Isa. 55:8 - Ebaibul

⁸ Ebala Ekapolon, “Nyeriyan ŋatameta kaŋ ka ŋuna kus, kori nyewuapit ayoŋ ŋuna iwuapito iyes.

Isa. 55:8 Iomraidhean Croise

2 Sam. 7:19

Meere ŋun bon isileereu iyoŋ, okoe Ekapolon Akuj, ilimu iyoŋ tari ŋuna itiyakini lotuŋa a ekal a eketiyan kon, alorwa a ŋulu epote. Okoe Ekapolon Akuj, itiya iyoŋ ŋuna ka aumokin neni a ituŋanan!

2 Ŋirw. 5:11

Nai abu Naaman toluŋakin, torotok ebala, “Atami sek ayoŋ atemar kori ebuni iŋes kiŋa towo a ne, tosodi tonyara ekiro ŋolo ke Ekapolon a Akuj keŋ, totap akuwan kaŋ eketaŋaleu anataponu!

Yob 35:5

Kireo kidiama, ido totamatama ŋuna a ŋisubuna a ŋulu ite iyoŋ kiŋolik epite ŋolo eyakatar ŋidouwon ŋulu eyakasi kidiama kon.

Ŋikiru. 25:10

Itenit Ekapolon anamina ka anakikinyoma daadaŋ ŋulu iwuapito acamunet keŋ ka ŋuna elimunit iŋes.

Ŋikiru. 33:11

Nai ŋakiro ŋuna eye Ekapolon erubakinete jik ŋikaru ka ŋikaru. erubakinete ananyameta a daadaŋ ŋakiro ŋuna eye iŋes alotau keŋ.

Ŋikiru. 40:5

Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Ŋikiru. 92:5

Okoe Ekapolon, erae ŋiticisyo kon ŋulu ka aumokin! Eumokina nooi epite ŋolo itamya iyoŋ!

Ŋakit. 21:8

Nyileerete ŋakiro ŋuna iwuapito ŋituŋa ŋulu iilit aŋuna ka asecit, nai ejokak nooi ŋipitesyo a ŋituŋa a ŋulu iyookino.

Ŋakit. 25:3

Nyepedori ituŋanan ayenun ŋuna etami erwosit, etami iŋes akilo ŋituŋa ŋuluce, elwaka ŋatameta keŋ ikoni neni elwania kidiama, elwaka ŋatameta keŋ ikoni neni elwania kwap ŋakipi ŋuna ka anam.

Isa. 14:24

Ekoŋ Ekapolon ŋolo a ŋajoresyo ebala, “Itiyakin ŋakiro lopite ŋolo adaunia ayoŋ akitemokin, itiyakin ŋakiro lopite ŋolo adaunia ayoŋ ayeun ikote ne:

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Isa. 58:13

Ani pa kibila iyes akiciket ŋina ka akiricakinit akoloŋit ŋina a Sabato, pa kiwuap iyes ŋuna icamito iyes ŋikulepek alotooma akoloŋit kaŋ ŋina asegan, ani kinyarata iyes Sabato akoloŋit ŋina ka alakara, ani kinyarata iyes akoloŋit ŋina asegan ŋina a Ekapolon akoloŋit ŋina itopolooritae; ani kitopoloosi iyes iŋes anaesikin akitiya ŋuna icamito iyes ŋikulepek, kori anaesikin akitiya ŋuna ikitalakarito iyes, kori akiwarit akitiya ŋuna kus a ŋikulepek,

Isa. 65:2

Ŋapakio daadaŋ, abu ayoŋ ebaki ŋakan kaŋ neni a ŋituŋa a ŋulu akaŋerito ayoŋ; a ŋulu nyiwuapito ŋipitesyo ŋulu ajokak; a ŋulu iwuapito ŋuna kec a ŋilopeyek,

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Yer. 3:1

Ŋakiro ŋuna irworo Ekapolon ikes nu, “Ani kelak ekile aberu keŋ, ido tolot aberu ŋin aneni keŋ toruwor aberu a ekile a ece eboŋori mono iŋes neni a aberu a ŋin a? Nyeruwor mono ŋun ŋuna emunaarete akwap ŋin a? Itiyata iyes amalao ka ŋulu iminatar ŋulu alalak; ipedorete nai iyes aboŋun neni kaŋ a?

Esek. 18:29

Nai erubakinito Ŋisirael ebasi, ‘Nyiyookino akiwuapit ŋuna ke Ekapolon.’ Okoe Ŋisirael, nyiyookino kire akiwuapit ayoŋ a? Meere kire ŋuna iwuapito iyes nyiyookino a?

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”