Isa. 56:3 - Ebaibul

³ Nyemaikina igelaanot ŋini iboiyete kaapei ka iyes elimuni ebe, “Kire jik, akatyakari Ekapolon ayoŋ alotuŋa keŋ.” Nyemaikina ekolup elimuni ebe,

Isa. 56:3 Iomraidhean Croise

2 Ŋakiro a ŋirwa 6:32

“Ikwaŋinapei, ani keya ŋituŋa ŋulugelae ŋulu nyerae ŋipei ka ŋituŋa kon Ŋisirael, ŋulu eponito anakwap ka ace a ŋina alwanan aŋuna ke ekiro kon a ŋolo epol nooi ka aŋuna a ŋiticisyo kon a ŋulu itiya iyoŋ a ŋulu ka aumokin ka ŋuna ka apedor kon ka ŋuna itenitor akiŋarakin; ani kepotu ŋituŋa ŋul, kilipa iŋoliunito Kai na,

Esta 9:27

apotu Ŋiyudayan kitutubo erae etal kec, ŋolo a ŋiletok kec ka ŋolo a ŋinituŋanan eruwor Eyudayat, atemar emam ikes akisimuryakin akiric ŋirwa ŋuluarei ŋul a ŋolokaru. Emaikina kitiyata lopite ŋolo igiritere ka anapaki a ŋina emaikina kitiyaere.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 39:7

tari ŋiletok kon ŋice ŋulusapa erikoryo kitokolupanae, toruworos ŋiketiyak alokai a erwosit a Babilon.’ ”

Isa. 56:5

ainakini ayoŋ ikes ŋirorwa ŋulu etamunitae jik alo Kai kaŋ ka alotooma ŋarwatatain kaŋ, ŋirorwa ŋulu iloito tari ŋulu a ŋidwe a ŋulusapa ka ŋulupesur. Ainakini ayoŋ ikes ekiro ŋolo a ŋikaru ka ŋikaru ŋolo nyepedoryo alemar.

Isa. 56:6

“Tosodi ŋigelaanotin ŋulu eruworosi ŋulu a Ekapolon, ŋulu elimonokinete ŋakiro keŋ, ŋulu eminakinete ekiro a Ekapolon ka ŋulu eruworosi ŋiketiyak keŋ, ikes daadaŋ ŋulu itopoloorito akoloŋit ŋina a Sabato tomam akiyany akoloŋit ŋin, ido kiricakinito a ŋinapaki acamunet kaŋ,

Yer. 50:5

Iŋisete ikes ŋituŋa neni eyai erot ŋolo elosere Sion kiteorito ina, epote nai ikes kimorikinos ke Ekapolon alotooma acamunet ŋina a ŋikaru ka ŋikaru, acamunet ŋina nyimuryakin nabo.

Ŋilep. 21:20

kori ŋolo eyai aruk, kori ŋolo earit auruwuanut, kori ŋolo emunaara iwace anakonyen, kori ŋolo eyakar edeke ŋolo ipyono, kori ŋiipu, kori ŋolo idoŋitoe.

Ŋilep. 25:45

Ipedorete iyes aryamun ŋipi kus ŋice aneni a ŋigelaanotin a ŋulu iboiyete ka iyes ka alotuŋa kec a ŋulu idounitoe anakwap kus, eruwor ikes ŋipi kus.

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Ekim. 18:4

Emaikina iyoŋ kitiyata ka ikes ikotere iteete eema ŋolokilipet ka itiyaete ŋiticisyo daadaŋ aloeema, mam ituŋanan ŋinigela ŋini emaikina toapu neni kus.

Ekim. 18:7

Nai iyoŋ ka ŋidwe kon ŋulusapa kitiyata ejok ŋiticisyo kus ŋulu ka asacaradotonu alotooma daadaŋ ŋuna iitana anamuroet ka anakibois a ŋina asegan nooi. Akainak ayoŋ iyoŋ asacaradotonu ikwapei ainakinet, ituŋanan ŋinigela daadaŋ ŋini eapuuni nen, emaikina toarae.”

Ŋitic. 10:34

Togeu Petero erwor tema, “Tokona ayenu ayoŋ kire atemar nyetyakatyakat Akuj ŋituŋa;

Ŋitic. 17:4

Tonupa ŋice alokidiŋ kec, toriwo neni a Paulo ka Silas. Tonupa daŋ Ŋigirik ŋulu alalak ŋulu ainakina neni ka Akuj, kaapei ka ŋaberu ŋuna alalak ŋuna apolok alotaun.

Ŋitic. 18:7

Torotok iŋes alosinagoga tolot, akiboi kai a Tito Yusito. Arae Tito ekile ŋolo ainakina neni ka Akuj ka pa arae Eyudayat. Aapi akai keŋ alosinagoga.

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

1 Ŋikor. 6:17

Nai ituŋanan ŋini imorikinosi ka Ekapolon, eruworosi epeitau ka iŋes.

Ŋiep. 2:12

Apaki ŋin, pa iyenete iyes Kristo. Iraakasi iyes ŋigelaanotin, nabo pa iraakasi iyes ŋipei ka ŋituŋa ŋulu seuna ŋulu ka Akuj. Pa ikimarakinitae iyes Nacamuneta ŋuna esileereunito ŋakiikineta ŋuna ka Akuj neni a ŋituŋa keŋ, ido iboiyete iyes anakwap a na emam akigeno ka emam ayenut Akuj.

Ŋiep. 2:22

Alotooma akimorikina ka Kristo, ikidukokin iyes daŋ kaapei ka ŋuluce naduketait ŋina iboiyo Akuj alotooma Etau keŋ.

Ŋikis. 23:9

Ani iperikinito iyes ŋimoe kus, tocoito nyeyai idiobore ŋini epedorere akitoroniyarya iyes.

1 Pet. 1:1

Ayoŋ Petero, ekiyakia a Yesu Kristo, egirit abaruwa na neni a ŋituŋa a ŋulu seuna a ŋulu ka Akuj, a ŋulu erae ŋikawuotok ka ielakina nakwapin nu: Ponito, Galatia, Kapadokia, Asia ka Bisinia.