Isa. 57:13 - Ebaibul

¹³ Ani ikalounete iyes icamito akiŋarakino, emaikina ŋakujo ŋuna irirato iyes ikilakut iyes. Iwokori ekuwuam ikes neni alwanan, ekutari ekieŋanu ikes nariet. Nai ŋini ekekinyomi ayoŋ, ebuni neni kaŋ aiuno, eryamuni akibois anakwap, eruwor emoru kaŋ ŋolo asegan akibois keŋ.

Isa. 57:13 Iomraidhean Croise

2 Ŋirw. 3:13

Abu Elisa kiŋit erwosit Yeoram ŋolo a Isirael tema, “Inyoni iitanit iyoŋ aneni kaŋ? Tolot lokadwarak a papa kon ka toto kon.” Nai tolimok erwosit a Isirael iŋes tema, “Mam, erae Ekapolon ikinyarau isua ŋirwosi ŋiuni akitaar ŋituŋa a Moab.”

Yob 21:18

Ŋarwa ŋayai eryamunitotor ikes ŋican lopite ielielya ekuwuam ŋanya? Kori lopite ŋolo ekutarya ekuwuam ŋolo ekusi nooi ŋamilo?

Ŋikiru. 1:4

Nyikote ŋulu aronok nen, nai ikote ikes ŋamilo ŋuna ekutanari ekuwuam nariet.

Ŋikiru. 118:8

Ejok akikinyom Ekapolon, akilo akikinyom ŋituŋa.

Ŋikiru. 125:1

Ikes ŋulu ikinyomito Ekapolon, ikwaan ka emoru Sion, ŋolo emam ibore iryaŋiryaŋanakini, nai itiirae jik ŋikaru ka ŋikaru.

Ŋikiru. 37:11

Nai eruwor akwap ŋina a ŋulu iapara ka eryamunete ikes ebari ka eyakaunosi lokisil.

Ŋikiru. 37:22

anerae ikes ŋulu iterereŋit Ekapolon, eruwor akwap ŋina kec. nai ikes ŋulu icenen aneni ke Ekapolon, emunyaryo aneni a ŋuluce.

Ŋikiru. 37:29

Eruwor akwap ŋina a ŋulu iyookino, ido iboiyete ikes anakwap a ŋin ŋikaru ka ŋikaru.

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Ŋikiru. 37:34

Kikinyoma Ekapolon ka kiwuapa ŋakiro keŋ, ido ikitalakari iŋes iyes, ikiinakini akwap toruwor ŋina kus; iŋolikinete iyes emunyaryo ŋulu aronok.

Ŋikiru. 37:9

anerae emunyar ŋulu aronok, nai ikes ŋulu ikinyomito Ekapolon, eruwor akwap ŋina kec.

Ŋikiru. 58:9

Ani eriŋa ŋulu aronok nyeyenuna, elemaryo ikes ikwa edowan; emunyari Akuj ikes anaŋoit keŋ a ŋina aryenyaanan. Epyaari Akuj ikes eriŋa esorokoka elelakinito akitiya aronis.

Ŋikiru. 84:12

Okoe Ekapolon ŋolo a ŋajoresyo, erereŋ ŋituŋa daadaŋ ŋulu ikikinyomito iyoŋ.

Ŋakit. 28:25

Ŋikanyamak ikes isyanakinete egurigur, nai ituŋanan ŋini ikinyomi Ekapolon, einakinio akiyar ŋina ajokan.

Isa. 11:9

Alomoru kaŋ a ŋolo asegan, mam nyearasi kori nyewanasi ikes, anerae ilelebikin lotuŋa daadaŋ aosou ŋina ke Ekapolon, lopite ŋolo ilelebakatar ŋakipi nanam.

Isa. 14:32

Anukiro eboŋokinio neni a ŋituŋa a ŋulu iyakuunitae alo Pilistia? Eboŋokinio ikes atemar etogogoŋ Ekapolon Sion ka eryamunete ŋituŋa ŋulu eyakatar akiitanit neni eiunotor.

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Isa. 40:24

Ikwaan ŋikepukak ŋul ka ŋikito ŋulu ariŋa edupakinio ikwaan ikes ka ŋikinyom ŋulu ariŋa eekinio tolomut, ani apaki ŋinapei eremoryata ikes ŋataagor kwap, eyauni Ekapolon ekuwuam neni kec, ido kitiiniya, tosodi ani ekutuni ekuwuam ŋolo ipiripiri, kiwok ikes ikwa ŋamilo.

