Isa. 56:2 - Ebaibul

² Erereŋ ituŋanan ŋini itiyae nu, ŋini iricakini nu a ŋinapaki: Ŋini itopoloorit akoloŋit ŋina a Sabato, ŋini nyiyanyi akoloŋit ŋin ka ŋini nyitiyae aronis adio akoloŋit ŋin.”

Isa. 56:2 Iomraidhean Croise

Neem. 13:17

Abu nai ayoŋ eŋenyak ŋikapolokinitok ŋituŋa eŋit otema, “Anukiro nu ŋuna aronok ŋuna itiyaete iyes nu, ŋuna ijamuwaryata iyes akoloŋit ŋina a Sabato?

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 112:1

Kipuroe Ekapolon! Erereŋ ŋituŋa ŋulu itopoloorito Ekapolon, ŋulu elakara anakiwuapit ŋakiciketa keŋ.

Ŋikiru. 119:101

Nyitiya ayoŋ ŋakiro ŋadi ŋuna aronok aŋuna acamitor akiwuap akirot kon.

Ŋikiru. 128:1

Elakara ituŋanan daadaŋ ŋini itopoloorit Ekapolon, ŋini iwuapit ŋakiro a Ekapolon.

Ŋikiru. 34:14

itemokino iŋes toesik akitiya ŋuna aronok, ido kitiya ŋuna ajokak; itemokino iŋes kiwar ekisil a etau keŋ a daadaŋ.

Ŋikiru. 37:27

Toŋero aronis, kitiyata ajokis; ido erubakinete ŋiletok kus iboiyete anakwap kus,

Awos. 20:10

Nai akoloŋit ŋina a ŋakanikaarei erae Sabato, akoloŋit ŋina ke Ekapolon Akuj kus; akoloŋit ŋin, nyitiyata etic edio: Nyitiyata iyes, nyitiyaete tari ŋidwe kus ŋulusapa, kori ŋulupesur, ŋiketiyak kus, kori ŋaketiyak kus, ŋibaren kus, kori ŋituŋa ŋulugelae ŋulu iboiyete alotaun kus,

Awos. 20:8

“Totamunito akoloŋit ŋina a Sabato, ido kituruworito iŋes ŋina asegan.

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 16:17

Iwuapito ŋulu iyookino ŋakiro ŋuna nyitolomarete ikes naronis, ituŋanan ŋini iyokiuno bon, iyokiunit akiyar keŋ.

Ŋakit. 16:6

Isyoni Akuj ŋasecisya a ŋituŋa erae keminanara ka kerimaaka ŋituŋa, ido ani kitopoloo ituŋanan Ekapolon, eŋeri akitiya aronis.

Ŋakit. 4:13

Kiric ŋuna ikilimokin, nyimyek ŋun ikimuryakis; kiyokite ŋuna ka aosou, anerae erae aosou akiyar kon.

Ŋakit. 4:27

Nyitiyae ŋuna iyookino ka ŋuna aronok, torubak itiyae ŋuna iyookino bon.

Ekal. 7:18

Nyiryamu idio a ŋul ŋini epol adepar. Epedorete ŋituŋa ŋulu itopoloorito Akuj akiŋer aryamun idio a ŋul ŋini epol adepar.

Isa. 56:4

“Ikikwaan ayoŋ ka ekitoe ŋolo eonit,” anerae alimu Ekapolon ŋakiro nu, “Ŋikolupanotin ŋulu itopoloorito akoloŋit ŋina a Sabato, ŋulu itiyaete ŋakiro ŋuna eketalakarito ayoŋ ka ŋulu iricito a ŋinapaki acamunet kaŋ,

Isa. 56:6

“Tosodi ŋigelaanotin ŋulu eruworosi ŋulu a Ekapolon, ŋulu elimonokinete ŋakiro keŋ, ŋulu eminakinete ekiro a Ekapolon ka ŋulu eruworosi ŋiketiyak keŋ, ikes daadaŋ ŋulu itopoloorito akoloŋit ŋina a Sabato tomam akiyany akoloŋit ŋin, ido kiricakinito a ŋinapaki acamunet kaŋ,

Isa. 58:13

Ani pa kibila iyes akiciket ŋina ka akiricakinit akoloŋit ŋina a Sabato, pa kiwuap iyes ŋuna icamito iyes ŋikulepek alotooma akoloŋit kaŋ ŋina asegan, ani kinyarata iyes Sabato akoloŋit ŋina ka alakara, ani kinyarata iyes akoloŋit ŋina asegan ŋina a Ekapolon akoloŋit ŋina itopolooritae; ani kitopoloosi iyes iŋes anaesikin akitiya ŋuna icamito iyes ŋikulepek, kori anaesikin akitiya ŋuna ikitalakarito iyes, kori akiwarit akitiya ŋuna kus a ŋikulepek,

Esek. 20:12

Abu daŋ ayoŋ oinak ikes akoloŋit ŋina a Sabato ikwapei akoloŋit ŋina itoodiunit acamuna kaŋ ka ikes, ikotere eyenete atemar arae ayoŋ Ekapolon ŋolo abu eturuwo ikes ŋituŋa ŋulu asegak.

Esek. 20:20

Kiyokito akoloŋit ŋina a Sabato erae ŋina eseg, ikotere eruwor akitoodikinet ŋina ka acamunet kaŋ ka iyes. Ŋun nai iyenuniata iyes atemar arae ayoŋ Ekapolon Akuj kus.’

Ŋilep. 19:30

Totamunito Sabato kaŋ, ido kitopoloorito akibois kaŋ ŋina asegan. Arae ayoŋ Ekapolon.

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Luk. 12:43

Erereŋ eketiyan ŋolo ŋina ebunio ekeekapolon, toryamu iŋes itiyae ikoŋina!

Yoa. 13:17

Ani kiyenete iyes nu, irereŋ iyes erae kitiyata nu.

Ŋirom. 12:9

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.