Isa. 55:7 - Ebaibul

⁷ emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 55:7 Iomraidhean Croise

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

2 Ŋakiro a ŋirwa 15:4

Nai apotu ikes alocan kec toboŋut neni a Ekapolon Akuj a Ŋisirael, kiwara iŋes, ido apotu toryamut iŋes.

2 Ŋakiro a ŋirwa 30:6

Analimunet ke erwosit ka ŋikapolok, apotu ŋituŋa ŋulu eyakitae toloto Isirael daadaŋ ka Yudaya daadaŋ, yaasi ŋabaruwae ŋuna egiritae ŋakiro nu, “Okoe Ŋisirael, toboŋutu neni ke Ekapolon Akuj ka Aburaam, a Isaka ka Isirael, ikotere Akuj ebuni neni kus a ŋulu idoŋito, a ŋulu ipotu toiunos anapedor a ŋirwosi a ŋulu ka Asiriya.

2 Ŋakiro a ŋirwa 33:13

Kilip Manase neni ka Akuj, ido abu Akuj inak iŋes ŋuna ewarit, topupok adyekitoi keŋ, kinyaku iŋes Yerusalem ka napukan keŋ. Toyenu nai Manase atemar erae kire Ekapolon Akuj.

2 Ŋakiro a ŋirwa 7:14

ani kitiditeunosi ŋituŋa kaŋ ŋulu enyaritae a ekiro kaŋ, ido kilipa ka kiwara akiŋolikin ayoŋ, kimyekis ŋipitesyo kec ŋulu aronok, eirari nai ayoŋ anakuj ŋakiro kec, ido esyoni asecit kec ka eterereŋ akwap kec.

Yob 22:23

Ani kiboŋu iyoŋ neni ka Akuj a ŋina etiron, ani kilema iyoŋ amamukau akiyookino alore kon,

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Ŋikiru. 130:7

Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

Ŋikiru. 51:1

Okoe Akuj, kisyoni ayoŋ, alotooma amina kon ŋina nyiryaŋiryaŋa; aŋuna ka akisyon kon a ŋina alalan, kikisa ŋasecisya kaŋ.

Ŋikiru. 66:18

Ani kerae sek emunonite ayoŋ asecit alotau kaŋ, pa kepupokinit Ekapolon ŋakiro kaŋ;

Ŋakit. 28:13

Ani kimunon ituŋanan ŋasecisya keŋ, nyeryamuni akiyar ŋina ajokan, nai ituŋanan daadaŋ ŋini elimori, ido toki ŋasecisya keŋ, eryamuni akisyonio.

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 21:12

Toboŋok ekedaran nakwaare tema, “Ebunit ataparacu, nai ewariuni nabo. Ani kicamit iyoŋ akiŋita, kiŋit ka toboŋu nabo akiŋita.”

Isa. 31:6

“Okoe ŋituŋa a Isirael, toboŋosi neni a Akuj a ŋina ipotu iyes tolukis nooi.

Isa. 32:7

Ŋakiro ŋuna itiyaete ŋasyanisya, erae ŋuna aronok; eyeete akitiya ŋakiro ŋuna aronok ka irworosi alyokonu amunyarya ŋikulyak, tari kiyookino ŋakiro ŋuna edyakanarotor ŋituŋa ŋulu eyakatar akiitanit.

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Isa. 54:10

Epedorete ŋimoru aŋopiyar ka epedoryo ŋikamukumukui alemar, nai nyalemari ayoŋ amina kaŋ ŋina nyiryaŋiryaŋa aneni kon, nyepedoryo alemar aneni kon acamunet kaŋ ka iyoŋ ŋina ke ekisil. Alimu Ekapolon ŋolo ikisyonit iyoŋ ŋakiro ŋun.

Isa. 54:8

Abu ayoŋ ananyunyura kaŋ a ŋina alalan ewua ereet kaŋ aneni kon, nai anamina kaŋ a ŋina a ŋikaru ka ŋikaru, ekesyoni ayoŋ iyoŋ.

Isa. 58:6

Akiredanakin akiron ŋina acamit ayoŋ iŋes akitiya ŋuna iyookino alemarya ŋuna nyiyookino, alacakin ŋarukanes a ayokot a ŋina eenit ŋituŋa, isicanitae toryamut alacakina ka alemar ŋinibore daadaŋ isicanit ŋituŋa.

Isa. 59:7

Nyeayeneneete ikes apaki ŋina aoyan akitiya aronis, iburiburete ikes atipei akiar ituŋanan ŋini nyesecit; erae ŋatameta kec ŋatameta ŋuna ka asecit, imyenakinete ikes ŋinyas ka amunyaro aneni daadaŋ itorete ikes.

Yer. 3:14

Okoe ŋidwe ŋulu emam anupit, toboŋutu neni kaŋ, anerae arae ayoŋ Ekapolon kus. Akayaari ayoŋ iyes, ipei alotaun, ŋiarei alokal, okoya iyes lotaun Sion.

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Aum. 3:40

Emaikina iwon eŋolikisi make ŋipitesyo yok, ido oboŋosi akiwuap ŋuna ke Ekapolon.

Esek. 14:6

“Aŋun, tolimok Ŋisirael atemar ŋakiro ŋuna irworo Ekapolon Akuj ikes nu, ‘Tokiwa asecit kus, ido toboŋutu aneni aŋakujo kus ka kikoŋosi akitiya ŋuna ka asiilyo daadaŋ ŋuna itiyaete iyes.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Sakar 8:17

Nyituko akitiya aronis neni a ŋikidunyet kus, nyiminasi akikoŋ alyokonu. Aŋerit ayoŋ ŋun daadaŋ.”

Mat. 9:13

Toloto toriputu apolou a Ŋakigireta a ŋuna ebasi, ebala Akuj, ‘Acamit ayoŋ akisyon, meere amuronot.’ Anerae nyabunit ayoŋ anyaraun ŋulu iyookino, nai ŋikasecak.”

Mar. 7:21

Anerae alotooma ŋitai a ŋituŋa elomunete ŋatameta ŋuna aronok, adoteu, akoko, akiar,

Mar. 7:23

ŋun daadaŋ ikes ŋuna aronok ŋuna elomunete alotooma ituŋanan, kitoroniyasi iŋes.”

Luk. 15:10

Ikwaŋinapei, akalimokini ayoŋ iyes atemar, elelyanete ŋimalaikan ŋulu ka Akuj ikotere epeikasecan ŋolo ekii ŋasecisya keŋ.”

Luk. 15:24

Anerae lokoku kaŋ lo, atwanit, nai tokona ayaru; aolit, nai tokona atakanu.’ Ido kisyakis ikes akimuj ka akimomwor.

Luk. 7:47

Aŋun, akalimokini ayoŋ iyoŋ atemar, esyoni ŋasecisya keŋ ŋuna alalak, anerae etoodiu iŋes amina keŋ ŋina epol nooi, nai iŋes ŋini isyoniyo iwadio, edit amina keŋ.”

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Yak. 1:15

Esibit ekibure keŋ ŋolo aronon ibore ŋini epoti, ido touru asecit; topolou asecit, touru atwanare.