Isa. 56:1 - Ebaibul

¹ Alimu Ekapolon ŋakiro nu, “Torubakisi irae ŋulu iyookino ka kitiyaete ŋuna iyookino, anerae aapuu ayoŋ aiun iyes, ido itoodiunio alotooma apaki ŋina eapi ŋuna ka alakun ayoŋ iyes.

Isa. 56:1 Iomraidhean Croise

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 50:23

Eketopoloorito ayoŋ ŋituŋa ŋulu eponeneete alakara neni kaŋ ituruworito alakara kec amuronot neni kaŋ; ikes ŋulu iwuapito ŋakiro ŋuna ka akiyookino, etoodikini ayoŋ ikes aiuno kaŋ.”

Ŋikiru. 85:9

Kire, etenit Akuj aiun ŋulu itopoloorito iŋes, ikotere erubakini apolou keŋ eyai nakwap yok.

Isa. 33:5

Itopolooritae Ekapolon, iboi iŋes alokidiama; elelebik iŋes Sion akitub ŋakiro anakiyookino ka elelebik akiyookino.

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Isa. 64:5

Ibunene iyoŋ akiŋaranakin ŋulu itiyaete ŋuna iyookino, ŋulu etamunito akiwuapit ŋakiro kon. Nai ibu iyoŋ toŋo, ido aponi isua tosecae, aŋuna ibunio iyoŋ kiwua ereet kon, aponi isua tobilae ŋikisila.

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Osea 12:7

Ikwaan ŋituŋa a Isirael ka ikecurutan ŋini isitiyaete ŋakipimeta ŋuna nyiyookino, emina iŋes akiimakinit ŋuluce.

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mika 7:9

Aŋuna aseca ayoŋ aneni ke Ekapolon, edaŋidaŋi ayoŋ anyunyura ke Ekapolon, akitodol ŋina akacamakinia iŋes ayoŋ, ido totub ŋakiro kaŋ. Akalemuni iŋes ayoŋ anakiryonut tooma nakica; eŋolikini ayoŋ iŋes akaiuni.

Mal. 4:4

“Totamutu mono iyes ŋakiro ŋuna abu Moses eketiyan kaŋ ikitatam iyes, Ŋikisila ka ŋitalyo ŋulu abu ayoŋ oinak iŋes alomoru a ŋolo enyaritae Oreb, aŋuna a Ŋisirael daadaŋ.

Mat. 3:2

ebala, “Kibelekinos anasecisya kus, anerae aapuu Apukan ŋina anakuj!”

Mat. 4:17

Ŋinapei ŋina, kisyak Yesu alimonokin ebala, “Kibelekinos anasecisya kus, anerae aapuu Apukan ŋina anakuj.”

Mar. 1:15

ebala, “Adolu apaki, aapuu Apukan ka Akuj. Tokiwa ŋasecisya kus, tonupa Ŋakiro ŋuna Ajokak!”

Yoa. 7:17

Ani keseu idiotuŋanan ŋuna ecamit Akuj, eyenuni iŋes erae kebunit akitatam na aneni ka Akuj, kori erae kerworo ayoŋ aŋuna ka apedor kaŋ bon.

Ŋirom. 1:17

Anerae isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet, ikwapei igiritere atemar, “Iŋes ŋini iyookino a ŋuna enupitor neni ka Akuj, eyari.”