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 49:8

Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Isa. 56:7

ayaari ayoŋ ikes lomoru kaŋ ŋolo asegan, oinak ikes alakara alokai kaŋ a ŋinakilipet. Ecamunio ŋainakineta kec ŋuna epeyo ka ŋamuronisya kec anamuroet kaŋ, anerae enyarao Akai kaŋ Akai ŋina ilipyata ŋituŋa daadaŋ.”

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 65:11

Nai ani eruwor iyes ŋulu iŋerito Ekapolon, ŋulu ikimuryak emoru kaŋ ŋolo asegan iyes ŋulu ilipete neni a ŋakujo ŋuna a ŋabaatyo ka ŋuna a ŋakiro a ŋuna etakanunete,

Isa. 65:25

Eryamunete epeot ka ikale akimuj anakibois kaapei, enyami eŋatuny ŋinya ikwa emoŋ, nai eruwor akimuj a emun apuwa. Nyewanio ikes, kori nyemunyaryo ikes alomoru kaŋ a ŋolo asegan.”

Isa. 65:9

Ayauni ayoŋ ŋiletok aneni a Yakob ka ayauni aneni a Yuda ŋulu einakinio emoru kaŋ toruwor ŋolo kec, eruwor nen neni a ŋituŋa kaŋ a ŋuluseuna ka iboikinosi ŋiketiyak kaŋ nen.

Isa. 66:20

Eyaunete ikes ŋiyeneta kus daadaŋ anakwapin a daadaŋ erae ainakinet neni ke Ekapolon iwuokito a ŋaŋolei ka a ŋagaari a ŋuna iritae a ŋaŋolei, a ŋitak a ŋaŋolei, a ŋaŋolei-sigirya ka a ŋikaala, eyaunete ikes ŋituŋa ŋul lomukura kaŋ ŋolo asegan Yerusalem, lopite ŋolopei eyaununiata Ŋisirael ŋainakineta a ŋikinyom, a ŋiboro a ŋulu asegak Kai a Ekapolon.

Yer. 2:28

Nai ai eyakasi ŋakujo kus ŋuna ipotu iyes kitiyaut aŋuna kus? Kimyekisi ikes potu kepedorete ikes aiun iyes apaki ŋina iyakatar iyes locan, anerae iyakatar iyes ŋakujo ŋuna alalak ŋuna etya ŋitaunio ŋulu iyakatar iyes, okoe ŋituŋa a Yudaya.

Yer. 22:20

“Okoe ŋituŋa a Yerusalem, kitipeiyosi Lebanon kigworo a nen, toloto Basan kigworo a nen icelasi, kioroutu alo Abarim, anerae amunyar ŋituŋa ŋulu iminin ka iyes daadaŋ.

Yer. 22:22

Ekutari ekuwuam ŋikepukak kus daadaŋ, erikoryo ŋituŋa ŋulu iminin ka iyes nakwap ace, tosodi ikirumete iyes ŋileec ka ikikadakini iyes aŋuna ka aronis kus.

Yer. 30:14

Imuryakinosi iyes aneni a ŋulu ikiminasi iyes nyeriŋa ikes ikimisito iyes, anerae ekesican ayoŋ iyes lopite ŋolo isicanere emoit, ekesican ayoŋ iyes lopite ŋolo isicanere emoit ŋolo nyisyoniono anerae epol nooi aronis kus ka elalak nooi ŋasecisya kus.

Esek. 20:40

“‘Anerae alokidiama emoru kaŋ ŋolo asegan, emoru ŋolo eoya alo Isirael, epote Ŋisirael daadaŋ akitiyanakin ayoŋ ka acamuni ayoŋ ikes a nen, ido a nen, eiitani ayoŋ aneni kus ŋamuronisya, ŋainakineta ŋuna ajokak ka ŋiboro kus daadaŋ ŋulu italeunitoe

Osea 13:3

Aŋun, ikwaanikinosi ikes ka ekuno ŋolo ka ataparacu, kori ŋakopi ŋuna eŋopiyarete atipei eriŋa ataparacu, ikwaanikinosi ikes ka ŋamilo ŋuna ekutari ekuwuam analos, kori apuru ŋina ipwororit alodirisa.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Sakar 7:13

Ikwapei aponiata ikes nyiirasi ŋakiro kaŋ apaki ŋina erworor ayoŋ, abu ayoŋ daŋ nyaboŋok ŋakiro kec apaki ŋina elipatar.

Ŋikat. 10:14

Apesi kigworonokisi ŋakujo ŋuna idaut iyes aseun akiwuap. Kimyekisi ikilakut ikes iyes apaki ŋina iyakatar iyes locan.”