesyaunio asubun eriŋa akwap nyeyakauna.

Isa. 18:4

Ŋakiro ŋuna akalimoki ayoŋ Ekapolon ikes nu, “Eŋoliuni ayoŋ ekililiŋat anakibois kaŋ, lopite ŋolo emwanunia akoloŋ ekililiŋat, lopite ŋolo emwanunia nakwaare kikopik akwap apaki ŋina elemere.

Isa. 33:5

Itopolooritae Ekapolon, iboi iŋes alokidiama; elelebik iŋes Sion akitub ŋakiro anakiyookino ka elelebik akiyookino.

Isa. 40:28

Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Isa. 52:13

Kiirasi, isiyookini eketiyan kaŋ etic keŋ, itopolooryo iŋes ka epoloor akilo daadaŋ.

Isa. 6:1

Alokaru a ŋolo atwania erwosit Usia, abu ayoŋ eŋolik Ekapolon iboi alokicoloŋ keŋ a ŋolo ka apukan, ikiara ka itopolooritae, ileleba ekaaso keŋ Kai ka Akuj daadaŋ.

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Isa. 63:15

Ekapolon kiŋoliu alokidiama, ido ikiŋolik, kiŋoliu anakibois kon a ŋina asegan ka a ŋina ka apolou. Ai eyai alelakinit kon isua ka apedor kon ŋina etiron? Ai eyai arimao ŋina a etau kon ka akisyon kon? Ilema iyoŋ ŋun aneni kaŋ.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Aum. 3:41

Elipa a ŋitai yok a daadaŋ neni ka Akuj a ŋina eyai nakuj, ikikyaarit ŋakan ikibala,

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 9:4

tema neni keŋ, “Ape kirimok Yerusalem daadaŋ, kiwuanak emacar loreetin a ŋituŋa a ŋulu iyaloloŋete ka ŋulu igworosi aŋuna ka asiilyo a daadaŋ a ŋina itiyao alo Yerusalem.”

Dan. 2:11

Etyoko nooi ŋakiro ŋuna iŋita erwosit, mam ituŋanan epedori akisileereun neni a erwosit mati ŋakujo bon ŋuna nyiboiyete ka ŋituŋa.”

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Yoel 2:13

Tokodosi ŋitai kus, nyicila ŋilowi kus. Toboŋutu neni ke Ekapolon Akuj kus, anerae ejok iŋes ka isyoniono, nyeŋoyenene atipei, epol nooi amina keŋ ŋina nyiryaŋiryaŋa, etenit iŋes jwi jwi akisyon akilo akisican.”

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Mat. 6:9

“Itemokino kilipeneneete ikona: ‘Papa kosi ŋolo iyai nakuj; Ekonikiro tokeritetei,

Luk. 1:49

anerae Akuj ŋina ka apedor eketiyak ayoŋ ŋakiro ŋuna apolok, eseg ekiro keŋ.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Ŋitic. 3:14

Arae iŋes ŋolo ka Akuj ka eyookino, nai ipotu iyes toŋero ka kiŋita Pilato alacakin ekaaran.

Ŋirom. 1:20

Emam ituŋanan epedori akiŋolikin Akuj. Nai ŋinapei koloŋ asubunia Akuj akwap, epedorete ŋituŋa ayenun apedor keŋ ŋina nyedaun ka akujuwuanut keŋ aloboro a ŋulu esubunit iŋes. Aŋun, emam epite ŋolo erimakinere ikes.

2 Ŋikor. 1:4

Ikiŋaranakini iŋes iwon alocan yok a daadaŋ, ikotere opedoryata akiŋarakin ŋuluce, ŋulu eyakatar ŋican kan akiŋarakinet ŋinapei abu Akuj ikiinak iwon.

2 Ŋikor. 2:7

Nai akilo, itemokino kisyonioto ka kimaimaa iŋes, ikotere nyesuro etau keŋ nooi, ido toluŋakin jik.

2 Ŋikor. 7:6

Nai, abu Akuj ŋina emaimaan ŋulu esiliyorito ikitogogoŋ isua apaki ŋina adolunio Tito.

Ŋikis. 33:27

Akuj ŋinaruba iŋes erae akaiunan kus, abu iŋes tomunya anakwap ŋajorei ŋunakoloŋ, abu kirita ŋimoe kus alokiŋaren kus, ido tema, “Tomunyasi!”

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.